Gujarati News

Gujarati News

News of Tuesday, 18th May 2021

ભૂપત બોદરે વહેલી સવાર સુધી હાજર રહીને રાહ ચીંધ્યો

જિલ્લા પંચાયત પ્રમુખ-ડી.ડી.ઓ.એ રાત્રે કંટ્રોલ રૂમમાં મુકામ કર્યોઃ ગામડાઓ સુધી સતત સંપર્ક

રાજકોટ જિલ્લા પંચાયત કચેરીનાં કંટ્રોલ રૂમ ખાતે રાત્રે પ્રમુખ ભૂપત બોદર અને જિલ્લા વિકાસ અધિકારી અનિલકુમાર રાણાવાસિયાએ મુકામ કરી ગ્રામીણ કક્ષા સુધીની માહિતી સતત મેળવેલ તે પ્રસંગની તસ્વીર. (તસ્વીર : સંદીપ બગથરીયા)

રાજકોટ તા. ૧૮ :.. તાઉતે વાવાઝોડાની પરિસ્થિતિને અનુલક્ષીને પંચાયત કચેરી ખાતેના કંટ્રોલ રૂમ પર પ્રમુખે ભૂપત બોદર અને ડી. ડી. ઓ. અનિલકુમાર રાણાવાસિયાએ હાજર રહી ગ્રામીણ ક્ષેત્ર સુધી સંપર્ક જાળવેલ અને તંત્રને માર્ગદર્શન આપ્યું હતું. પ્રમુખ બોદર રાત્રે ૯.૩૦ વાગ્યાથી વહેલી સવારે ૪ વાગ્યા સુધી કંટ્રોલ રૂમમાં રહ્યા હતાં. કુદરતી આફત વખતે પ્રમુખ આખી રાત કંટ્રોલ રૂમમાં રહ્યુ હોય તેવુ રાજકોટમાં કદાચ પ્રથમ વખત બન્યું છે.

પ્રમુખશ્રી ભુપતભાઇ બોદર તરફથી વાવાઝોડા અન્વયે ગ્રામ્ય કક્ષાએની સ્થિતિની જાણકારી લેવા રાજકોટ તાલુકાના ગામોના ગ્રામ પંચાયતના તલાટી મંત્રીઓ તથા સરપંચશ્રી સાથે ટેલીફોન દ્વારા વાવાઝોડાની પરિસ્થિતિ અંગે ટેલીફોનીક વાત કરી જાણ કરવામાં આવી હતી. અને તકેદારી માટે જરૂરી પગલાઓ લેવા માટેના સુચનો કરેલ હતાં. આમ કંટ્રોલ રૂમ ખાતે રાત્રી રોકાણ કરવાના દ્રઢ સંકલ્પ સાથે કંટ્રોલ રૂમ ખાતે જ ઉપસ્થિત છું. તેવો વિશ્વાસ આપી રાજકોટ જીલ્લા પંચાયત પ્રમુખશ્રી ભુપત બોદર દ્વારા કોઇપણ જાતની સહાયની જરૂર હોઇ તો વિના સંકોચે જણાવવા કહ્યું હતું અને લોકોના જાનમાલની સુરક્ષામાં કોઇ કચાશ ના રહી જાય તે અંગે ખાસ ભલામણ કરેલ છે.

(12:13 pm IST)
  • ગુજરાતમાં પ્રવર્તમાન વાવાઝોડા અને વરસાદ ની પરિસ્થિતિમાં આરોગ્ય તંત્ર સ્ટેન્ડબાય હોવાને અનુલક્ષી ને સમગ્ર રાજ્યમાં કોરોના રસીકરણ ની કામગીરી આવતીકાલે પણ સ્થગિત રાખવાનો નિર્ણય કરવામાં આવ્યો છે : આ કામગીરી હવે તા. 20 મે 2021 ગુરુવાર થી ફરી શરૂ કરવામાં આવશે તેમ રાજ્ય સરકારે જણાવ્યું છે. access_time 7:24 pm IST

  • કોરોનાને રોકવા માટે જે કરવુ પડે એ કરોઃ તમને ફ્રી હેન્ડઃ ટેસ્ટિંગ, ટ્રેકિંગ, વેકસીનેશનનો આપ્યો મંત્ર : વડાપ્રધાન મોદીએ દિલ્હી, બિહાર, કર્ણાટક સહિત ૧૦ રાજયોના જીલ્લા અધિકારીઓને કર્યુ સંબોધન : અચકાયા વગર સંપૂર્ણ પ્રયત્ન કરો, મારા તરફથી બધી છૂટ છેઃ મોદીએ અધિકારીઓને ગણાવ્યા ફિલ્ડ કમાન્ડર access_time 3:51 pm IST

  • સુરતમાં વાવાઝોડાના પવને ૨૯ વૃક્ષોનો કડુસલો બોલાવ્યો : સુરતમાં તૌકતે વાવાઝોડાની અસરરૂપે તોફાની પવન સાથે વરસાદ તૂટી પડતા સવાર સુધીમાં ૨૯ ઝાડ તૂટી પડવાનાં બનાવો બન્યા છેઃ અઠવા ઝોનમાં ૬ સ્થળોઍ; રાંદેર ઝોનમાં ૮ સ્થળોઍ; વરાછા ઝોન-ઍ માં ૨ સ્થળોઍ; કતારગામ ઝોનમાં ૨ સ્થળે; સેન્ટ્રલ ઝોનમાં ૭ સ્થળોઍ; લિંબાયત ઝોનમાં ૨ સ્થળોઍ; ઉધના ઝોનમાં ૨ સ્થળોઍ વૃક્ષો ધરાશયી થયા. ઝાડ કાપી રસ્તા ખુલ્લા કરવાની કામગીરી હાથ ધરાઈ ; વૃક્ષો નીચે દબાયેલ વાહનોને બહાર કાઢવામાં આવ્યા : કોઈ જાનહાની નથી. access_time 12:47 pm IST