Gujarati News

Gujarati News

News of Thursday, 17th May 2018

રેલ્વે સ્ટેશન પાસેથી બીનવારસુ મળેલી બાળકીના વાલીની શોધ

બાળકીને અસુરક્ષિત રીતે નાસી જનાર અજાણ્યા શખ્સ સામે ગુનો

રાજકોટ, તા.૭: રેલવે જંકશન રોડ તકદીર હોટલ પાસેથી બાર દિવસ પહેલા મળેલી અઢી વર્ષની બાળકીના વાલીવારસની શોધખોળ આદરી છે. પ્રનગર પોલીસે બાળકીને અસુરક્ષિત રીતે નાસી જનાર શખ્સ વિરૂધ્ધ ગુનો દાખલ કર્યો છે.

મળતી વિગત મુજબ રેલ્વેસ્ટેશન રોડ પર તકદીર હોટલ પાસે બાર દિવસ પહેલા એક અઢી વર્ષની બાળકી એકલી મળી આવતા યુનુસભાઇ નામના વ્યકિતએ પોલીસ કંટ્રોલમાં જાણ કરતા કંટ્રોલ ઇન્ચાર્જે  જાણ કરતા પ્રનગર પોલીસ મથકના એએસઆઇ એસ.ડી.પાદરીયા તથા રાઇટર આનંદભાઇએ બાળકીને પોલીસ મથકે લાવી તેના વાલીવારસની શોધખોળ આદરી હતી. પરંતુ કોઇ પતો ન લાગતા પ્રનગર પોલીસે બાળકીને ગોંડલ રોડ પર કાઠીયાવાડ બાલાશ્રમ ખાતે સોંપવામાં આવી છે. અને પ્રનગર પોલીસે આ બાળકીને બીનવારસુ જગ્યાએ અસુરક્ષિત રીતે મુકી નાશી જનાર અજાણ્યા શખ્સ વિરૂધ્ધ ગુનો દાખલ કરી તપાસ આદરી છે. જો કોઇ આ બાળકીના વાલીવારસ હોય તો પ્રનગર પોલીસ સ્ટેશન ફોન નં.૦૨૮૧ ૨૪૪૬૦પપ ઉપર સંપર્ક કરવો.

(8:15 pm IST)
  • સુરતમાં આરટીઈ માટે બોગસ દાખલા રજૂ કરનાર ૧૫૨૨ વાલીઓ સામે ફરીયાદ કરવા થયા આદેશો access_time 6:09 pm IST

  • પાકિસ્તાનના પૂર્વ વડાપ્રધાન નવાઝ શરીફને રાહત :રાજદ્રોહનો કેસ ચલાવવાની માંગણી કરતી અરજી લાહોર હાઇકોર્ટે ફગાવી :નવાઝે એક ઇન્ટરવ્યૂમાં મુંબઈ હુમલામાં પાકિસ્તાની આતંકીઓનો હાથ હોવાનું કહેતા તેના વિરુદ્ધ રાજદ્રોહનો કેસ કરવા અરજી કરાઈ હતી :નવાઝ વિરુદ્ધ આ અરજી પાકિસ્તાન ઝિંદાબાદના મુખ્યા અને વકીલ આફતાબ વિર્કે કરી હતી :લાહોર હાઇકોર્ટે કહ્યું કે અરજીકર્તાએ ઉચિત ફોરમ પાસે જવું જોઈએ access_time 1:08 am IST

  • બીટકોઈન તોડ મામલો: CID ક્રાઇમની સૌથી મોટી કાર્યવાહી: નલિન કોટડીયા વિરુદ્ધ લુકાઆઉટ નોટિસ જારી: દેશભર ના એરપોર્ટને જાણ કરાઈ: નલિન કોટડીયાની મિલકત પણ કરાશે જપ્ત: બીટકોઈન કેસ માટે રચાયેલ SIT ની મળી મેગા મિટિંગ: CID ક્રાઇમના DG આશિષ ભાટિયાની અધ્યક્ષતામાં મળી મિટિંગ: DIG, SP, 2 DYSP, 2 PI, PSI અને સાયબર એક્સપર્ટ મિટિંગમાં હાજર: નવી એફ આઈ આર નોંધવા માટે ઘડાઈ રણનીતિ: ટૂંક સમયમાં CID કરી શકે છે નવો ધડાકો:નલિન કોટડીયા ના લોકેશન માટે પણ કરાઈ ચર્ચા access_time 12:19 am IST