Gujarati News

Gujarati News

News of Thursday, 18th October 2018

'મારી ગાડી અહિંયાજ રહેશે' કહી કાર ચાલક નિલેશ ઠુમ્મરે પોલીસ સાથે ડખ્ખો કર્યો

સર્વેશ્વર ચોક પાસે ટ્રાફીકને અડચણરૂપ પડેલી કારને સાઇડમાં લેવાનું કહેતા માથાકુટ કરીઃ પટેલ શખ્સ સામે ફરજમાં રૂકાવટનો ગુનો

રાજકોટ તા. ૧૮: યાજ્ઞિક રોડ પર સર્વેશ્વર ચોક પાસે ટ્રાફીકને અડચણ રૂપ પડેલી કારને પોલીસે સાઇડમાં લેવાનું કહેતા કાર ચાલકે માથાકુટ કરતા પોલીસે ફરજમાં રૂકાવટનો ગુનો દાખલ કરી તપાસ આદરી છે.

મળતી વિગત મુજબ એ ડીવીઝન પોલીસ મથકની પીસીઆર વેનમાં ઇન્ચાર્જ તરીકે પીએસઆઇ આર. સી. રામાનુજ તથા કોન્સ. ક્રિપાલસિંહ ઝાલા તથા મહાવિરસિંહ જાડેજા વિસ્તારમાં પેટ્રોલીગમાં હતા ત્યારે મોડી રાત્રે યાજ્ઞીક રોડ પર સર્વેશ્વર ચોક પાસે એક જી.જે. ૩ કેએચ-૧પ૮૪ નંબરની વોકસ વેગન કાર વાહનોને અડચણરૂપ રોડ પર પાર્ક કરેલ હોઇ ત્યાં પહોંચી કાર માલીક બાબતે આસપાસ તપાસ કરતા કાર માલીક ત્યાં આવતા પોલીસે તેનું નામ પૂછતા તેણે પોતાનું નામ નિલેષ નાનજીભાઇ ઠુમ્મર જણાવ્યું હતું અને તેને પોતાની કાર સાઇડમાં પાર્ક કરવાનું કહેતા નીલેષે ઉશ્કેરાઇને 'મારી ગાડી અહિંયાજ રહેશે' તમારે થાય તે કરી લ્યો' તેમ કહી ઉધ્ધતાભર્યું વર્તન કરવા લાગેલ અને દેકારો કરવા લાગેલ પીસીઆર ઇન્ચાર્જ પીએસઆઇ રામાનુજે તેને ઉંચા અવાજે બોલવાની ના પાડતા નીલેષે ઉશ્કેરાઇને પોલીસ સ્ટાફ સાથે માથાકુટ કરી ગાળો બોલતા જાણ કરતા ડીસ્ટાફના પીએસઆઇ એસ. વી. સાખરા, હેડ કોન્સ. ઇન્દ્રસિંહ, હાર્દિકસિંહ સહિતે સ્થળ પર પહોંચી નિલેષ નાગનજીભાઇ ઠુમ્મર (ઉ.વ. ર૯) (રહે. તપન સ્કુલની સામે, ૮૦ ફુટ રોડ, શિવ દ્રષ્ટી સોસાયટી-૩) વિરૂધ્ધ ફરજમાં રૂકાવટનો ગુનો દાખલ કરી તેની ધરપકડ કરી કાર્યવાહી કરી છે.

(3:35 pm IST)
  • ભારતની ચિંતા વધારશે ચીન :બ્રહ્મોસ મિસાઇલથી પણ બહેતર મિસાઈલ પાકિસ્તાનને આપશે :પાકિસ્તાન ચીન પાસેથી સુપરસોનિક મિસાઈલ ખરીદે તેવી શકયતા :ચીનના સરકારી મીડિયા મુજબ ચીન દ્વારા પાકિસ્તાન સાથે સૌથી મોટો ડ્રોન સોદો કરવાની જાહેરાત કરશે ;આગામી 3જી નવેમ્બરે પાકિસ્તાનના પીએમ ઇમરાનખાન ચીનના ત્રણ દિવસના પ્રવાસે જશે access_time 1:12 am IST

  • રાજકોટ:સ્વાઈન ફ્લૂના વધુ એક દર્દીનું સારવાર દરમિયાન મોત:મોરબી જિલ્લાના ટંકારા તાલુકાના અમરાપર ગામના 45 વર્ષીય પુરુષનું સ્વાઈન ફ્લૂથી મોત:ખાનગી હોસ્પિટલમાં સારવાર દરમિયાન થયું મોત:ચાલુ વર્ષે સ્વાઈન ફલૂ થી મૃત્યુ આંક 25 પહોંચ્યો:ચાલુ વર્ષે કુલ 109 પોઝિટિવ કેશ નોંધાયા છે access_time 1:13 pm IST

  • હાર્દિક રાત્રે રાજકોટમાં : હાર્દિક પટેલ આજે રાત્રે ૯ વાગે રાજકોટ આવી રહયા છે. તેઓ કલબ યુવી, સંસ્કૃતિ (નાનામૌવા) અને ઉપલાકાંઠે આવેલ. ગરબીમાં જનાર હોવાનુ જાણવા મળે છે access_time 3:59 pm IST