Gujarati News

રાજકોટઃ મનપા દ્વારા આજી ડેમની બાજુમાં ૪૭ એકરમાં કરોડોનાં ખર્ચે તૈયાર કરેલા ભવ્ય અને દિવ્ય રામવન અર્બન ફોરેસ્ટનું ગઇકાલે મુખ્યમંત્રી ભુપેન્દ્રભાઇ પટેલે ખુલ્લુ મુકી જન્માષ્ટમી પર્વે શહેરીજનોને અણમોલ ભેટ આપી છે. હાલ પવિત્ર શ્રાવણ માસ અને સાતમ-આઠમના તહેવાર ચાલી રહ્યા છે જેથી તા. ૨૮ ઓગષ્ટ સુધી એટલે કે પુરો શ્રાવણ માસ રામવનમાં શહેરીજનોને વિનામૂલ્યે પ્રવેશની જાહેરાત પદાધીકારીઓ અને અધિકારીઓ દ્વારા કરવામાં આવી છે ત્યારબાદ રામવનમાં પ્રવેશ માટે બાળકોનાં રૃા.૧૦ અને મોટાના રૃા.૨૦ રાખવા મ.ન.પા. તંત્ર વાહકો દ્વારા વિચારણા કરવામાં આવી રહી છે. આ માટે આગામી સમયમાં  મનપા દ્વારા સતાવાર જાહેરાત કરવામાં આવશે.