Gujarati News

Gujarati News

News of Thursday, 18th October 2018

નવરાત્રીના સાત દિવસમાં ૧૯૦૦ વાહનોનુ ધુમ વેંચાણ

કોર્પોરેશનને ગત વર્ષની સરખામણીએ આજ દિન સુધીમાં ૪ કરોડની વધુ આવક

રાજકોટ, તા.,૧૮: શહેરમાં નવરાત્રી તહેવારના સાત દિવસમાં  ૧૯૧૬ ટુ અને ફોર વ્હીલર વાહનો વેચાતા રૂ. ૪૩.૩૯ લાખની આવક  થવા પામી  છે. ગત વર્ષ કરતા વાહન વેરાની  આવક વધુ થવા પામી છે. વાહન વેરાનાં ૧૩ કરોડનાં લક્ષ્યાંકમાં રૂ.૫ કરોડનું છેટુ છે.

આ અંગે કોર્પોરેશનનાં વાહનવેરા વિભાગ માંથી મળતી પ્રાપ્ત માહિતી મુજબ તા.૧ એપ્રિલ ૨૦૧૮ થી તા. ૧૭ ઓકટોબર ૨૦૧૮ સુધીમાં ૧૨ પ્રકારના ૩૩,૯૦૭ વાહનો વેચાતા કુલ રૂ.૮.૭૧ કરોડની આવક થવા પામી છે. આ પૈકી ર૭,૬ર૬  ટુ વ્હીલરના રૂ. ૧.૭૦ કરોડ, ફોર વ્હીલર(પેટ્રોલ) ૩,૮૭ વાહનોના રૂ. ૩.૨૭ કરોડ,  ફોર વ્હીલર(ડિઝલ)ના ૧૩૮૧ વાહનો વેચાતા રૂ. ૧,૮૯,૯૪,૮૭૨ તથા થ્રી વ્હીલર ૭૯૮ વેંચાતા રૂ. ર૭.૪પ કરોડ, સહિત કુલ રૂ. ૮.૭૧ કરોડની આવક  તંત્રની તીજોરીમાં જમા  થવા પામી છે. વાહન વેરાનો મુળ ૧૩ કરોડ લક્ષ્યાંક આપવામાં આવ્યો હતો. અત્રે નોંધનીય છે, તંત્ર દ્વારા ગત વર્ષથી વાહનની કિંમતનાં ૧ ટકા લેખે વેરો વસુલવામાં આવે છે.

(3:34 pm IST)
  • હાર્દિક રાત્રે રાજકોટમાં : હાર્દિક પટેલ આજે રાત્રે ૯ વાગે રાજકોટ આવી રહયા છે. તેઓ કલબ યુવી, સંસ્કૃતિ (નાનામૌવા) અને ઉપલાકાંઠે આવેલ. ગરબીમાં જનાર હોવાનુ જાણવા મળે છે access_time 3:59 pm IST

  • ભારતની ચિંતા વધારશે ચીન :બ્રહ્મોસ મિસાઇલથી પણ બહેતર મિસાઈલ પાકિસ્તાનને આપશે :પાકિસ્તાન ચીન પાસેથી સુપરસોનિક મિસાઈલ ખરીદે તેવી શકયતા :ચીનના સરકારી મીડિયા મુજબ ચીન દ્વારા પાકિસ્તાન સાથે સૌથી મોટો ડ્રોન સોદો કરવાની જાહેરાત કરશે ;આગામી 3જી નવેમ્બરે પાકિસ્તાનના પીએમ ઇમરાનખાન ચીનના ત્રણ દિવસના પ્રવાસે જશે access_time 1:12 am IST

  • આવતીકાલે શુક્રવારે પણ ઇંધણના ભાવમાં મળશે રાહત :પેટ્રોલ -ડીઝલના ભાવમાં થશે ઘટાડો : પેટ્રોલના ભાવમાં 20 પૈસા અને ડીઝલના ભાવમાં સંભવત 10 પૈસા સુધીનો ઘટાડો કરાય તેવી શકયતા : એકધારા વધતા ભાવથી ત્રાહિમામ લોકોને મળશે હળવી રાહત access_time 11:58 pm IST