Gujarati News

રાજકોટ તા. ૧૮: દૂધ સાગર રોડ પર માજોઠીનગર-૧માં રહેતાં અને છુટક મજૂરી કરતાં હરજી જાદવભાઇ કોબીયા (કોળી) (ઉ.૩૦)ને રાતે નવેક વાગ્યે ઘર પાસે સંજય લઘરાભાઇ સોલંકી નામના કોળી શખ્સે ધોકાથી માર મારતાં સિવિલ હોસ્પિટલમાં ખસેડાયો હતો. આ અંગે હોસ્પિટલ ચોકીના દેવરાજભાઇ નાટડા અને રામજી પટેલે થોરાળા પોલીસને જાણ કરી હતી.

હરજીના સગા રમેશભાઇના કહેવા મુજબ અગાઉ લત્તાવાસીઓએ મંદિર બનાવવા માટે ફાળો એકઠો કર્યો હતો. આ રકમ સંજયએ પોતાને આપી દેવાનું કહેતાં ના પાડતાં તેણે ધોકાવાળી કરી હતી. તે નશો કરી અવાર-નવાર આ વિસ્તારમાં આ રીતે ખેલ કરતો હોવાનો આક્ષેપ કરાયો હતો.