Gujarati News

રાજકોટ : ગોંડલ સંપ્રદાયના તપસમ્રાટ પૂ. ગુરૂભગવંતશ્રી રતિલાલજી મ.સા. ધ્યાન સાધક પૂ. ગુરૂદેવશ્રી હસમુખમુનિ મ.સા. એવંમ પૂ. મુકત-લીલમ ગુરૂણીના સુશિષ્યા સદાનંદી ગુરૂણીમૈયા પૂ. શ્રી સુમતિબાઇ મહાસતીજી સાધ્વીરત્ના પૂ. સ્મિતાબાઇ મહાસતીજી, સાધ્વીરત્ના ડો.પૂ. અમિતાબાઇ મહાસતીજી, સાધ્વીરત્ના પૂ. સંજિતાબાઇ મહાસતીજી આદી ઠાણા- ૪ ના સાનિધ્યમાં ગુરૂ પૂર્ણિમા નિમિતે શ્રી શેઠ ઉપાશ્રય જૈન સંઘના આંગણે ભવ્ય ચાતુર્માસનો પ્રારંભ થયો તેમજ ૪ મહિના સુધી સવારે ૯.૧પ થી ૧૦.૧પ રોજ બરોજ વ્યાખ્યાન તથા તપ-જપ ચાલી રહયા છે. વ્યાખ્યાન બાદ જાપ ત્રિરંગી સામયિક અને સાંજે ૭ વાગ્યે પ્રતિક્રમણનું આયોજન રાખવામાં આવેલ છે. ભારતભરમાં પહેલીવાર અનુપુર્વી આરાધનાનું ૩પ દિવસનું તપ -  જપ - આરાધના સદાનંદી પુ. સુમતિબાઇ મહાસતીજીની પ્રેરણાથી કરવામાં આવેલ છે. જેમાં બહોળી સંખ્યામાં આરાધકો જોડાયા છે. ચેરમેન ચંદ્રકાંતભાઇ શેઠ, હેમલભાઇ મહેતા, નિતિનભાઇ દોશી, રસીકભાઇ, પરેશભાઇ કોઠારી વિગેરે તથા મહિલા મંડળના બહેનોના હસ્તે સામુહિક ચાતુર્માસ સ્મૃતિ અંક ર૦૧૮નું વિમોચન કરવામાં આવેલ હતુ.