Gujarati News

Gujarati News

News of Thursday, 18th October 2018

એલ.જી.ધોળકીયા પ્રા.શાળાના ચામુંડા ગૃપની બાળાઓ પ્રાચીન ગરબામાં રાજયકક્ષાએ પસંદ

રાજકોટઃ તાજેતરમાં જીએમઇઆરએસ મેડીકલ કોલેજ ઓડીટોરીયમ ગાંધીનગર ખાતે રાજયકક્ષાની નવરાત્રી રાસ-ગરબા સ્પર્ધા-ર૦૧૮ યોજાઇ ગઇ. તેમાં સમગ્ર ગુજરાતના તમામ જિલ્લાઓમાંથી જિલ્લા કક્ષાએ પ્રથમ ક્રમે આવેલા રાસ-ગરબાઓને પ્રદર્શનની તક મળી હતી.આ સ્પર્ધામાં સાચી રે મારી સત રે ભવાનીમાં એ પ્રાચીન ગરબો ધોળકીયા સ્કુલની બાળાઓના ચામુંડા ગૃપે રાજકોટ શહેર જિલ્લામાં પ્રથમ સ્થાન મેળવતા આ બાળાઓને રાજયકક્ષાએ પ્રદર્શનની તક મળી છે. આમ રાજયકક્ષાએ પ્રાચીન ગરબો પસંદ થતા ઠેર ઠેરથી અભિનંદન વર્ષા થઇ હતી. રાજયકક્ષાના આ પ્રદર્શનમાં સુર-તાલ સાથે રાજકોટની કૃતિ રજુ થતા સેંકડો દર્શકોએ તાળીઓના ગડગડાટ સાથે આ કૃતિને વધાવી લીધી હતી. જે તસ્વીરમાં દર્શાય છે. નોંધનીય છે કે છેલ્લા પાંચ વર્ષથી સતત વર્ષે માતુશ્રી એલ.જી.ધોળકીયા પ્રાથમીક શાળાના શિક્ષક બહેનો રાજયકક્ષાએ કૃતિ રજુ કરવા જઇ રહયા છે તે બાબતે મેનેજીંગ ટ્રસ્ટી જીતુભાઇ ધોળકીયા અને કૃષ્ણકાંતભાઇ ધોળકીયાએ સર્વેને અભિનંદન પાઠવ્યા છે.

(3:47 pm IST)
  • સુરતમાં હત્યાનો દોર યથાવત:જહાંગીરપૂરા વિસ્તારમાં મોડી રાત્રે ખેલાયો ખૂની ખેલ:રસીદ ઉર્ફે બાબુ નામના યુવકની થઈ હત્યા :જૂની અદાવતમાં યુવકને ઉતારી દીધું મોતના ઘાટ:મૃતક રસીદ માથે ભારે શખ્સ હોવાની વાત:જહાંગીરપૂરા પોલીસે અજાણ્યા વિરુદ્ધ હત્યાનો ગુનો નોંધી તપાસ હાથ ધરી access_time 1:45 pm IST

  • સમીના રામપુરા ગામે અપંગ અને મંદબુદ્ધિની મહિલા સાથે આચરાયું દુષ્કર્મ :દુષ્કર્મ આચરી ગર્ભવતી બનાવતા ગામના શખ્સ વિરુદ્ધ નોંધાઇ ફરિયાદ access_time 4:35 pm IST

  • છત્તીસગઢ વિધાનસભા ચૂંટણીમાં જનતા કોંગ્રેસ છત્તીસગઢ અને બીએસપી ગઠબંધને 13 ઉમેદવારો જાહેર કર્યા :ગઠબંધન મુજબ જનતા કોંગ્રેસ છત્તીસગઢ 55 સીટો પર અને બીએસપી 35 બેઠકો પર ચૂંટણી લડશે:સીપીઆઇ પણ માયાવતી અને અજિત જોગીના ગઠબંધનમાં જોડાશે ;બે બેઠક પરથી ચૂંટણી જંગમાં ઝુકાવશે access_time 1:25 am IST