Gujarati News

Gujarati News

News of Saturday, 17th November 2018

ર૧ વર્ષ જુના એટ્રોસીટી કેસના બે આરોપીનો નિર્દોષ -છુટકારો

રાજકોટ, તા. ૧૭ :  એકવીસ વર્ષ જુના એટ્રોસીટીના ગુનામાં રાજકોટના એડી. સેશન્સ કોર્ટએ આરોપીને નિર્દોષ જાહેર કરતો ચુકાદો ફરમાવેલ છે.

આ કેસની વિગત જોઇએ એકવીસ વર્ષ પહેલા તા. ર૪-ર-૯૭ના રોજ આ કામના ફરીયાદી લીલાબહેન વણકર રહે. રૈયધાર, રાજકોટવાળાએ ૧૯૯૭ની સાલમાં રાજકોટ તેઓના ઘરમાં સુતેલા હતા. ત્યારે સાંજના સાડા સાતેક વાગ્યે બે અજાણ્યા શખ્સો ફરીયાદીના ઘર પાસે આવી અને કહેવા લાગેલ કે આ ઘર અમારૂ છે તમે લોકો ખાલી કરીને જતા રહો એમ કહી બોલાચાલી તથા ગાળાગાળી કરવા લાગેલા તથા જ્ઞાતિ પ્રત્યે હડધૂત કરી ધાકધમકીઓ આપેલી. આ સમયે લતાવાસીઓ ભેગા થઇ ગયેલા. જેથી આરોપીઓ જતા રહેલ. આ મતલબની ફરીયાદ દાખલ થતા તાલુકા પોલીસ-સ્ટેશનના જવાબદાર અધિકારીએ બે આરોપીઓ (૧) કાનજીભાઇ રાજપૂત, રહે. ગંજીવાડા તથા (ર) દિનેશ નાગજી રૈયાણી, કોઠારીયા મેઇન રોડની ઇ.પી.કો. કલમ પ૦૬(ર), પ૦૪, ૧૧૪ તથા એટ્રોસીટી એકટની કલમ ૩ (૧) ૧૦ના કામમાં ધરપકડ કરેલી. આ કેસ રાજકોટના એડી. ડીસ્ટ્રીકટ એન્ડ સેશન્સ જજ સાહેબમાં ચાલી જતા હાલના આરોપીઓને નિર્દોષ જાહેર કરવામાં આવેલ છે.

આ કેસમાં કાનજી પાંચા રાજપુત વતી રાજકોટના વકીલ આર.કે. ધ્રુવ અને દિનેશ નાગજી રૈયાણી વતી કુલદિપસિંહ બી. જાડેજા રોકાયેલા હતા.

(3:44 pm IST)
  • ગોંડલમાં GSTની ટીમો ત્રાટકી : શહેરના નવા માર્કેટ યાર્ડ, જેતપુર રોડ ત્રણખૂણીયા સહિતના વિસ્તારોમાં અધિકારીઓએ જીએસટીની તપાસ હાથ ધરી હોવાનું જાણવા મળે છે : જીએસટીની તપાસને લઈને વેપારીઓમાં ફફડાટ access_time 8:53 pm IST

  • દ્વારકા :પોરબંદર રોડ પર સલાયા જૂનાગઢ રુટની એસ ટી બસ પલટી મારી ૩૫ જેટલા લોકો ઈજાગ્રસ્ત:ઇજાગ્રસ્તો ખંભાળીયા હોસ્પિટલ લઈ જવાયા access_time 12:00 pm IST

  • દિલ્હીના મુખ્યમંત્રી અરવિંદ કેજરીવાલ પર મારપીટનો આરોપ લગાડનાર દિલ્હીના મુખ્ય સચિવ અંશુ પ્રકાશની બદલી :દૂર સંચાર વિભાગમાં ટ્રાન્સફર કરાઈ access_time 1:15 am IST