Gujarati News

Gujarati News

News of Thursday, 17th September 2020

બે બાઇક અને એક એકટીવા ચોરી કરનારા શાહબાઝ અને રાહુલ પકડાયા

માલવીયાનગર પોલીસ મથકના હેડ કોન્સ મશરીભાઇ ભાવેશભાઇ અને હરપાલસિંહની બાતમીઃ શાહબાઝ ખોડીયારનગરમાંથી ઝડપાયા બાદ રાહુલ ભરવાડને દબોચ્યો

રાજકોટ તા.૧૭ : શહેરના ગોંડલ રોડ ખોડીયારનગર પાસેથી માલવીયાનગર પોલીસે બાતમીના આધારે બે શખ્સોને ચોરાઉ બે બાઇક અનેએક એકટીવા સાથે પકડી લીધા હતા.

મળતી વિગત મુજબ માલવીયાનગર પોલીસ મથકના પીઆઇ કે.એન. ભુકણના  માર્ગદર્શન હેઠળ પીએસઆઇ વી.કે. ઝાલ, હેડ કોન્સ મસરીભાઇ ભેટારીયા, યુવરાજસિંહ જાડેજા, ભાવીનભાઇ ગઢવી, ક્રિપાલસિંહ જાડેજા, ભાવેશભાઇ ગઢવી, હરપાલસિંહ જાડેજા, રોહીતભાઇ કછોટ, મહેશભાઇ ચાવડા સહિત પેટ્રોલીંગમાં હતા ત્યારે ગોંડલ રોડ ખોડીયારનગર પાસેથી બાઇક પર પસાર થતા એક શખ્સને રોકી બાઇકના કાગળો અને લાયસન્સ માગતા તે ગલ્લા તલ્લા કરવા લાગ્યો હતો બાદ પોલીસે તેનુ નામ પુછતા તેણે પોતાનુ નામ શાહબાઝ ઉર્ફે શબલો ઉર્ફે નવાબ સત્તારભાઇ જોબન (ઉ.૧૮) (રહે. ગોંડલ રોડ ખોડીયારનગર) જણાવ્યું હતું. અને તેની પુછપરછ કરતા તેણે આ બાઇક ચોરી કર્યાની કબુલાત આપતા તેને પકડી લીધો હતો બાદ તેની વધુ પુછપરછ કરતા મવડી ચોકડી પાસે લાભદીપ સોસાયટી શેરી નં.૯માં રહેતા રાહુલ કાળુભાઇ રાતડીયા (ઉ.૧૯) સાથે મળીને બાઇક ચોર્યાની કેફીયત આપતા પોલીસે રાહુલ રાતડીયાને પણ પકડી લઇ બે ચોરાઉ બાઇક અને એક એકટીવા કબજે કર્યા હતા. બંનેએ માલવીયા આજીડેમ અને ભકિતનગર વિસ્તારમાંથી ચોરી કર્યાની કબુલાત આપી હતી. શાહબાઝ ઉર્ફે શબલો અગાઉ માલવીયાનગર અને રાહુલ રાતડીયા તાલુકા પોલીસ મથકમાં વાહન ચોરીના ગુનામાં પકડાઇ ચૂકયા છે.

(2:40 pm IST)
  • રસ્તો ક્રોસ કરી રહેલા ઉત્તર પ્રદેશના ભાજપના ધારાસભ્ય દેવેન્દ્ર પ્રતાપ સિંહને વાહને અડફેટે લઇ લીધા : ચા પીવા ઉભા રહ્યા બાદ રસ્તો ઓળંગી રહ્યા હતા ત્યારે પુરપાટ ઝડપે જઈ રહેલા વાહને ટક્કર મારી દીધી : ગંભીર હાલતમાં લખનૌ હોસ્પિટલમાં દાખલ access_time 8:37 pm IST

  • શું રેંટિયો કાંતવાથી અંગ્રેજો ભાગી જવાના હતાં ? : થાળી વગાડવાથી કોરોના ભાગી ન જાય તેવું કહેનારા લોકોને ભાજપ સાંસદ સુધાંશુ ત્રિવેદીનો વેધક સવાલ : જે રીતે ગાંધીજીએ આઝાદીના પ્રતીક તરીકે ચરખાને સ્થાન આપ્યું હતું તે રીતે મોદીજીએ સામાજિક ચેતના જાગૃત કરાવવા થાળી વેલણ વગાડવાનું કહ્યું હતું : પાર્લામેન્ટમાં સામસામી આક્ષેપબાજી access_time 11:10 am IST

  • અમિતભાઈ સ્વસ્થ: એઈમ્સમાંથી : રજા આપવામાં આવી : ગૃહ મંત્રી અમિતભાઈ શાહને નવી દિલ્હી ખાતે એઈમ્સ હોસ્પિટલમાંથી આજે રજા આપવામાં આવી છે. તેમને રૂટીન ચેક-અપ માટે 13 સપ્ટેમ્બરે એઇમ્સમાં ફરી દાખલ કરવામાં આવ્યા હતા. access_time 7:30 pm IST