Gujarati News

Gujarati News

News of Friday, 18th January 2019

ત્વરિત જરૂરી ફેરફારો કરવા ચૂંટણી પંચનો આદેશ

વતનમાં અથવા એક જ જગ્યાએ ત્રણ વર્ષથી વધુ સમયથી ફરજ બજાવતા અધિકારીઓ બદલાશે

રાજકોટ તા.૧૮: કેન્દ્રીય ચૂંટણી પંચે ચૂંટણીલક્ષી કામગીરી સાથે સંકળાયેલા સરકારી અધિકારીઓ, કર્મચારીઓ ચૂંટણી પંચના માપદંડ મુજબ બદલવા પાત્ર હોય તો ત્વરિત બદલવા આદેશ આપ્યો છે. રાજકોટ સહિત દરેક કલેકટરને આ બાબતે સુચના આપી દેવાઇ છે.

ચૂંટણીમાં જિલ્લા ચૂંટણી અધિકારી ઉપરાંત આર.ઓ., એ.આર.ઓ., પોલીસ ઇન્સપેકટર, સબ ઇન્સપેકટર વગેરે હાલ વતનમાં ફરજ બજવાતા હોય અથવા ત્રણ વર્ષથી વધુ સમયથી એક જ સ્થાને ફરજ બજાવતા હોય તો બદલી કરવા ચૂંટણી પંચે સૂચના આપી છે. મતદાર યાદીની કામગીરી સાથે સંકળાયેલા અધિકારીઓને હાલ નહિ બદલવા સૂચના આપી છે. જો કે રાજ્ય સરકારે મોટાભાગના આ પ્રકારના અધિકારીઓ, કર્મચારીઓની બદલી કરી નાખી છે. બાકીના ફેરફારો ટુંક સમયમા઼ આવી રહયા છે.(૧.૧૧)

(11:34 am IST)
  • કાલથી કાશ્મીરમાં ફરી બરફવર્ષા : હવામાન વિભાગે આગાહી કરી છે કે આવતીકાલ તા.૧૯ થી ૨૧ (શનિથી સોમ) દરમ્યાન ફરી બરફ વર્ષા થશે. નવા વર્ષની શરૂઆતના દિવસોથી જ જમ્મુ કાશ્મીરમાં ભારે બરફવર્ષા થઇ રહી છે. પ્રવાસીઓને જલ્સા પડી ગયા છે તો સ્થાનીય લોકોને ભારે પરેશાનીનો સામનો કરવો પડી રહ્યો છેે. કાશ્મીરમાં બરફવર્ષાની અસરથી આવતા સપ્તાહમાં સૌરાષ્ટ્ર-ગુજરાતમાં પણ ઠંડીમાં ફરી વધારો થાય તેવી સંભાવના છે. access_time 3:15 pm IST

  • ભાજપના સાંસદ શત્રુઘ્નસિંહાએ કહ્યું કે રાષ્ટ્ર મંચના પ્રતિનિધિ તરીકે મમતા બેનર્જીની રેલીમાં જઈશ ; શત્રુઘ્નસિંહાએ કહ્યું કે હજુ સુધી પાર્ટી પ્રત્યે મારી વફાદારી પર સવાલ કરી શકાય નહીં,હું ભાજપમાં ત્યારે સામેલ થયો હતો જયારે તે બે સાંસદની પાર્ટી હતી access_time 1:18 am IST

  • અમદાવાદ એરપોર્ટ પર શંકાસ્પદ ટીફીન મળતા ડોગ સ્કવોર્ડ બોલાવાઈ : એરપોર્ટ સિકયુરીટી અને ડોગ સ્કવોર્ડની ટીમે એરપોર્ટ પર પડેલા ટીફીનની તપાસ કરી તો તે એરપોર્ટ કર્મચારીનું નીકળ્યુઃ કંઈ વાંધાજનક ન મળ્યુ access_time 6:00 pm IST