Gujarati News

Gujarati News

News of Tuesday, 19th January 2021

રવિવારથી ફરી ઠંડીનો રાઉન્‍ડઃ પારો સિંગલ ડીજીટમાં પહોંચી જશે

વેધરએનાલીસ્‍ટ અશોકભાઈ પટેલની તા.૨૦ થી ૨૭ જાન્‍યુઆરી સુધીની આગાહી : શુક્રવારે ગરમીનું પ્રમાણ રહેશે, શુક્ર- શનિ ઝાકળવર્ષાઃ તા.૨૨ થી ૨૪ ઉત્તર ભારતના પહાડી પ્રદેશોમાં બરફવર્ષા- વરસાદ પડશે જેની અસરથી સૌરાષ્‍ટ્ર- કચ્‍છ- ગુજરાતમાં તા.૨૪ થી ૨૭ ઠંડીનો રાઉન્‍ડ આવશે

રાજકોટ,તા.૧૯: આગામી રવિવારથી ફરી ઠંડીનો રાઉન્‍ડ આવી રહ્યો છે. ઠંડીનો પારો ફરી ૧૦ ડીગ્રીની નીચે પહોંચી જશે. તેમ વેધરએનાલીસ્‍ટ શ્રી અશોકભાઈ પટેલે જણાવ્‍યું છે.

તેઓએ જણાવેલ કે હાલ ઠંડીમાં રાહત જોવા મળે છે. ઠંડી નોર્મલ આસપાસ જોવા મળે છે. દિવસનું તાપમાન નોર્મલથી ઉચુ (૩૦,૩૧ ડીગ્રી નજીક) રહે છે. રાજકોટમાં ૧૨.૯ (૧૩ ડીગ્રી નોર્મલ), કેશોદ ૧૧.૨ (૧૨ ડીગ્રી નોર્મલ), અમરેલી ૧૧.૩ (૧૧ ડીગ્રી નોર્મલ), ભુજ ૧૦.૮ (૯ ડીગ્રી નોર્મલ), ગાંધીનગર ૯.૮, અમદાવાદ ૧૨.૩ (૧૨ ડીગ્રી નોર્મલ) દિવસનું તાપમાન અમુકમાં સેન્‍ટરોમાં ૨૯ ડીગ્રીથી વધારે અને ઓછા સેન્‍ટરમાં ૨૮ ડીગ્રી રહે છે.

વેધર એનાલીસ્‍ટ શ્રી અશોકભાઈ પટેલે તા.૨૦ થી ૨૭ જાન્‍યુઆરી સુધીની આગાહી કરતાં જણાવ્‍યું છે કે હાલમાં તાપમાન નોર્મલ નજીક રહેશે. તા.૨૨ના દિવસ દરમ્‍યાન ગરમી હજુ વધશે. તા.૨૨ થી ૨૪ દરમ્‍યાન સવારે ભેજનું પ્રમાણ વધશે. શરૂઆતમાં કચ્‍છ અને પヘમિ સૌરાષ્‍ટ્ર તરફ વધશે. તા.૨૩ના વધુ રહેશે તા.૨૨, ૨૩ના ઝાકળની વધુ શકયતા છે. તા.૨૨ થી ૨૪ વચ્‍ચે એક વેસ્‍ટર્ન ડિસ્‍ટર્બન્‍સ પણ જોવા મળશે.  ઉત્તર ભારતમાં પહાડી વિસ્‍તારોમાં બરફવર્ષા વરસાદ પડશે.જેની અસરથી તા.૨૪ થી ૨૭ ફરી ઠંડીની રાઉન્‍ડ આવશે. હાલ જે તાપમાન છે , તેનાથી નીચુ આવી જશે. ૧૦થી નીચે જશે. (સીંગલ આંકડામાં આવી જશે.) દિવસનું તાપમાન પણ ૨૬ થી ૨૮ ડીગ્રી વચ્‍ચે જોવા મળશે

(4:09 pm IST)
  • સુભાષબાબુનો જન્મદિવસ પરાક્રમ દિવસ તરીકે દર વર્ષે દેશ આખો ઉજવશે : મોદી સરકારની જાહેરાત ૨૩ જાન્યુઆરીએ નેતાજી સુભાષચંદ્ર બોઝનો જન્મ દિવસ 'પરાક્રમ દિવસ' તરીકે ઉજવવાની મોદી સરકારે જાહેરાત કરી છે. દર વર્ષે 'પરાક્રમ દિવસ' તરીકે સુભાષબાબુનો જન્મ દિવસ ઉજવવામાં આવશે તેમ સાંસ્કૃતિક બાબતોના કેન્દ્રીય મંત્રાલય આજે જાહેર કરેલ છે. access_time 11:35 am IST

  • પશ્ચિમ બંગાળમાં કેન્દ્રીય મિનિસ્ટર દેબાશ્રી ચૌધરીના રોડ શો દરમિયાન ભાજપ કાર્યકરો ઉપર પથ્થરમારો : ભાગદોડ અને તનાવ વચ્ચે ચૂંટણી વાતાવરણ ગરમાયુ : હુમલાખોરો ના હાથમાં ટીએમસીના ધ્વજ હોવાનો આક્ષેપ access_time 6:49 pm IST

  • પ્રાઇવેટ ડોક્ટર પાસે આંખ ચેક કરાવો : સરકારી હોસ્પિટલના રિપોર્ટ ખોટા જોવા મળ્યા છે : કેન્દ્રીય મિનિસ્ટર ગડકરીનો રાજનાથસિંઘ સાથેનો સંવાદ : મુંબઈમાં કારમાં મુસાફરી વખતે પોતાના ડ્રાયવરને મોતિયો હોવા છતાં આંખ બરાબર હોવાનું સર્ટિફિકેટ લાવ્યો હતો : એક મુખ્યમંત્રીનો ડ્રાયવર બંને આંખે આંધળો હતો : એક કેન્દ્રીય મિનિસ્ટરના ડ્રાયવરની એક આંખ ખરાબ હતી access_time 11:42 am IST