Gujarati News

Gujarati News

News of Thursday, 17th September 2020

રાજકોટનું ગૌરવઃ છાયા મિશ્રાની બિહારમાં NIAના વિશેષ સરકારી વકીલ તરીકે નિમણૂંક

રાજકોટઃ કેન્દ્રીય ગૃહ મંત્રાલય દ્વારા રાષ્ટ્રીય તપાસ એજન્સી (એનઆઈએ)ના વિશેષ સરકારી વકીલ તરીકે પટના હાઈકોર્ટના વરિષ્ઠ વકીલ શ્રીમતી છાયા મિશ્રાની નિમણૂંક કરવામાં આવી છે. તેઓનો રાજકોટ સાથે ખાસ નાતો છે. તેઓ રાજકોટની એમ.બી. મહિલા કોલેજમાંથી સ્નાતક થયેલા અને સૌરાષ્ટ્ર યુનિવર્સિટીમાંથી તેઓ એલએલબી થયા છે.

બિહાર માટે એનઆઈએમાં ખાસ સરકારી વકીલ તરીકે નિયુકિત થઈ હોય તેવા તે પ્રથમ મહિલા વકીલ હશે.

કેન્દ્રીય ગૃહ મંત્રાલયે જાહેર કરેલી એક સૂચના અનુસાર શ્રીમતી છાયા મિશ્રા ખાસ નિયુકત કોર્ટ અને હાઇકોર્ટમાં એનઆઈએનું પ્રતિનિધિત્વ કરશે. તેઓ ૧૯૯૬ થી વકીલાત ક્ષેત્રે એકિટવ છે અને રેલવે મંત્રાલયમાં કેન્દ્ર સરકારના સલાહકાર અને વકીલ તરીકે હાલ કાર્યરત છે.

(3:28 pm IST)
  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST

  • ગુજરાત ઉપરાંત દિલ્હી ,ઉત્તરાખંડ ,તામિલનાડુ ,તથા ઉત્તર પ્રદેશમાં 21 સપ્ટેમ્બરથી સ્કૂલો નહીં ખુલે : હરિયાણામાં સ્કૂલો ખુલી જશે : છત્તીસગઢ અને બિહાર હજુ સુધી અવઢવમાં : અનલોક 4 દરમિયાન 21 સપ્ટેમ્બરથી સ્કૂલો ફરીથી ચાલુ કરી શકવાના કેન્દ્ર સરકારના સૂચન સાથે મોટા ભાગના રાજ્યો અસંમત access_time 12:11 pm IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST