Gujarati News

Gujarati News

News of Saturday, 18th May 2019

માયાણીનગર પાસે પટેલ પાર્કમાં અતુલભાઇ ઘોડાસરાનો ગળાફાંસો ખાઇ આપઘાત

પરિવારજનો સવારે ઉઠયા ત્યારે પટેલ પ્રૌઢ લટકતા જોવા મળ્યાઃ કારણ અંગે તપાસ

રાજકોટ, તા.૧૮: માયાણીનગર નજીક ખીજડીવાળા રોડ પર પટેલ પાર્કમાં રહેતા પટેલ પ્રૌઢે ગળાફાંસો ખાઇ આપઘાત કરી લેતા અરેરાટી વ્યાપી ગઇ છે.

મળતી વિગત મુજબ ખીજળાવાળા રોડ પર પટેલ પાર્ક શેરી નં.૨માં રહેતા અતુલભાઇ કરશનભાઇ ઘોડાસરા (ઉ.વ.પ૪) એ પોતાના ઘરે નીચેના રૂમમાં દુપટ્ટો પંખામાં બાંધી ગળાફાંસો ખાઇ લીધો હતો. પરિવારજનો ઉઠયા ત્યારે નીચેના રૂમમાં અતુલભાઇને લટકતા જોઇ તાકીદે જાણ કરતા ૧૦૮ના તબીબે તપાસ કરતા અતુલભાઇનું મૃત્યુ નિપજયુ હોવાનું જણાતા પોલીસને જાણ કરવામાં આવી હતી. મૃતક અતુલભાઇને સંતાનમાં બે પુત્ર છે. પોતે સાયકલના પંચરની દુકાન ધરાવતા હતા. આ અંગે માલવીયાનગર પોલીસ મથકના પીએસઆઇ પી.એલ.ધામા તથા રાઇટર અરૂણભાઇ ચાવડાએ સ્થળ પર પહોંચી પટેલ પ્રૌઢે કયા કારણોસર આ પગલુ ભર્યુ તે અંગેનું કારણ જાણવા તપાસ હાથ ધરી છે.

(3:33 pm IST)
  • યેદિયુરપ્પાએ કર્યો ફરીવાર કર્ણાટક સરકારના પતનનો દાવો ;કહ્યું લોકસભા ચૂંટણી બાદ કોંગ્રેસ જેડીએસનું ગઠબંધન સરકાર તૂટી પડશે :કર્ણાટક ભાજપ અધ્યક્ષ અને પૂર્વ મુખ્યમંત્રી યેદિયુરપ્પાએ કોંગ્રેસ અને જેડીએસનું ગઠબંધન તકવાદી ગણાવ્યું હતું access_time 1:03 am IST

  • રાજકોટમાં ૩૮.૨ ડિગ્રી : ૨૨ કિ.મી.ની ઝડપે પવન ફૂંકાઈ રહ્યા છે : ધૂળની ડમરીઓ ઉડી રહી છે access_time 3:53 pm IST

  • જૂનાગઢમાં પત્રકાર ઉપર લાઠીચાર્જ પ્રકરણમાં સસ્પેન્ડ થયેલા પીએસઆઇ ગોસાઈ અને બે કોન્સ્ટેબલને ફરીથી નોકરી ઉપર લેવાયા :સસ્પેન્ડ ઓડર બાદ આજે નવો હુકમ access_time 8:41 pm IST