Gujarati News

રાજકોટ,તા.૧૮: વોર્ડ નં.૧૦માં ૧૫૦ફુટ રોડ પરના રાવલનગર, અમૃતા સોસાયટી,સૌરાષ્ટ્ર કલાકેન્દ્ર ના વાસ્તારોમાં દર વર્ષે વરસાદી પાણી શેરીઓમાં ભરાયા બાદ લોકોના ઘરમાં ઘુસી જાય છે.જેથી અહીંના રહેવાસીઓને પારાવાર મુશ્કેલીઓનો સામનો કરવો પડે છે.સ્થાનિક લોકો દ્વારા આ પ્રશ્ને વારંવાર રજુઆત કરેલ છે.ગતવર્ષે ચાલુ વરસાદે લગત ઈજનેરોને રુબરૃ બોલાવી પરિસ્થિતિનો ચિતાર આપેલ.આ સ્ટોર્મ વોટર ડ્રેનેજના કામનો અમૃત યોજનામાં સમાંવેશ થયાનુ પણ જાણવા મળેલ, પરંતુ કોઇ કારણ સર કાર્યવાહી આગળ વધતી નથી. તેમ કોંગી કોર્પોરેટર મનસુખભાઇ કાલરીયાએ આક્ષેપ કર્યો હતો. આ સમસ્યાને તાકિદે ઉકેલ લાવવા મનસુખભાઇ કાલરીયાએ રજુઆત કરી છે.