Gujarati News

Gujarati News

News of Wednesday, 18th July 2018

રાજકોટમાં ઝાપટાનો દોર ચાલુ

ગતરાતથી સવાર સુધી ઝરમર ચાલુ રહ્યા બાદ બપોરે થોડીવાર તડકો નીકળ્યા બાદ ફરી ઝરમર ચાલુ

રાજકોટ, તા. ૧૮ : સમગ્ર સૌરાષ્ટ્રને મેઘરાજા ધમરોળી રહ્યા છે. આજે પણ કોડીનાર, માંગરોળ, લાલપુર, માળીયાહાટીના, સોરઠ સહિતની જગ્યાઓએ વરસાદ પડ્યો છે. જો કે ગતરાત્રીથી જોર ધીમુ પડી ગયું છે. જો કે ગતરાત્રીથી જોર ધીમુ પડી ગયુ છે. દરમિયાન રાજકોટ શહેરમાં પરમ દિ'ની રાત્રે ધોધમાર ૭ાા ઈંચ ખાબકી ગયા બાદ ગઈકાલે ઝાપટા પડ્યા બાદ ગતરાતથી ધીમી ધારે ચાલુ રહ્યા બાદ આજે બપોરથી ઉઘાડ નીકળ્યો છે.

રાજકોટમાં ગઈકાલે પણ મેઘાવી માહોલ છવાયેલો હતો. ઝરમર વરસાદ આવન-જાવન કરતો હતો. દરમિયાન ગતરાત્રીના પણ  હળવા ઝાપટા સતત ચાલુ જ રહ્યા હતા. સતત મેઘાવી માહોલના પગલે વાતાવરણમાં ઠંડક પ્રસરી ગઈ હતી. સતત વરસતા વરસાદી ઝાપટાના પગલે ગૃહિણીઓની હાલત કફોડી થઈ ગઈ હતી. ધોયેલા કપડા ઘરમાં જ સૂકવવાની ફરજ પડી હતી. આજે વ્હેલી સવારે ઝરમર બંધ થયા બાદ નવેક વાગ્યાની આસપાસ ફરી ઝરમર ચાલુ થઈ ગયો હતો. મચ્છરીયા વરસાદનો દોર બપોર સુધી રહ્યો હતો.

દરમિયાન આ લખાય છે ત્યારે બપોરે ઉઘાડ નીકળ્યા બાદ ઝરમર ફરી ચાલુ થયો છે. ફરી સાંજના સમયે વરસાદી માહોલનો દોર ચાલુ રહે તેવી સંભાવના છે. (૩૭.૯)

રાજકોટનો આજનો ઝોન વાઇસ વરસાદ

ઝોન       સવારના ૬થી બપોરનાં ૨ સુધી   મોસમ

સેન્ટ્રલ     ૧૩મી.મી        ૩૩૧ મી.મી

વેસ્ટ       ૧૪મી.મી        ૩૬૩ મી.મી

ઇસ્ટ       ૧૦મી.મી        ૨૬૪ મી.મી

(3:48 pm IST)
  • મત કોને આપ્યો ?: પાકિસ્તાનમાં આવો સવાલ પૂછવો પડશે મોંઘો : સવાલ પૂછનારને થશે જેલ અને દંડ :જેલ અને દંડ બંને પણ થઇ શકે છે;પાકિસ્તાનના ચૂંટણી પંચે આવા કેટલાય કાર્યો પર પ્રતિબંધ લગાવ્યો :આચાર સંહિતાનું ઉલ્લંઘન માનીને કાનૂની કાર્યવાહી કરાશે access_time 1:34 am IST

  • "ભારત માતાકી જય" નાદ સાથે સંસદનું ચોમાસુ સત્ર શરૂ: દેશના વિકટ પ્રશ્નો હલ કરવા વિપક્ષોનો સહકાર માંગતા મોદી access_time 1:09 pm IST

  • દેશના ટોચના સામાજિક કાર્યકર્તા સ્વામી અગ્નિવેશ સાથે મારકૂટ કરવાના મામલે આઠ લોકો સામે ગુન્હો દાખલ :ભાજપ કિશાન મોરચાના પ્રદેશ મંત્રી અનંત તિવારી,ભાજપ યુવા મોરચાના જિલ્લા અધ્યક્ષ પ્રસન્ના મિશ્રા,ભજપના જિલ્લા મહામંત્રી બલરામ ડૂબે,પાકુડના જિલ્લા મંત્રી ગોપી ડૂબે,બજરંગદળના પિન્ટુ મંડળ,અશોક પ્રસાદ,શિવકુમાર સાહા અને બદલ મંડળના નામનો સમાવેશ access_time 1:07 am IST