Gujarati News

Gujarati News

News of Friday, 18th January 2019

વીર દાદા જશરાજ શૌર્યદિન નિમિતે સાંજે આમંત્રણ રેલી

રથ, બાઇક, કાર સહીતના વાહનોમાં દોઢેક હજાર લોકો જોડાશે : મહીલા રાસોત્સવ સંપન્ન

રાજકોટ તા.૧૮ : વીરદાદા જશરાજ શૌર્યદીન નિમિતે લોહાણા સમાજ જ્ઞાતિ ભોજનનું તા. ૨૨ ના મંગળવારે આયોજન કરાયુ છે. ત્યારે કાર્યક્રમમાં રઘુવંશીઓને આમંત્રણ પાઠવવા આજે તા. ૧૮ ના ખાસ આમંત્રણ રેલીનું આયોજન કરાયુ છે.

આ અંગે રઘુવંશી પરિવારના આગેવાનોએ જણાવેલ કે જાગનાથ મંદિર ચોક ખાતે રઘુવંશી પરિવાર મધ્યસ્થ કાર્યાલય શરૂ કરી તૈયારીઓનો ધમધમાટ ચાલી રહ્યો છે. દરમિયાન આજે બપોરે ૩ વાગ્યાથી રઘુવંશી પરિવાર મધ્યસ્થ કાર્યાલયેથી વિશાળ આમંત્રણ રેલી આરંભ થશે.

મુખ્ય રથ બાદ બુલેટ અને બાઇક સવારો તેમજ ડ્રેસકોડમાં સજજ યુવાનો સહીત દોઢેક હજાર લોકો આ આમંત્રણ રેલીમાં જોડાશે. તમામ રઘુવંશી સંસ્થાઓ અને મહીલા મંડળો સામેલ થશે.

ધર્મધ્વજ સાથેની આમંત્રણ રેલી ડો. યાજ્ઞીક રોડ, અકિલા ચોક, જિ.પં. ચોક, ફુલછાબ ચોક, અકિલા પ્રેસ, લીમડા ચોક, હરીહર ચોક, જયુબેલી ચોક, પરાબજાર, ધર્મેન્દ્ર રોડ, સાંગણવા ચોક, રાજેશ્રી સીનેમા, પેલેસ રોડ, કેનાલ રોડ, એસ.ટી. બસ સ્ટેન્ડ, ત્રિકોણબાગ, ડો. યાજ્ઞીક રોડથી રઘુવંશી પરિવાર મધ્યસ્થ કાર્યાલે પરત ફરી રાત્રે ૮.૩૦ વાગ્યે વિરામ પામશે. અહીં પ્રસાદની પણ વ્યવસ્થા કરાઇ છે.

માર્ગોમાં વિવિધ સ્થળે સ્વાગત માટેની તૈયારીઓ કરાઇ છે.

દરમિયાન પૂર્વ દિવસોમાં ચાલી રહેલ કાર્યક્રમોના ભાગરૂપે રઘુવંશી મહિલા સમિતિ દ્વારા રાસ ગરબા રાખવામાં આવતા ૨૫૦ થી વધુ મહીલાઓ તથા બાળકોએ ભાગ લીધો હતો.

અલગ અલગ ચાર ગ્રુપમાં વિજેતાઓ જાહેર કરાતા ગ્રુપ એ (બાળકો) માં મહેક પજવાણી, પીન્શા શીંગાળા, રૂત્વી નથવાણી, મોલી ચંદારાણા, બંસી કુંડલીયા, દેવાંશી કાનાબાર, જેનીશ પંચમતિયા, રૂદ્ર કકકડ તેમજ ગ્રુપ બી (દિકરીઓ), હિરલ તન્ના, દેવાંશી નથવાણી, વિધિ કાનાબાર, રિધ્ધિ કટારીયા, કન્વી કકકડ, ગ્રુપ એ (પરીણીત બહેનો) માં રાધિકાબેન કોટક, સોનુબેન ઠકકર, હરીતાબેન ચંદારાણા, કોમલબેન કારીયા, શેફાલીબેન ઠકકર, બીજલબેન નાગ્રેચા, ગ્રુપ બી (સીનીયર) માં નેહાબેન હિન્ડોચા, વિદ્યાબેન કોટક, રેખાબેન ખખ્ખર, માનસીબેન શીંગાળા, આશાબેન કારીયા, ભાવનાબેન મીરાણી, પલ્વીબેન ઠકકર, નમ્રતાબેન કોટક વિજેતા જાહેર થયા હતા.

તસ્વીરમાં આમંત્રણ રેલીના કાર્યક્રમોની માહીતી 'અકિલા' ખાતે વર્ણવતા રઘુવંશી પરિવારના આગેવાનો નજરે પડે છે. (તસ્વીર : સંદીપ બગથરીયા)

(2:55 pm IST)
  • 2018માં 250થી વધુ આતંકવાદીઓને ઠાર કરાયા :54 આતંકીઓની ધરપકડ કરાઈ :ઉતરી સેનાના કમાન્ડર લેફ્ટિનૅન્ટ જનરલ રણબીરસિંહે કહ્યું કે ગતવર્ષે ધાટીમાં માર્યા ગયેલા આતંકીઓની સંખ્યમાં છેલ્લા 10 વર્ષોમાં સૌથી વધુ છે access_time 1:11 am IST

  • કર્ણાટકની ગઠબંધન સરકાર ઉપર ફરીથી ખતરાના એંધાણ : કોંગ્રેસ પાર્ટીએ શક્તિ પ્રદર્શન માટે બોલાવેલી મિટિંગમાં 4 અસંતુષ્ટ ધારાસભ્યો ગેરહાજર : ભાજપ દ્વારા સરકારને અસ્થિર કરવાના પ્રયાસો થઇ રહ્યા હોવાનો આક્ષેપ access_time 8:26 pm IST

  • કાલથી કાશ્મીરમાં ફરી બરફવર્ષા : હવામાન વિભાગે આગાહી કરી છે કે આવતીકાલ તા.૧૯ થી ૨૧ (શનિથી સોમ) દરમ્યાન ફરી બરફ વર્ષા થશે. નવા વર્ષની શરૂઆતના દિવસોથી જ જમ્મુ કાશ્મીરમાં ભારે બરફવર્ષા થઇ રહી છે. પ્રવાસીઓને જલ્સા પડી ગયા છે તો સ્થાનીય લોકોને ભારે પરેશાનીનો સામનો કરવો પડી રહ્યો છેે. કાશ્મીરમાં બરફવર્ષાની અસરથી આવતા સપ્તાહમાં સૌરાષ્ટ્ર-ગુજરાતમાં પણ ઠંડીમાં ફરી વધારો થાય તેવી સંભાવના છે. access_time 3:15 pm IST