Gujarati News

Gujarati News

News of Tuesday, 19th January 2021

લાખોની કિંમતના ઇંગ્લીશ દારૂના ગુનામાં પકડાયેલ આરોપીઓની જામીન અરજી રદ

રાજકોટ તા. ૧૯ : ૧ર૦૪ બોટલ રૂ.૪,૮૧,૬૦૦/-ની ગેરકાયદેસર ઇંગ્લીશ દારૂ સાથે પકડાયેલ આરોપીઓની સેસન્સ અદાલતે જામીન અરજી રદ કરી હતી.

આ કેસની હકીકત એવી છે કે ગઇ તા.ર૬/૧ર/ર૦ર૦ ના રાજકોટ શહેર ડી.સી.બી.પોલીસ દ્વારા પેટ્રોલીંગ દરમ્યાન ખાનગી બાતમીના આધારે ખોખડદડ ગામે મેઇન રોડ પર ટાટા એસ માલવાહક નં. જી.જે. ૩ એએકસ ૧૩૩૪ નીકળતા તેનેે રોકી ચેક કરતા તેમાંથી ગેરકાયદેસર પાસ પરમીટ વગરની ભારતીય બનાવટની  ઇંગ્લીશ દારૂની બોટલો કુલ નંગ ૧ર૦૪ કિ.રૂ.૪,૮૧,૬૦૦/ સાથે આરોપીઓ નઇમ દીલાવર ચુડાસમા તથા અક્રમ સલીમ ચૌહાણ બંને રહેવાસી જંગલેશ્વર હુસેની ચોક રાજકોટ મળી આવતા ધોરણસર અટક કરવામાં આવેલ અને વાહન તથા ગેરકાયેસર દારૂનો જથ્થો કબજે કરેલ. અને પોલીસે ધરપકડ કરતા જામીન અરજી કરી હતી.

કોર્ટે બંને પક્ષોની રજુઆતો સાંભળ્યા બાદ ૧પ આ એડીશ્નલ જજ શ્રી બી.બી.જાદવ દ્વારા રજુ થયેલ તપાસના કાગળો, તપાસનીસ અમલદારનું સોગંદનામું વગેરે ધ્યાને લઇ એવા તારણો આપેલ કે, હાલના આરોપીઓના કબજામાથી ઉપરોકત વિગેતેનો મોટા પ્રમાણમાં ઇંગ્લીશ દારૂ મળી આવેલ હોવાનું પ્રથમ દર્શનીય રીતે ફલીત થાય છે. તેમજ દિનપ્રતિદિન સમાજમાં આવા પ્રકારના ગૂન્હાના પ્રમાણ વધતુ જાય છે અને યુવાધન બરબાદ થઇ રહેલ હોય આરોપીઓને તેમની વિરૂદ્ધના આવા ગુન્હામાં જામીન આપવી ન્યાયઉચીત જણાઇ આવતું નથી તેમજ આરોપીઓને જામીન ઉપર મુકત કરવામાં આવે તો આવો ગુન્હો કરતા તત્વોને મોકળુ મેદાન મળે કાયદાનો ભય રહે નહી અને સમાજ ઉપર તેની વિપરીત અસર પડે જેથી બન્ને આરોપીઓની જામીન અરજી રદ કરતો હુકમ કરેલ. આ કામે સરકાર પક્ષે પબ્લીક પ્રોસીકયુટર વકીલ અનિલ એસ.ગોગિયાએ રજુઆત કરેલ.

(4:20 pm IST)
  • કોરોના રસીનો જાદુ કે બાયડનના આગમનના પડઘા પડ્યા ? અમેરિકામાં કોરોના કેસમાં ધરખમ ઘટાડો, ૨૪ કલાકમાં દોઢ લાખ કેસ નોંધાયા, ૧૩૯૩ મૃત્યુ : ભારતમાં અભૂતપૂર્વ કોરોના કેસ ઘટી ગયા: ચોવીસ કલાકમાં માત્ર દસ હજાર નવા કેસ અને ૧૩૭ ના મોત: ઈંગ્લેન્ડમાં પણ ઘટાડો નોંધાયો, આજે સવાર સુધીમાં ૩૭ હજાર નવા કેસો: બ્રાઝિલમાં ૨૪ હજાર, રશિયામાં ૨૨ હજાર, જર્મનીમાં અને ઈટાલીમાં ૮ હજાર નવા કેસ થયા છ: ચીનમાં રોજ એકસો ઉપર નવા કેસો, આજે સવારે ૧૧૮ કેસ નોંધાયા: હોંગકોંગમાં ૧૦૭ અને ઓસ્ટ્રેલિયમાં ૧૩ નવા કેસ નોંધાયા access_time 10:30 am IST

  • પ્રાઇવેટ ડોક્ટર પાસે આંખ ચેક કરાવો : સરકારી હોસ્પિટલના રિપોર્ટ ખોટા જોવા મળ્યા છે : કેન્દ્રીય મિનિસ્ટર ગડકરીનો રાજનાથસિંઘ સાથેનો સંવાદ : મુંબઈમાં કારમાં મુસાફરી વખતે પોતાના ડ્રાયવરને મોતિયો હોવા છતાં આંખ બરાબર હોવાનું સર્ટિફિકેટ લાવ્યો હતો : એક મુખ્યમંત્રીનો ડ્રાયવર બંને આંખે આંધળો હતો : એક કેન્દ્રીય મિનિસ્ટરના ડ્રાયવરની એક આંખ ખરાબ હતી access_time 11:42 am IST

  • આખરે વેપારીઓની માંગણી સામે ઝૂકી રાજસ્થાનની ગેહલોત સરકાર : જયપુર સહીત 13 જિલ્લામાંથી નાઈટ કર્ફ્યુ હટાવ્યો : અજમેરના વેપારીઓએ આંદોલન કરવાની ધમકી આપી હતી access_time 6:46 pm IST