Gujarati News

Gujarati News

News of Monday, 18th January 2021

રામ મંદિર નિર્માણ માટે સમર્પણનો ધોધ

 રામજન્મભુમિ પર મંદિર નિર્માણ માટે ધન સમર્પણ અભિયાન શરૂ કરાતા બધેથી વ્યાપક પ્રતિસાદ સાંપડી રહ્યા છે. શહેરના નટરાજનગર વિસ્તારનો નીધિ સમર્પણ કાર્યક્રમ આર્ષ વિદ્યામંદિરના સ્થાપક સંત સમિતિના અધ્યક્ષ સ્વામી પરમાત્માનંદજી, જાણીતા કથાકાર અશોકભાઇ ભટ્ટ, ભાજપ અગ્રણી નિતિનભાઇ ભારદ્વાજ, રાજુભાઇ અઘેરા, વિહીપના શાંતુભાઇ રૂપારેલીયા, મહિલા અગ્રણી રૂપાબેન શીલુ, શ્રીમતી કાશ્મીરાબેન નથવાણીની ઉપસ્થિતીમાં યોજાયો હતો. જેમાં ડો. જીતેન્દ્ર અમલાણી દ્વારા એકલાખ અગીયાર હજાર એકસો અગીયાર, માધવ શરાફી મંડળીના ડો. નવલભાઇ શીલુ દ્વારા રૂ. એક લાખ અગીયાર હજાર એકસો અગીયાર, ઓમની ફોર્જીંગ દ્વારા એકાવન હજાર મળી રૂ.૪,૯૫,૬૯૭ નીધિ અર્પણ કરાઇ હતી. જે બદલ સમર્પણભાવ દર્શાવનાર તમામ રામ ભકતોનું શાલ ઓઢાડી સન્માન કરાયુ હતુ. સમગ્ર કાર્યક્રમને સફળ બનાવવા નટરાજનગર અભિયાન સમિતિના ભરતભાઇ જોષી, મહેન્દ્રભાઇ જોષી, દિલીપભાઇ ભટ્ટ, સુભાષભાઇ દવે, આર.એસ.એસ.ના સૌરાષ્ટ્ર પ્રાંતના મહેશભાઇ જીવાણી, નરેન્દ્રભાઇ દવે, કિશોરભાઇ મુંગલપરા, પંકજભાઇ રાવલ, જગતભાઇ વ્યાસ, હીરેનભાઇ ચીકાણી, જયેશભાઇ સંઘાણી, ઇશાનભાઇ ભટ્ટ વગેરેએ ઉપસ્થિત રહ્યા હતા.

(4:33 pm IST)
  • ગણતંત્ર દિવસ પર કિશાન માર્ચ અંગે જોડાયેલી અરજી પર સુપ્રિમ કોર્ટમાં સુનાવણી ટળી : હવે ૨૦ જાન્‍યુઆરીએ નિર્ણય લેવાશે : ૨૬ જાન્‍યુઆરી એટલે કે ગણતંત્ર દિવસના દિવસે ખેડૂતો દ્વારા ટ્રેકટર રેલી વિરૂદ્ધ દાખલ કરવામાં આવેલી અરજી પર આજે સુપ્રિમમાં સુનાવણી થવાની હતી : પરંતુ કોર્ટે હાલમાં આ નિર્ણયને ૨૦ જાન્‍યુઆરી સુધી મોકૂફ રાખ્‍યો છે : કોર્ટમાં દિલ્‍હી પોલીસ દ્વારા આ અરજી દાખલ કરવામાં આવી હતી access_time 10:37 am IST

  • આગામી ૨૦ જાન્યુઆરીથી ૨૪ જાન્યુઆરી સુધી સ્પાઈસ જેટની રાજકોટ - દિલ્હી ફલાઈટ કેન્સલ : ૨૫મીએ આવશે તથા ૨૬ જાન્યુઆરીએ પણ રદ્દ કરાઈ : દિલ્હીમાં પ્રજાસત્તાક દિનની ઉજવણી સંદર્ભે એર ગ્લોઝર જાહેર કરાયુ હોય સ્પાઈસ જેટની રાજકોટ - દિલ્હી વચ્ચેની દરરોજ આવતી ફલાઈટ આગામી તા.૨૦ જાન્યુઆરીથી ૨૪ જાન્યુઆરી સુધી રદ્દ કરાઈ છે : ટોચના એર ખાતાના સૂત્રોના ઉમેરાયા મુજબ આ ફલાઇટ ૨૫મીએ આવશે : પરંતુ ૨૬ જાન્યુઆરીએ પણ રદ્દ રહેશે : રાજકોટ એર ઈન્ડિયા દ્વારા પોતાની દિલ્હીની ફલાઈટ અંગે હજુ કોઈ જાહેરાત કરાઈ નથી access_time 4:20 pm IST

  • પશ્ચિમ બંગાળમાં કેન્દ્રીય મિનિસ્ટર દેબાશ્રી ચૌધરીના રોડ શો દરમિયાન ભાજપ કાર્યકરો ઉપર પથ્થરમારો : ભાગદોડ અને તનાવ વચ્ચે ચૂંટણી વાતાવરણ ગરમાયુ : હુમલાખોરો ના હાથમાં ટીએમસીના ધ્વજ હોવાનો આક્ષેપ access_time 6:49 pm IST