Gujarati News

Gujarati News

News of Friday, 18th January 2019

રર વહાલુડીઓ કાલથી ગોવાની સહેલગાહે

સમાજ અગ્રણી ભૂપતભાઇ બોદરનો સહયોગઃ 'દિકરાનું ઘર' ટીમ વિદાય આપશે

રાજકોટ તા.૧૮:'વ્હાલુડીના વિવાહ'' શીર્ષકતળે પિતાની છત્રછાયા ગુમાવેલ રર દીકરીઓના લગ્નનો અવસર જાજરમાન રીતે યોજાઇ ગયો. 'દીકરાનું ઘર' વૃદ્ધાશ્રમની સેવાયાત્રાને બે દાયકા પૂર્ણ થયે તેની ઉજવણી નોખી અનોખી રીતે થાય તેવા હેતુથી રર દીકરીઓના લગ્ન જાજરમાન રીતે થાય તેવો નિર્ધાર કરવામાં આવેલ જેને સમાજના તમામ સ્તરેથી વ્યાપક પ્રતિસાદ મળેલ.

વહાલુડીનાં વિવાહ સંપન્ન થયા બાદ શહેરના જાણીના શ્રેષ્ઠી, સામાજિક-અગ્રણી દાતા ભૂપતભાઇ બોદરનાં આર્થિક સહયોગથી તમામ દીકરીઓ તા. ૧૯ના શનિવારે ૪ દિવસનાં હનીમુન ટુર ઉપર મોકલવામાં આવનાર છે. આવતીકાલે તમામ દીકરીઓ ગોવા જવા રવાના થશે ત્યારે સંસ્થાના કાર્યકરો તેમને વિદાય આપશે.

દાતા ભૂપતભાઇ બોદરનાં આર્થિક સહયોગથી યોજાયેલ આ પ્રવાસમાં થ્રી સ્ટાર હોટલ, આવવા જવાની ટીકીટ, ભોજન, સાઇટ સીન સહિતની તમામ વ્યવસ્થા કરવામાં આવેલ છે. પ્રવાસની સંપૂર્ણ વ્યવસ્થા આયોજન અશ્વિનભાઇ પટેલે કરેલ છે. 'દીકરાનું ઘર'ના સંસ્થાપક મુકેશ દોશીના નેતૃત્વ નીચે અનુપમ દોશી, નલીન તન્ના, સુનીલ વોરા, કિરીટભાઇ પટેલ, કિરીટભાઇ આદ્રોજા, ઉપેનભાઇ મોદી, હેમલભાઇ મોદી, સુનિલભાઇ મહેતા, હરેશભાઇ પરસાણા, જીતુભાઇ ગાંધી, પ્રવિણ હાપલીયા, હાર્દિક દોશી, ડો. ભાવનાબેન મહેતા, કાશ્મીરા દોશી, કલ્પનાબેન દોશી, પ્રિતી વોરા, વર્ષાબેન આદ્રોજા, ગીતાબેન પટેલ, રૂપા વોરા, નિશા મારૂ, ચેતના પટેલ, અલ્કા પારેખ, કલાબેન પારેખ, કિરણબેન વડગામા, ફાલ્ગુનીબેન કલ્યાણી, જયશ્રીબેન મોદી, આશાબેન હરીયાણી, રંજનબેન આદ્રોજા સહિતના કાર્યકરો તા. ૧૯ને શનિવારે સવારે ૭.૧૫ કલાકે રર દીકરીઓને વિદાય આપશે.

(2:54 pm IST)
  • કર્ણાટકની ગઠબંધન સરકાર ઉપર ફરીથી ખતરાના એંધાણ : કોંગ્રેસ પાર્ટીએ શક્તિ પ્રદર્શન માટે બોલાવેલી મિટિંગમાં 4 અસંતુષ્ટ ધારાસભ્યો ગેરહાજર : ભાજપ દ્વારા સરકારને અસ્થિર કરવાના પ્રયાસો થઇ રહ્યા હોવાનો આક્ષેપ access_time 8:26 pm IST

  • ગોધરામાં વરલીના જુગાર ઉપર સ્ટેટ મોનીટરીંગ સ્કવોડ ત્રાટકીઃ પીએસઆઈ કે.એન. લાઠીયા અને ટીમે જુગટુ ખેલતા ૧૧ આરોપીઓને રૂ. ૧ લાખથી વધુના મુદ્દામાલ સાથે ઝડપી લીધાઃ સંવેદનશીલ વિસ્તારમાં દરોડાના પગલે લોકોના ટોળા એકઠા થયાઃ ખળભળાટ access_time 3:15 pm IST

  • યોગી સરકારે ગરીબોને ૧૦ ટકા અનામત આપવાની જાહેરાત કરીઃ બધા પ્રકારની સરકારી નોકરીઓમાં લાગુ થશે. ગુજરાત,ઝારખંડ પછી હવે યુપી ત્રીજુ રાજ્ય બન્યું છે જેણે ૧૦% અનામતની માંગણી સ્વીકારી લીધી છે. access_time 3:40 pm IST