Gujarati News

Gujarati News

News of Monday, 18th March 2019

શહેરમાં આડેધડ ખોદકામ સામે કોંગ્રેસના ગાયત્રીબા વાઘેલાનું એલાને જંગ

નવાનકોર રસ્તાઓ ખોદી અંડર ગ્રાઉન્ડ કેબલ, વાયરીંગની કામગીરીના નિયમો જાહેર કરવા માંગઃ મ્યુ. કમિશ્નરને પત્ર પાઠવતા પુર્વ વિપક્ષી નેતા

રાજકોટ તા. ૧૮ :.. સમગ્ર શહેરમાં વિજપોલ અને અંડર ગ્રાઉન્ડ વાયરીંગની કામગીરીમાં ખોદાણ માટેની આપવામાં આવેલી મંજૂરી અને વસુલવામાં આવેલ ચાર્જની વિગતવાર માહિતી આપવા પુર્વ વિપક્ષી નેતા અને વોર્ડ નં. ૩ ના કોંગી કોર્પોરેટર ગાયત્રીબા વાઘેલાએ મ્યુ. કમિશ્નરને પત્ર પાઠવ્યો છે.

આ અંગે ગાયત્રીબાએ પાઠવેલ પત્રમાં જણાવ્યું હતું કે, સમગ્ર શહેરમાં પીજીવીસીએલ વિજ કંપની દ્વારા આડેધડ ખોદાણો કરવામાં આવી રહ્યા છે. શહેરના દરેક રસ્તાઓમાં વાહન ચાલકો, રાહદારીઓને પારાવાર મુશ્કેલીઓનો સામનો કરી હાડમારી અનુભવી રહ્યા છે અને લાંબા સમય સુધી આ કામગીરી ચાલુ રહેવાના કારણે રસ્તાઓની હાલત ખુબ જ બદતર થઇ ગઇ છે. મ.ન.પા.ના જવાબદાર અધિકારીઓ દ્વારા આ કામગીરી ની કોઇ સમય મર્યાદા નકકી કરવામાં આવી હોય તેમ જણાતું નથી.

ત્યારે ખોદાણ માટે નકકી કરેલા નીતિ નિયમો-સમય મર્યાદા માટેની ગાઇડ લાઇનની સંપૂર્ણ વિગત જયારે આર. એમ. સી. એ વિજ પોલ ઉભા કરવાના હોય ત્યારે આર. એમ. સી. દ્વારા વિજ કંપની (પીજીવીસીએલ) ને કોઇ ચાર્જ ભરપાઇ કરવામાં આવે છે કે કેમ? તેની વિગતો.

 વિજ કંપનીના કોન્ટ્રાકટરો દ્વારા આડેધડ ખાડા ખોદી પરમીશન વગરકોઇ કામ કરવામાં આવ્યું હોયતેવા કિસ્સાઓની વિગતો અને આર.એમ.સી. દ્વારા કરવાની થતી અનેકરેલ કાર્યવાહીઓની વિગતો.

અત્યારસુધી છેલ્લા બે(ર) વર્ષમાં વિજ કંપની (પીજીવીસીએલ) દ્વારા કુલ કેટલા વિસ્તારમાં ખોદાણો કરવામાં આવ્યા અને તે પેટે કેટલી રકમ ચુકવવામાં આવી તેની વોર્ડ વાઇઝ માહીતી.

પીજીવીસીએલ વિજ કંપની દ્વારા કામગીરી સબબ ખોદાણનો ચાર્જ પેટે એડવાન્સ ચુકવણું કરવા માટેની આર.એમ.સી.ની શું પોલીસી છે સહીતના વિવિધ પ્રશ્ને માહીતી આપવા ગાયત્રીબાએ જણાવ્યું હતું.

(3:56 pm IST)
  • ગોવા પૂર્વ સીએમ દિગંબર કામત ભાજપમાં જોડાવાની અફવા :કોંગ્રેસ નેતા કામતે કહ્યું કે તેઓ ભાજપમાં જોડાઈને મનોહર પાર્રિકરનું સ્થાન લેશે તેવી અફવા કેટલાક હિતશત્રુઓ ફેલાવી રહ્યાં છે :કોંગ્રેસના વરિષ્ઠ નેતા કામતે પાર્ટી છોડવાની વાતનો છેદ ઉડાવતા કહ્યું કે તેઓ રવિવારે ગોવા પાછા આવશે અને સોમવારે કોંગ્રેસના ધારાસભ્યોની બેઠકમાં ભાગ લેશે :અંગત કામે દિલ્હી ગયો હતો access_time 12:53 am IST

  • વાપીના જૂના સી ટાઈપ વિસ્તારમાં ચર્ચ સામે દેવી-દેવતાના ફોટો મળતા લોકોમાં રોષ : રસ્તા પરથી હિંદુ દેવતાના ફોટો મળતા લોકોમાં રોષ : ચર્ચમાં ધર્મ પરિવર્તન કરાતું હોવાનો લોકોનો આક્ષેપ access_time 7:10 pm IST

  • કોંગ્રેસને ઝટકો :જમ્મુ કાશ્મીરની લોકસભાની તમામ બેઠક પર ચૂંટણી લડશે નેશનલ કોન્ફ્રન્સ :કોંગ્રેસ સાથે કોઈ ગઠબંધન નહિ :નેશનલ કોન્ફ્રન્સની સંસદીય બોર્ડની બેઠકમાં લેવાયો નિર્ણંય :રાજ્યની તમામ છ સીટો પર ચૂંટણી લડવા નિર્ણંય કરાયો access_time 12:51 am IST