Gujarati News

રાજકોટ તા. ૧૭: શહેરની એક સગીરાને ગત જાન્યુઆરી માસમાં રાજૂ ભરવાડ નામનો શખ્સ ભગાડી ગયો હતો અને કિસાન ગોૈશાળા આસપાસ તથા ગેસ્ટહાઉસમાં લઇ જઇ બળાત્કાર ગુજાર્યો હતો. એ પછી સગીરાને ગર્ભ રહી જતાં પરિવારજનોને ખબર પડી હતી. પરમ દિવસે સગીરાને પેટમાં દુઃખાવો ઉપડતાં ઝનાના હોસ્પિટલમાં દાખલ કરવામાં આવી હતી. અહિ તેણીએ દિકરીને જન્મ આપ્યો હતો. કુંવારી માતા બનેલી આ સગીરાના કિસ્સામાં આજીડેમ પોલીસે બળાત્કાર, પોકસો હેઠળ ગુનો નોંધ્યો છે.

પોલીસ સુત્રોના કહેવા મુજબ ગત જાન્યુઆરી માસમાં રાજૂ ભરવાડ સગીરાને લલચાવી ફોસલાવીને ભગાડી ગયો હતો અને દૂષ્કર્મ ગુજાર્યુ હતું. એ પછી સાત મહિના બાદ સગીરાને ગર્ભ રહી ગયાની પરિવારજનોને ખબર પડી હતી. પરમ દિવસે તેણીને ઝનાના હોસ્પિટલમાં દાખલ કરવામાં આવી હતી અને તેણીએ દિકરીને જન્મ આપ્યો હતો. આ મામલે ગુનો નોંધી આજીડેમના ઇન્ચાર્જ એમ. જે. રાઠોડ, વિરેન્દ્રસિંહ, સ્મીતભાઇ સહિતના સ્ટાફે તપાસ હાથ ધરી છે. આરોપી રાજૂ હજુ હાથમાં આવ્યો નથી.