Gujarati News

રાજકોટ તા. ૧૭: માર્કેટ યાર્ડ નજીક યુવરાજનગરમાં રહેતાં અને કડીયા કામની મજૂરી કરતાં મુળ બિહારના ગુડ્ડુ બચ્ચન સહાની (ઉ.૨૫)ને આ વિસ્તારમાં જ રહેતાં એક નશાખોરે પથ્થરમારો કરી ઇજા કરતાં સિવિલ હોસ્પિટલમાં દાખલ કરવામાં આવતાં આજીડેમ પોલીસને જાણ કરાઇ હતી.

ગુડ્ડુના કહેવા મુજબ પોતે જે રસ્તેથી આવ-જા કરે છે ત્યાં રસ્તામાં નશાખોર રહે છે. તે અવાર-નવાર પોતાને અટકાવી 'અહિથી નીકળવું હોય તો પૈસા દેવા પડશે' તેમ કહી ધમકાવી પૈસા પડાવી લે છે. ગત સાંજે પણ  આ રીતે અટકાવી ગાળો દઇ પૈસા માંગતા ન દેતાં પથ્થરમારો કરાયો હતો.