Gujarati News

Gujarati News

News of Sunday, 18th April 2021

રાજકોટ મ.ન.પા બન્યું આક્રમક: માસ્ક અને સોશિયલ ડિસ્ટન્સના નિયમ ભંગ બદલ ૨૨ ચા-પાનની દુકાનો અને હોટેલોને સાત દિવસ માટે સીલ

રાજકોટ મહાનગરપાલિકા અને શહેર પોલીસ દ્વારા કાર્યવાહી હાથ ધરવામાં આવી

 રાજકોટ : શહેરને કોરોના સંક્રમણથી લોકોને બચાવવા માટે રાજકોટ મહાનગરપાલિકા અને રાજકોટ શહેર પોલીસની સંયુક્ત ટીમો દ્વારા વ્યવસાયિક એકમના સ્થળોએ ફરજીયાત માસ્કનું પાલન થાય તે સુનિશ્ચિત કરવા આવશ્યક પગલાં લેવામાં આવશે. વ્યવસાયિક એકમો કે જ્યાં લોકોની અવરજવર થતી રહે છે. આવા સંજોગોમાં લોકો અને વેપારીઓ માસ્ક પહેરે તે ખુબ જ જરૂરી છે અન્યથા કોરોના વાઇરસનું સંક્રમણ ફેલાવાની દહેશત રહે છે. આ બાબતને નજર સમક્ષ રાખી રાજકોટ મહાનગરપાલિકા અને રાજકોટ શહેર પોલીસ વ્યવસાયિક એકમો ખાતે આવતા ગ્રાહકો અને વેપારીઓ માસ્ક પહેરી જ રાખે તે સુનિશ્ચિત કરવા સતત ચેકીંગ કરવામાં આવી રહ્યું છે. જેમાં આજે તા.  રોજ ચેકિંગ દરમ્યાન જે વેપારી માસ્ક પહેર્યા વગરના ગ્રાહકોને માલ સમાન વેચતા હતા અને પોતે પણ માસ્ક નહોતું પહેર્યું તેમજ સોશિયલ ડિસ્ટન્સ ન જાળવ્યું હોય તેવા કુલ ૨૨ ચા-પાન અને હોટેલોને સાત (૭) દિવસ સુધી સીલ કરી દેવામાં આવ્યા છે. આ કામગીરી રાજકોટ મહાનગરપાલિકા અને શહેર પોલીસની ટીમ દ્વારા કરવામાં આવી હતી.

આજે જે ચા-પાનની દુકાનો અને હોટલો સીલ કરવામાં આવી છે તેમાં
૧. મોમાઈ ફાસ્ટ ફુડ, યાજ્ઞિક રોડ.
૨. જય નકળંગ ટી સ્ટોલ, યુનિવર્સિટી રોડ
૩. જય મોમાઈ ટી સ્ટોલ, હલફેડ સ્કૂલ સામે.
૪. ક્રિષ્ના ડિલકસ પાન & કોલ્ડ.
૫. ૐ ડિલકસ પાન, પેડક રોડ.
૬. બાલાજી પાન, યુનિવર્સિટી રોડ
૭. દ્વારકાધીશ પાન,યુનિવર્સિટી રોડ
૮. બજરંગ પાન,યુનિવર્સિટી રોડ
૯. આશાપુરા પાન,યુનિવર્સિટી રોડ
૧૦. મોમાઈ ટી & પાન, માર્કેટિંગ યાર્ડ.
૧૧. શક્તિ ટી સ્ટોલ, કાલાવાડ રોડ.
૧૨. ડેનિમ વર્ડ, લાખાજીરાજ રોડ.
૧૩.ચામુંડા પાન& ટી સ્ટોલ, મુંડાનગર.
૧૪. નકલંક હોટલ, યુનિવર્સિટી રોડ.
૧૫.રાજમંદિર કોલડ્રીંકસ, પેલેસ રોડ.
૧૬.કિશન પાન, કનક રોડ.
૧૭.ખેતલાઆપા ટી સ્ટોલ, ત્રિકોણબાગ
૧૮. બાલાજી ફરસાણ & સ્વીટ, માંડા ડુંગર
૧૯. બાલાજી રેસ્ટોરન્ટ, આજીડેમ ચોકડી.
૨૦.ડિલકસ પાન & કોલ્ડ. જવાહર રોડ.
૨૧.નકલંકપાન & કોલ્ડ. લક્ષ્મીનગર રોડ.
૨૨.ડિલકસ પાન,શક્તિ ટી સ્ટોલનો સમાવેશ થાય છે જે સાત (૭) દિવસ સુધી સીલ કરવામાં આવેલ છે.

(8:37 pm IST)
  • બાબા બર્ફાની એટલે કે અમરનાથની યાત્રા 28 જૂનથી શરૂ થવા જઈ રહી છે. યાત્રા શરૂ થાય તે પહેલા અમરનાથ ગુફામાં શિયાળા દરમિયાન બનેલા બરફના શિવલિંગની પહેલી તસવીર સામે આવી છે. આ વર્ષે શિવલિંગનું કદ એકદમ મોટું છે. બાબા અમરનાથનો પહેલો ફોટા જે સામે આવ્યો છે તેમાં શિવલિંગ સંપૂર્ણ કદમાં જોવા મળી રહ્યું છે. હર હર મહાદેવ... access_time 4:28 pm IST

  • અમરેલીમાં રપ એપ્રિલ સુધી બપોરે ૩ વાગ્યા સુધી જ ધંધા રોજગાર ચાલુ રાખવા વેપારી એસો.નો સ્વયંભૂ નિર્ણય આવશ્યક ચીજવસ્તુની દુકાનો માટે પણ સમય નકકી કરાયો access_time 1:06 pm IST

  • દેશમાં ભયંકર રીતે ફેલાય રહેલ કોરોના સંક્રમણ : આજે સળંગ ચોથા દિવસે નવા કોરોના કેસ 2 લાખ ઉપર નોંધાયા : છેલ્લા ચોવીસ કલાકમાં ભારતમાં 2,71,000 થી વધુ નવા કેસ અને 1570 દુઃખદ મૃત્યુ નોંધાયા : રાત્રે 11 વાગ્યે હજુ બે રાજ્યોના કેસ રિપોર્ટ થવાના બાકી access_time 11:26 pm IST