Gujarati News

Gujarati News

News of Thursday, 17th September 2020

આપના ૪ કાર્યકરોની મેડિકલ કોલેજ પાસેથી અટકાયત

સિવિલ હોસ્પિટલ મેડિકલ કોલેજ ખાતે આજે ફરીથી રાજ્યના આરોગ્ય સચિવ ડો. જયંતિ રવિ સમિક્ષા કરવા આવ્યા હોઇ તેને કોવિડ હોસ્પિટલમાં દર્દીઓની હાલત અંગે આપના કાર્યકરો રજૂઆત કરવા આવ્યા હોઇ ચારેયની કોલેજના ગેઇટ નજીકથી જ પ્ર.નગર પીઆઇ એલ. એલ. ચાવડા, પીએસઆઇ કે.ડી. પટેલ, કનુભાઇ માલવીયા, દેવશીભાઇ રબારી, પુર્વિશાબેન ગોંડલીયા સહિતના સ્ટાફે અટકાયત કરી હતી. ચારેયને મોબાઇલમાં બેસાડી પોલીસ મથકે લઇ જવા તજવીજ થતાં ભારે ઝપાઝપી થઇ હતી. પોલીસે નૈમિષ મહેન્દ્રભાઇ પાટડીયા (રહે. નંદનવન કોઠારીયા રોડ), દેવાંગ શશિકાંતભાઇ ગજ્જર (રહે. ઉદ્યોગનગર), કરણ ભરતભાઇ કાનગડ (રહે. કેવડાવાડી) તથા પાર્થ મનિષભાઇ રાઠોડ (રહે. રેલનગર સાધુ વાસવાણી કુંજ રોડ)ને કલમ ૬૮ મુજબ ડિટેઇન કર્યા હતાં. આ કાર્યકરો દર્દીના વાયરલ વિડીયો મામલે રજૂઆત કરવા આવ્યા હતાં. પરંતુ મંજુરી વગર પહોંચી ગયા હોઇ કાયદો વ્યવસ્થા જળવાઇ રહે તે માટે અટકાયત કરવામાં આવી હતી. (તસ્વીરઃ સંદિપ બગથરીયા)

(3:29 pm IST)
  • જીપીએસસી ચેરમેન દિનેશભાઇ દાસા સંક્રમિત : હોમ આઇસોલેશનમાં access_time 2:37 pm IST

  • શું રેંટિયો કાંતવાથી અંગ્રેજો ભાગી જવાના હતાં ? : થાળી વગાડવાથી કોરોના ભાગી ન જાય તેવું કહેનારા લોકોને ભાજપ સાંસદ સુધાંશુ ત્રિવેદીનો વેધક સવાલ : જે રીતે ગાંધીજીએ આઝાદીના પ્રતીક તરીકે ચરખાને સ્થાન આપ્યું હતું તે રીતે મોદીજીએ સામાજિક ચેતના જાગૃત કરાવવા થાળી વેલણ વગાડવાનું કહ્યું હતું : પાર્લામેન્ટમાં સામસામી આક્ષેપબાજી access_time 11:10 am IST

  • જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના નેતા નરેન્દ્રભાઈ દવે સહિતના પરિવારજનોને કોરોના : કેએસપીસીના પ્રમુખ મહાત્મા ગાંધી લેબર ઈન્સ્ટીટ્યુટના વાઈસ ચેરમેન અને દેશના જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના પ્રાતસહઃ વ્યવસ્થા પ્રમુખ નરેન્દ્રભાઈ દવે સહિતના પરિવારને કોરોના પોઝીટીવ : ચિંતાની લાગણી access_time 11:19 am IST