Gujarati News

Gujarati News

News of Saturday, 17th November 2018

'રૂડા' દ્વારા નિર્માણ થનાર ૧૦૬૧ ફલેટની યોજનાનાં પ્રોજેકટને સરકારની લીલી ઝંડીઃ ટુંક સમયમાં કામગીરી થશે

કુલ ૪૩પ૦ ફલેટોના ડી.પી.આર તૈયાર થયેલઃ ૧૫૬૮ ફલેટનું નિર્માણ કાર્ય પ્રગતિમાં : બે-બે સ્થળે સરકારી યોજનાનાં ફલેટ મેળવનારા ૧૭ લાભાર્થીઓને ફાળવણી રદઃ પ્રધાનમંત્રી આવાસ અને મુખ્યમંત્રી ગૃહ યોજનાની વિગતો રજુ કરાશે કારોબારી અધિકારી પી.વી.સંગાણી

રાજકોટ, તા.૧૭: પ્રધાનમંત્રી આવાસ યોજના અંતર્ગત અગાઉ સરકાર દ્વારા મુંજકા ખાતેના મંજુર EWS-1 નાં અને  EWS-2 કેટેગરીનાં કુલ ૧પ૬૮ આવાસોનું નિર્માણ કાર્ય હાલ પ્રગતિમાં છે.

રાજકોટ શહેરની આવાસની જરૂરીયાતને ધ્યાનમાં રાખી કુલ ૧૦ અલગ અલગ સાઇટ ઉપર પ્રધાનમંત્રી આવાસ યોજના અને મુખ્યમંત્રી ગૃહ યોજનાનાં અંતર્ગત કુલ ૪૩પ૦ અલગ અલગ કેટેગરીનાં આવાસો નિર્માણ કરવા ડીપીઆર તૈયાર કરવામાં આવેલ જેને સરકારની મંજુરી મળી ગયેલ છે.

પ્રધાનમંત્રી આવાસ યોજના અંતર્ગત જે વ્યકિત પાસે પોતાનાં માલીકીની જમીન છે. તેમને મકાનનાં ચણતર માટે સરકાર તરફથી બી.એલ.સી યોજનાં હેઠળ રૂ.૩.પ૦ લાખની સહાય આપવામાં આવે છે. રૂડા દ્વારા સરકાર તરફથી મળેલ ટાર્ગેટ સફળતાપુર્વક પૂર્ણ કરી કુલ ૧૦૬૧ બી.એલ.સી લાભાર્થીઓનાં ડી.પી.આરને સરકાર તરફથી મંજુરી મળેલ છે. જેથી હવે આ યોજનાનાં લાભાર્થીઓ પોતાનાં ઘરનુ ઘરનો સંકલ્પ પૂર્ણ કરી શકશે.

રાજકોટ શહેરી વિકાસ સત્તામંડળ દ્વારા પ્રધાનમંત્રી આવાસ યોજના અને મુખ્યમંત્રી ગૃહ યોજના અંતર્ગત આવાસોનું નિર્માણ કરેલ છે. જેમાં પોતાના નામે કે કુટુંબનાં નામે કોઇ મકાન/આવાસ/પ્લોટ નથી તેમને જ આવાસ યોજનાનો લાભ મળી શકે છે. રૂડા દ્વારા રાજકોટ મહાનગરપાલિકા તેમજ ગુજરાત હાઉસીંગ બોર્ડની આવાસ ફાળવણીની યાદીઓ મેળવી જે આવાસ ધારકોએ બે જગ્યાએ આવાસોનો લાભ લીધેલ છે. તેમની સામે કાર્યવાહી કરી ફાળવણી રદ કરવા બાબતે નોટીસ આપવામાં આવેલ હતી જે પૈકી કુલ ૧૭ આવાસોની ફાળવણી રદ કરવા અંગેની કાર્યવાહી કરવામાં આવેલ છે જે પરત આવેલા આવાસો યોજનામાં જ વેઇટીંગ લીસ્ટમાં રહેલ ખરેખર જરૂરીયાતવાળા લાભાર્થીઓને તેનો લાભ મળી શકશે. તેજ રીતે આવાસ યોજનાનાં જે લાભાર્થીઓએ ફાળવેલ આવાસ પેટા ભાડે આપેલ છે તેમને ફાળવેલ આવાસોને રદ કરવાની કામગીરી પણ ગતિમાં છે.

(2:56 pm IST)
  • સુરતના પલસાણા ખાતે થયેલ હત્યાનો ભેદ ઉકેલાયો:પલસાણા જોળવા ગામે નંદલાલ ગુપ્તા નામના યુવકની થઇ હતી હત્યા: લોખંડના પાઇપ મારી કરવામાં આવી હતી હત્યા:SOG પોલીસે હત્યાના આરોપીઓને ઝડપી પાડ્યા:હત્યા કરનાર મુર્તકની પત્ની, પુત્ર અને સાળો જ નીકળ્યા:ન જેવી બાબતે ઝગડો થયાં બાદ દિવાળીના દિવસે નંદલાલ ગુપ્તાની કરાઈ હતી હત્યા:પોલીસે હત્યામાં સામેલ પત્નીની કરી ધરપકડ, જ્યારે પુત્ર અને સાળા ને વોન્ટેડ જાહેર કર્યા access_time 10:44 pm IST

  • ગોંડલમાં GSTની ટીમો ત્રાટકી : શહેરના નવા માર્કેટ યાર્ડ, જેતપુર રોડ ત્રણખૂણીયા સહિતના વિસ્તારોમાં અધિકારીઓએ જીએસટીની તપાસ હાથ ધરી હોવાનું જાણવા મળે છે : જીએસટીની તપાસને લઈને વેપારીઓમાં ફફડાટ access_time 8:53 pm IST

  • અમદાવાદ :ગુજરાતના નવા ચીફ ઇન્કમટેક્ષ કમિશ્નર બન્યા અજયદાસ મેહરોત્રા: મુખ્ય કચેરી ખાતે સંભાળ્યો ચાર્જ: 1984 બેચ ના આઇઆરએસ અધિકારી છે અજયદાસ, :સુરત અને ગુજરાતમાં અગાઉ ફરજ બજાવી ચુક્યા છે: ઇડી, ગેલ ઇન્ડિયા અને કેન્દ્ર સરકાર ના કોર્પોરેટ મંત્રાલયમાં ફરજ બજાવી ચુક્યા છે access_time 11:15 pm IST