Gujarati News

Gujarati News

News of Monday, 18th January 2021

મહાપાલિકામાં ૧૨૨ જુનિયર કલાર્કની ભરતી થશે : ઓનલાઇન અરજી

પુરૂષમાં ૪૨ સામાન્ય જગ્યા અને મહિલાઓમાં ૧૪ સામાન્ય જગ્યા : બાકીની તમામ જગ્યા અનામત ઉમેદવારો માટે : ૯ ફેબ્રુઆરી અરજીની છેલ્લી તારીખ

રાજકોટ તા. ૧૮ : મહાનગર પાલિકામાં ૧૨૨ જેટલા જુનિયર કલાર્કની ભરતી માટે ઓનલાઇન અરજીઓ મંગાવાઇ છે. આ ૧૨૨ પૈકી પુરૂષોમાં ૪૨ અને મહિલાઓમાં ૧૪ એમ કુલ ૫૬ સામાન્ય ઉમેદવારોની જગ્યા છે. બાકીની તમામ જગ્યાઓ અનામત કેટેગરીની છે.

જે ભરતી કરવાની થાય છે તેમાં પુરૂષો માટે ૪૨ સામાન્ય, આદિજાતિ માટે ૨૩, અનુજાતિ માટે ૨૩, સામાજીક પછાત માટે ૮, અનુ.જાતિ માટે ૮ અને અનુ.જનજાતિ માટે ૨૭ જગ્યાઓ ભરવાની છે.

જ્યારે મહિલા અનામતની કેટેગરીમાં ૧૪ સામાન્ય, આદિજાતી માટે ૪, અનુજાતિ માટે ૨, અનુજનજાતિ માટે ૯ જગ્યાઓ છે તથા શારીરિક અશકત માટે ૩ જગ્યાની ભરતી થશે.

માન્ય યુનિવર્સિટીના સ્નાતક તથા ડેટા એન્ટ્રીની કોમ્પ્યુટર ટાઇપીંગની નિયત સ્પીડ વગેરે લાયકાત ધરાવતા ઉમેદવારોએ ૯ ફેબ્રુઆરી સુધીમાં ઓનલાઇન www.rmc.gov.in વેબસાઇટ અરજી કરવાની રહેશે. ત્યારબાદ અરજીઓની તપાસણી કરી યોગ્ય ઉમેદવારોની લેખીત પરીક્ષા લેવાશે અને પછી લેખિત અને પ્રેકટીકલ પરીક્ષા લઇ મેરીટ મુજબ ઉમેદવારોની પસંદગી થશે.

(4:27 pm IST)
  • આગામી ૨૦ જાન્યુઆરીથી ૨૪ જાન્યુઆરી સુધી સ્પાઈસ જેટની રાજકોટ - દિલ્હી ફલાઈટ કેન્સલ : ૨૫મીએ આવશે તથા ૨૬ જાન્યુઆરીએ પણ રદ્દ કરાઈ : દિલ્હીમાં પ્રજાસત્તાક દિનની ઉજવણી સંદર્ભે એર ગ્લોઝર જાહેર કરાયુ હોય સ્પાઈસ જેટની રાજકોટ - દિલ્હી વચ્ચેની દરરોજ આવતી ફલાઈટ આગામી તા.૨૦ જાન્યુઆરીથી ૨૪ જાન્યુઆરી સુધી રદ્દ કરાઈ છે : ટોચના એર ખાતાના સૂત્રોના ઉમેરાયા મુજબ આ ફલાઇટ ૨૫મીએ આવશે : પરંતુ ૨૬ જાન્યુઆરીએ પણ રદ્દ રહેશે : રાજકોટ એર ઈન્ડિયા દ્વારા પોતાની દિલ્હીની ફલાઈટ અંગે હજુ કોઈ જાહેરાત કરાઈ નથી access_time 4:20 pm IST

  • રાજકોટની કોટેચા હાઈસ્કુલના પ્રિન્સીપાલ સહિત ૩ કર્મચારીઓ કોરોના સંક્રમિત : તમામ આઈસોલેટેડ : ધો.૧૦-૧૨ના વિદ્યાર્થીઓ માટે સ્કુલ શરૂ થતાં જ કોરોનાનો ફફડાટ : શહેર - જીલ્લામાં મળી હાઈસ્કુલોમાં કુલ ૬ કર્મચારીઓ કોરોનાની ઝપેટમાં access_time 6:25 pm IST

  • ગુજરાતમાં ભારતની પ્રથમ લિથિયમ રિફાઇનરી 1000 કરોડના રોકાણ સાથે સ્થાપવામાં આવશે : મણિકરણ પાવર લિમિટેડ દ્વારા ઓસ્ટ્રેલિયાથી આયાત કરાયેલ લીથીયમ ઓર ને પ્રોસેસ કરીને બનાવાશે બેટરી ગ્રેડનું લીથીયમ access_time 11:09 pm IST