Gujarati News

Gujarati News

News of Monday, 18th January 2021

પ્રેમીએ બળજબરી આચરી, પછી કહ્યું-તારે મારા ભાઇ સાથે પણ પત્નિ તરીકે રહેવાનું, એણે પણ દેહ અભડાવ્યો

દાહોદ પંથકની યુવતિને રાજકોટ રૈયાધારમાં લાવી બે સગા ભાઇઓએ એક મહિના સુધી દૂષ્કર્મ આચર્યુ : યુનિવર્સિટી પોલીસે દાહોદના ખરેડી ગામતળના રોહિત ડામોરને પકડ્યોઃ તેના ભાઇ રાહુલ ડામોરની શોધખોળ : રાજકોટમાં ધરાર રોકાવા દબાણ કરી ધમકીઓ દીધીઃ સંક્રાંતના તહેવાર પર યુવતિને વતનમાં લઇ ગયો અને તેણીના માતા-પિતાને જાણ થતાં છોડાવી

રાજકોટ તા. ૧૮: દાહોદ પંથકના ગામમાં રહેતી એક યુવતિને નજીકના ખરેડી ગામતળ ફળીયાના યુવાન સાથે પ્રેમસંબંધ હોઇ અને પોતાની બહેન સાથે ઘરમાં ચડભડ થતાં ઘરે રહેવું ન હોઇ પ્રેમીને ફોન કરી તેડી જવા કહેતાં તે તેણીને ભગાડીને રાજકોટ રૈયાધારમાં લાવ્યો હતો અને ફઇના મકાનમાં રાખી હતી. અહિ બળજબરીથી શરીર સંબંધ બાંધ્યા બાદ પ્રેમીએ યુવતિને પોતાના મોટા ભાઇના હવાલે કરી દઇ 'હું મારા પિતાની દવાના પૈસાની વ્યવસ્થા ન કરું ત્યાં સુધી તારે મારા ભાઇ સાથે પત્નિ તરીકે રહેવું પડશે' તેમ કહી ધમકી આપતાં અને પ્રેમીના ભાઇએ પણ બળજબરી આચરતાં આ મામલે યુનિવર્સિટી પોલીસે ગુનો નોંધી એક આરોપીને સકંજામાં લીધો છે.

પોલીસે આ બનાવમાં ભોગ બનનાર દાહોદ પંથકના ગામની યુવતિની ફરિયાદ પરથી મુળ દાહોદના ખેરડી ગામના અને હાલ રૈયાધાર પર ભાડાના મકાનમાં રહેતાં બે સાગ ભાઇઓ રોહિત મુકેશભાઇ ડામોર તથા રાહુલ મુકેશભાઇ ડામોર સામે આઇપીસી ૩૭૬ (ડી), ૩૭૬ (૨), એન, ૩૪૪, ૫૦૬ (૨) મુજબ ગુનો નોંધ્યો છે.

ફરિયાદી યુવતિએ એફઆઇઆરમાં જણાવ્યું છે કે હું બાર ધોરણ સુધી ભણી છું. મારે અમારા ગામથી નજીકના દાહોદના ખરેડી ગામના રોહિત સાથે છેલ્લા એક વર્ષથી પ્રેમસંબંધ હોઇ અવાર-નવાર અમે મળતાં હતાં. માતા-પિતા અમને ભાઇ-ભાંડરડાને મુકીને મજૂરીએ જતાં હતાં. ૧૬/૯/૨૦ના હું ઘરે હતી અને માતા-પિતા બહારગામ મજૂરીએ ગયા હોઇ મારી બહેન સાથે બોલાચાલી થતાં મારે ઘરે રહેવું ન હોઇ પ્રેમી રોહિત ડામોર (રહે. ખરેડી ગામતળ ફળીયુ તા. જી. દાહોદ)ને ફોન કરી બોલાવ્યોહ તો અને તેની સાથે જવાનું કહેતાં તે તેનુ બાઇક લઇને આવ્યો હતો. એ પછી હું અને રોહિત સાંજે ચારેક વાગ્યે ખરેડી ગામે ગયા હતાં. ત્યાંથી રાતે હું, રોહિત, રોહિતનો ભાઇ રાહુલ એમ ત્રણેય બાઇક પર રાજકોટ મજુરીએ આવાવ નીકળ્યા હતાં. મેં ત્યારે તેને બાઇક બાબતે પુછતાં તેણે બાઇક પોતાના પિતાનું હોવાનું કહ્યું હતું.

બાઇક રોહિત ચલાવતો હતો. હું વચ્ચે અને રાહુલ પાછળ બેઠો હતો. હાઇવે પરથી અમે રાજકોટ પહોંચ્યા હતાં અને હોટેલમાં ચા-પાણી પીવા રોકાયા હતાં. બીજા દિવસે ૧૭/૯ના રાતે નવેક વાગ્યે રાજકોટ પહોંચી રૈયાધાર રોહિતના ઘરે રોકાયા હતાં. ત્યાંથી કડીયા કામની મજૂરીએ જતાં હતાં. એકાદ મહિનો મને રોહિતે પત્નિ તરીકે સારી રીતે રાખી હતી. બીજા મહિને એટલે કે ૧૮/૧૦ના રોજ રોહિતે મારી સાથે સામાન્ય ઝઘડો થતાં મને તેના ભાઇ રાહુલ ડામોરને સોંપી દીધી હતી. રાહુલ મારો જેઠ થતો હોઇ મેં તેની સાથે રહેવાની ના પાડતાં રોહિતે કહેલ કે મારી પાસે મારા પિતાને આપવા માટે દવાના રૂપિયાની સગવડતા નહિ થાય ત્યાં સુધી તારે રાહુલ સાથે પત્નિ તરીકે રહેવું પડશે. મેં ના પાડવા છતાં રાતે સાડા અગિયારેક વાગ્યે રાહુલ ડામોર મારી સાથે શારીરિક સંબંધ બાંધવા આવ્યો હતો.

મેં તેને કહેલ કે તમે મારા જેઠા થાવ છો, પરંતુ છતાં તેણે બળજબરી કરી દૂષ્કર્મ આચર્યુ હતું. આ રીતેઅ ેકાદ મહિના સુધી રોહિત અને રાહુલે તેના ફોઇના ભાડાના મકાનમાં મારી સાથે અવાર-નવાર બળજબરીથી દૂષ્કર્મ આચર્યુ હતું. મને આ બાબત પસંદ ન હોઇ મેં રોહિત અને રાહુલને મારા ઘરે લઇ જવાનું કહેતાં મને મારી  નાંખવાની ધમકી આપી હતી. તેમજ  એવી ધમકી પણ આપેલી કે જો તું અમારી જાણ બહાર રાજકોટથી નીકળી ગઇ તો તારા પરિવારને પણ મારી નાંખશું. મને બળજબરીથી રોકી રાખી હતી.

એ પછી ૧૪/૧/૨૧ના રોજ રાહુલ મને ખરેડી ગામે લઇ જતાં મારા પરિવારજનોને જાણ થઇ જતાં ગામના આગેવાનોની હાજરીમાં મને લઇ ગયા હતાં. મેં પરિવારજનોને રોહિત અને રાહુલે બળજબરી આચર્યાની અને ધમકી દીધાની વાત કરતાં અંતે બંને સામે ફરિયાદ નોંધાવી હતી.

યુનિવર્સિટી પીઆઇ એ. એસ. ચાવડાની રાહબરીમાં પીએસઆઇ બી. જી. ડાંગરે ગુનો નોંધી એક આરોપી રોહિત મુકેશભાઇ ડામોર (ઉ.વ.૨૪)ને પકડી લીધો છે. તેનો  ભાઇ ભાગી ગયો હોઇ શોધખોળ હાથ ધરવામાં આવી છે.

(4:27 pm IST)
  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસ 2 લાખથી ઓછા : સતત ઘટાડો : રાત્રે 12 વાગ્યા સુધીમાં કોરોનાના નવા 9972 કેસ નોંધાયા :કુલ કેસની સંખ્યા 1,05, ,82,647 થઇ :એક્ટિવ કેસ 1,97,818 થયા: વધુ 17,116 દર્દીઓ સ્વસ્થ થતા કુલ 1,02,27,852 થયા :વધુ 137 લોકોના મોત સાથે કુલ મૃત્યુઆંક 1,52,593 થયા access_time 1:08 am IST

  • ગુજરાતમાં ભારતની પ્રથમ લિથિયમ રિફાઇનરી 1000 કરોડના રોકાણ સાથે સ્થાપવામાં આવશે : મણિકરણ પાવર લિમિટેડ દ્વારા ઓસ્ટ્રેલિયાથી આયાત કરાયેલ લીથીયમ ઓર ને પ્રોસેસ કરીને બનાવાશે બેટરી ગ્રેડનું લીથીયમ access_time 11:09 pm IST

  • રાજકોટની કોટેચા હાઈસ્કુલના પ્રિન્સીપાલ સહિત ૩ કર્મચારીઓ કોરોના સંક્રમિત : તમામ આઈસોલેટેડ : ધો.૧૦-૧૨ના વિદ્યાર્થીઓ માટે સ્કુલ શરૂ થતાં જ કોરોનાનો ફફડાટ : શહેર - જીલ્લામાં મળી હાઈસ્કુલોમાં કુલ ૬ કર્મચારીઓ કોરોનાની ઝપેટમાં access_time 6:25 pm IST