Gujarati News

Gujarati News

News of Saturday, 16th November 2019

હેલ્મેટનો હાઉ... રસ્તે જતા કોઇપણનું બ્લડ પ્રેસર ચેક કરો તો ૯૦ નું હાઇ બતાવશે

૧૦૦ માંથી ૯૯ લોકોનો વિરોધ : શાંત પ્રજાને છંછેડવાનું રહેવા દયો

રાજકોટ : આજે ચારે તરફ હેલ્મેટ હેલ્મેટ થાય છે અને જો અત્યારે રસ્તા પર જાતા માણસોનું બ્લડ પ્રેસર ચેક કરવામાં આવે તો ૯૦ નું હાઇ જ આવે... હેલ્મેટ પહેર્યું છે એનું પણ અને નથી પહેર્યું એનું પણ... કેમ કે પહેર્યું છે એને મુંજવણ થાય છે એટલે અને નથી પહેર્યું એને મેમાંનો ડર છે એટલે... ૧૦૦ માણસને રોકીને પુછવામાં આવે તો ૯૯ એમ કહેશે કે આ કાયદો અન્યાયી, અમાનવીય છે અને ગુજરાત સરકારની અને પોલીસની નીતિ મહદ અંશે લોકોની સુરક્ષાની નહીં પણ લોકોના ખિસ્સા ખાલી કરવાની છે એ સ્પષ્ટ જણાઈ આવે છે! પણ અચરજ એ થાય છે કે રોજના હજારો લોકો દંડાય છે તો પણ એક સમૂહ થઈને વિરોધ વંટોળ કેમ નથી થાતો ???

એકલ દોકલ સંગઠન કે વ્યકિત વિરોધ કરે છે પણ એનું બિચારાનું શું આવે? બાકીના બધા નમાલા થઈ ગયા છે કે પછી ડરી ગયા છે કે પછી પોતાના બાળકોના પેટે પાટા બાંધીને આ ખાઉધરા શાશકોના ઘર ભરવામાં પુણ્ય સમજે છે? એક સિમ્પલ વાત છે કે મ્યુનિસિપલ એરીયામાં દરેક જગ્યાએ ૧૦૦ મીટરના અંતરે બંમ્ફ મુકેલા છે જે બધા જ ટૂ વ્હિલરની સ્પીડને કંટ્રોલમાં રાખે છે તો સરકારી કે આર.ટી.ઓ. એજન્સી કે કાયદાનું પાલન કરાવનાર દરેકે એટલું તો મગજ દોડાવીને શહેરમાં હેલ્મેટની જીદ ના રખાય.રહી વાત હેલ્મેટને માથા ઉપરથી ઉતારીને તોડી નાખતા ટ્રાફિક પોલીસવાળાની તો શું તે હેલ્મેટ બનાવતી કંપનીઓના દલાલ છે? જે આવું ગુંડાઓ, લુખ્ખાઓ જેવું વર્તન કરે છે. આની ઉપર સીધો કોટૅમા કેસ ઠોકી દેવાય અને સસ્પેન્ડ કરાવી દેવામાં આવે એ જરૂરી છે. નહીં તો જ્યારે પબ્લિક જાગશે તો ભલભલા ભૂપ પણ ભાગશે. પ્રજાને પરેશાન કરવા માટે જ આ નિયમ લાગુ થયા હોય એવુ લાગે છે. સરકારના ધારા ધોરણ મુજબની હેલમેટ ન હોય તો આમ લોકોને પરેસાન કરવાને બદલે કંપનીમા જ તેનુ ઉત્પાદન બંધ કેમ નથી કરાવતા ? અને ઉપરથી પોલીસ તો એવુ બીહેવીયર કરે છે કે જાણે પોતાની અંગત દુશ્મની ન હોય!!

પ્રજા ઉપર આવા નીયમ થોપવાને બદલે આર.ટી.ઓ.ના નિયમ સરળ કરો ને તેમના ચાર્જમા રાહત આપો. વીમો સસ્તો કરો. લાઇસન્સ સરળતાથી અને ત્વરીત મળી જાઇ એની વ્યવસ્થા કરો. ફોરેનની અન્ય કંટ્રીમા જેવી રીતે કાયદા કડક હોય છે એવી રીતે ત્યાની વ્યવસ્થા અને સગવડ સવલતો પણ સારી હોય છે અને સરળ હોય છે. ફોરનની ઓફીસોમા પ્રજાના કામ કેટલા જડપથી અને આસાનીથી થાય છે. ત્યાના રોડ રસ્તા ટ્રાફીક નિયમનની વ્યવસ્થા અને પાર્કીગ જેવી સગવડોનંુ પુરતુ આયોજન હોય છે. આવી સગવડો અહી નથી અને ઉપરથી દંડના ડામ દેવાના.

અહી સારી હેલમેટ કેટલી મોંધી છે અને એ હેલમેટ ઉપર સરકારનો ટેક્ષ પણ વધુ હશે. આપણા જીવનની એટલી જ ચિંતા હોય તો પછી સરકારે હેલમેટને ટેક્ષ મુકતિ આપવી જોયએ. ને હેલમેટ સસ્તી કરવી જોયએ. અહી વીમો આશરે ૧૦૦૦ નો થાય છે. એ પણ દર વરસે. અને એ પણ નો રીફંડ. વીમો વરસનો હોય અને સીંગલ પ્રીમયમ હોય એ પણ નોન રીફંડ હોય તો ૨૦૦ કે ૩૦૦ હોવો જોયએ. લાઇસંન્સની પ્રોસીજર સાવ સરળ સસ્તી અને ઝડપી હોવી જોયએ. આવી અનેક સસ્તી અને ઝડપી અને ભ્રષ્ટાચાર મુકત સવલતો આપે પછી કોઇ વ્યકતિ પાસે લાઇસંન્સ કે વીમો ન હોય તો આકરા દંડ વસુલે તો એ ન્યાયીક હોઇ શકે!  બાકી અત્યારે જે થઇ રહ્યુ છે તે તો પ્રજા ને પરેસાન કરીને લુંટવા નીકળ્યા હોય એવુ લાગે છે!!! (સોશ્યલ મિડીયામાંથી સાભાર)

(3:45 pm IST)
  • 170 ધારાસભ્યો સાથે શિવસેનાની સરકાર પાંચ વર્ષ પુરા ચાલશે : 170 ધારાસભ્યોના ટેકા સાથે મહારાષ્ટ્રમાં શિવસેનાની સરકાર પુરા પાંચ વર્ષ ચાલશે તેમ શિવસેનાના સાંસદ અને સામનાના તંત્રી સંજય રાઉતે જણાવ્યું છે access_time 10:39 pm IST

  • ઝારખંડ વિધાનસભા ચૂંટણી : સીએમ રઘુબીરદાસ સામે કોંગ્રેસે તેજતર્રાર પ્રવક્તા ગૌરવ વલ્લભને મેદાનમાં ઉતાર્યા : ટીવી ડીબેટમાં છવાયેલ અને અર્થશાસ્ત્રના પ્રોફેસર ગૌરવ વલ્લભ એક ખાનગી ચેનલમાં ભાજપના રાષ્ટ્રીય પ્રવક્તા સબિત પાત્રા જયારે 10 ટ્રિલિયન 10 ટ્રિલિયન કહેતા હતા ત્યારે ગૌરવ વલ્લભે એક ટ્રિલિયનમાં કેટલા ઝીરો આવે છે તેવો બેધડક સવાલ કરતા સબિત પાત્રા જવાબ નહોતા આપી શક્યા અને હાંસીપાત્ર બન્યા હતા જેનો વિડિઓ ખુબ વાયરલ થયો હતો access_time 10:55 am IST

  • મહાભિયોગ મામલે ડોનાલ્ડ ટ્રમ્પ વિરુદ્ધ બીજા દિવસે પણ હંગામો : અમેરિકી રાષ્ટ્રપતિ ડોનાલ્ડ ટ્રમ્પ વિરુદ્ધ સંસદના નીચલા સદનની પ્રતિનિધિ સભામાં મહાભિયોગ તપાસની ચાલતી કાર્યવાહીની સાર્વજનિક સુનાવણીના બીજા દિવસની શરૂઆતમાં મોટો હંગામો થયો હતો access_time 12:53 am IST