Gujarati News

Gujarati News

News of Monday, 18th January 2021

કાલાવડ રોડ પર બાઇક ચાલકને ઉલાળી ગંભીર અકસ્‍માત સર્જી ભાગેલા મોનીલ શાહની ધરપકડ

રાત્રી કર્ફયુમાં પકડાઇ ન જાય તે માટે રોંગ સાઇડમાંથી કાર ભગાવી અકસ્‍માત સર્જયો હતો : તિરૂપતીનગરનો શખ્‍સ કાર મુકી ભાગી ગયો'તોઃ માલવીયાનગર પોલીસે કાયદાનું ભાન કરાવ્‍યું

રાજકોટઃ શનિવારે રાત્રે મહિલા કોલેજ અન્‍ડર બ્રિજ મહારાણી લક્ષ્મીબાઇની પ્રતિમા પાસે કર્ફયુનો સમય શરૂ થઇ ગયો હોઇ પોલીસ બંદોબસ્‍તમાં ઉભી હોઇ પોતે પકડાઇ ન જાય એ માટે થઇને જીજે૦૩એચએ-૭૨૮૭ નંબરની કારનો ચાલક રોંગ સાઇડમાંથી કાર હંકારીને ભાગ્‍યો હતો અને સંકલ્‍પસિધ્‍ધ હનુમાનજીના મંદિર પાસે બાઇક નં. જીજે૦૩ડીએસ-૭૨૮૧ને જોરદાર ટક્કર મારતાં આ બાઇકનો ચાલક સ્‍ટર્લિંગ હોસ્‍પિટલનો કર્મચારી કરણ અનિલભાઇ પરમાર કે જે નોકરી પુરી કરી ઘરે જતો હતો તે ફંગોળાઇને પચાસેક ફુટ ઢસડાતાં ગંભીર ઇજા પહોંચી હતી. અકસ્‍માતને કારણે બાઇક અને કારમાં નુકસાન થયા હતાં. અકસ્‍માત સર્જી કાર રેઢી મુકી ચાલક ભાગી ગયો હતો. માલવીયાનગર પોલીસે ગુનો નોંધી તપાસ શરૂ કરી કાર ચાલક રૈયા રોડ નિર્મલા કોન્‍વેન્‍ટ રોડ તિરૂપતીનગર-૧માં રહેતાં મોનીલ રાજેન્‍દ્રભાઇ શાહ (ઉ.વ.૨૫)ને શોધી કાઢી તેની ધરપકડ કરી કાયદાનું ભાન કરાવ્‍યું છે. પોલીસ કમિશનરશ્રી મનોજ અગ્રવાલ, જેસીપી ખુરશીદ અહેમદ, ડીસીપી મનોહરસિંહ જાડેજા, એસીપી જે. એસ. ગેડમે તાકીદેઆરોપીને શોધી કાઢવા સુચના આપી હોઇ પીઆઇ કે. એન. ભુકણ, પીએસઆઇ વી. કે. ઝાલા, હેડકોન્‍સ. મશરીભાઇ ભેટારીયા, યુવરાજસિંહ જાડેજા, દિગ્‍પાલસિંહ જાડેજા, અશ્વિનભાઇ કાનગડ, કોન્‍સ. ભાવેશભાઇ ગઢવી, હરપાલસિંહ જાડેજા, રોહિતભાઇ કછોટ, મહેશભાઇ ચાવડા, હિતેષ અગ્રાવત, રવિરાજસિંહ જાડેજા, કુલદીપસિંહ, જાડેજા, સિધ્‍ધરાજસિંહ, અંકિતભાઇ સહિતે કાર નંબરને આધારે પોકેટ કોપ એપ્‍લીકેશનનો ઉપયોગ કરી આરોપીને શોધી કાઢવાની આ કામગીરી કરી હતી. તેનું લાયસન્‍સ રદ કરવા સહિતની કાર્યવાહી પણ કરવામાં આવનાર છે. તસ્‍વીરમાં અકસ્‍માતગ્રસ્‍ત વાહનો અને જેની ધરપકડ થઇ તે મોનીલ જોઇ શકાય છે. તે ઇવેન્‍ટ મેનેજમેન્‍ટનું કામ કરે છે.

(4:31 pm IST)
  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસ 2 લાખથી ઓછા : સતત ઘટાડો : રાત્રે 12 વાગ્યા સુધીમાં કોરોનાના નવા 9972 કેસ નોંધાયા :કુલ કેસની સંખ્યા 1,05, ,82,647 થઇ :એક્ટિવ કેસ 1,97,818 થયા: વધુ 17,116 દર્દીઓ સ્વસ્થ થતા કુલ 1,02,27,852 થયા :વધુ 137 લોકોના મોત સાથે કુલ મૃત્યુઆંક 1,52,593 થયા access_time 1:08 am IST

  • એક કરોડની લાંચનો મામલો સીબીઆઈ ત્રાટકી: ત્રણની ધરપકડ CBI (કેન્દ્રીય તપાસ બ્યૂરો)એ 1985ના એક વરિષ્ઠ રેલવે અધિકારી મહેન્દ્રસિંહ ચૌહાણ સહિત 3ની ધરપકડ કરી હોવાનું જાણવા મળે છે. ૧ કરોડ રૂપિયાની લાંચ મામલે ત્રણેયને ઝડપ્યા હોવાના અહેવાલો સોશ્યલ મીડિયામાં વાયરલ થયા છે access_time 8:40 pm IST

  • રાજકોટની કોટેચા હાઈસ્કુલના પ્રિન્સીપાલ સહિત ૩ કર્મચારીઓ કોરોના સંક્રમિત : તમામ આઈસોલેટેડ : ધો.૧૦-૧૨ના વિદ્યાર્થીઓ માટે સ્કુલ શરૂ થતાં જ કોરોનાનો ફફડાટ : શહેર - જીલ્લામાં મળી હાઈસ્કુલોમાં કુલ ૬ કર્મચારીઓ કોરોનાની ઝપેટમાં access_time 6:25 pm IST