Gujarati News

Gujarati News

News of Tuesday, 18th May 2021

રાજકોટમાં મધરાતે ૭૦ કિ.મી.ની ઝડપે પવન ફૂંકાયા'તાઃ ૧ાા ઈંચ

રાજુલામાં સૌથી વધુ ૧૯૫ કિ.મી.ની તોફાની ઝડપે પવન ફૂંકાયેલાઃ જસદણ, વિંછીયા, ગોંડલ પંથકમાં ૮૦ થી ૯૦ કિ.મી.ની ઝડપ હતી : રાજકોટ શહેરમાં પવનની એવરેજ સ્‍પીડ ૫૦ કિ.મી.નીઃ છવાયેલા વાદળો વચ્‍ચે વરસાદ એકધારો ચાલુ

રાજકોટઃ સૌરાષ્‍ટ્રમાં દરિયામાં મધરાતે વાવાઝોડાએ લેન્‍ડફોલ કર્યુ હતું. ધીમેધીમે આગળ વધી રહ્યું છે. સવારે ૭:૩૦ વાગ્‍યા અપડેટ મુજબ વાવાઝોડુ દીવથી ૯૫ કિ.મી. ઉતર દિશામાં અને અમરેલી આસપાસ હાલ છે. બોટાદ, સુરેન્‍દ્રનગર થઈ સાંજે અમદાવાદમાં લેન્‍ડફોલ કરશે. ‘‘ર્તૌકતે'' નબળુ પડયું છે. હાલ ઉત્તર- ઉત્તર- પヘમિ દિશામાં આગળ વધી રહ્યું છે.

રાજકોટ શહેરની વાત કરીએ તો શહેરમાં ગઈકાલ બપોર બાદથી જ વાતાવરણમાં પલ્‍ટો જોવા મળ્‍યો હતો. આકાશમાં ઘનઘોર વાદળો છવાઈ ગયા હતા. પવનનું જોર સતત જોવા મળતું હતું. દરમિયાન મોડીરાતે પવનની ગતિ એકાએક વધી ગઈ હતી અને એક સમયે ૭૦ કિ.મી.ની ઝડપે તોફાની પવન ફૂંકાયા હતા.

દરિયામાં વાવાઝોડુ લેન્‍ડફોલ થયા બાદ આશરે બે અઢી વાગ્‍યા બાદ વરસાદ સાથે પવનનું જોર પણ જોવા મળ્‍યું હતું. મધરાતથી સવાર સુધીમાં એવરેજ ૫૦ કિ.મી.ની ઝડપે પવન ફૂંકાઈ રહ્યા હતા. હવામાન ખાતામાં દોઢ ઈંચ વરસાદ નોંધાયો છે. આ લખાય છે ત્‍યારે પણ કાળાડીબાંગ વાદળો વચ્‍ચે પવન અને વરસાદ પડી રહ્યો છે.

દરમિયાન મોડીરાતે રાજુલામાં સૌથી વધુ પવનની ઝડપ જોવા મળી હતી. ૧૯૫ કિ.મી.ના તોફાની પવન ફૂંકાયા હતા. જયારે જસદણ, વિંછીયાના ગોંડલ પંથકમાં ૮૦ થી ૯૦ કિ.મી.ની પવનની સ્‍પીડ જોવા મળી હતી.

(11:07 am IST)
  • વાવાઝોડાની ઇફેક્ટ : જૂનાગઢ ના ચોરવાડ માં અતિભારે ફૂંકાતા પવનને કારણે નારીયેલીના ઝાડ પડતા 2 માળ નું મકાન થયું ઘરાશાઈ access_time 11:46 pm IST

  • બંગાળની રાજનીતિમાં જબરો ગરમાવો : પશ્ચિમ બંગાળના નારદા સ્ટિંગ કેસમાં CBI દ્વારા ધરપકડ કરાયેલા ચાર ટીએમસી નેતાઓની જામીન પર કલકત્તા હાઇકોર્ટે મોડી સાંજે રોક લગાવીને સ્ટે આપ્યો છે. હાઇકોર્ટે આ કેસમાં આગામી સુનાવણી માટે 19 મેની તારીખ નક્કી કરી છે. access_time 11:28 pm IST

  • વેક્સીન માટે હજુ રાહ જાવી પડશે : સેન્ટરો ખોલવા માટે હજુ સુધી સરકારનો કોઈ આદેશ નહિં : રાજય સરકારે વાવાઝોડાને કારણે તા.૧૭ અને ૧૮ ઍમ બે દિવસ માટે કોરોના વેક્સીન મૂકવાના સેન્ટરો બંધ રાખવા આદેશ કરેલ : આ આદેશ બાદ હજુ સુધી વેક્સીન સેન્ટરો ખોલવા માટે કોઈ આદેશ નથી : નવો આદેશ આવે ત્યાં સુધી મનપા વેક્સીન સેન્ટરો ખોલશે નહિં access_time 4:58 pm IST