Gujarati News

Gujarati News

News of Thursday, 17th May 2018

રેવન્યુ કર્મચારીઓની હડતાલ મોકુફ

પડતર પ્રશ્નોનો નિકાલ લાવવા મહેસુલ સચિવે ખાત્રી આપી

રાજકોટ તા. ૧૭ : રેવન્યુ કર્મચારીઓના વિવિધ પડતર પ્રશ્નોના ઉકેલ માંગણી સાથે આવતીકાલે તા. ૧૮ થી હડતાલ ઉપર જનાર હતા. પરંતુ આ પ્રશ્નો ઉકેલવા મહેસુલ સચિવે ખાત્રી આપતા હવે હડતાલ મોકુફ રખાયાનું રેવન્યું કર્મચારી મહામંડળના પ્રમુખ  દેવેશ પટેલની યાદીમાં જણાવાયું છે.

આ યાદીમાં જણાવાયું છે કે, ગુજરાત રાજય રેવન્યુ કર્મચારી મહામંડળના તમામ સભ્યોને જણાવવાનું કે, ગુજરાત રાજય રેવન્યુ કર્મચારીઓના કેટલાક પડતર પ્રશ્નોનું જેવા કે, ભરતી ચાર્જશીટ, જોબ વર્ક, લાયકાત પરિક્ષા વગેરેનું નિરાકરણ ન આવતા ગુજરાત રાજય રેવન્યુ કર્મચારી મહામંડળના જાવક નં. ૩૯/૨૦૧૮ તા. ૮-૫-૨૦૧૮ થી મહેસુલ મંત્રીએ તથા અગ્રસચિવ (મહેસુલ) તથા મુખ્યમંત્રીશ્રીને લેખીત જાણ કરી તા. ૧૮ એ તબકકાવાર હડતાલનો કાર્યક્રમ આપવા જાણ કરેલ હતી.

જેના અનુસંધાને અધિક મુખ્ય સચિવ (મહેસુલ) દ્વારા તા.૧૫મેના રોજ મંડળના હોદ્દેદારો તથા હડતાલ કમિટી સાથે બેઠક યોજી રેવન્યું કર્મચારીઓના તમામ પડતર પ્રશ્નોની ચર્ચા કરેલ છે અને તમામ પડતર પ્રશ્નોનો ટુંક સમયમાં હકારાત્મક નિકાલ કરવા ખાત્રી આપતા હવે કાલે તા. ૧૮ થી આપવામાં આવેલ તબકકાવાર હડતાલનો કાર્યક્રમ હાલ પુરતો મોકુફ રાખવામાં આવે છે. જેની સર્વે કર્મચારીઓએ નોંધ લેવા વિનંતી છે.

(3:14 pm IST)
  • બીટકોઈન તોડ મામલો: CID ક્રાઇમની સૌથી મોટી કાર્યવાહી: નલિન કોટડીયા વિરુદ્ધ લુકાઆઉટ નોટિસ જારી: દેશભર ના એરપોર્ટને જાણ કરાઈ: નલિન કોટડીયાની મિલકત પણ કરાશે જપ્ત: બીટકોઈન કેસ માટે રચાયેલ SIT ની મળી મેગા મિટિંગ: CID ક્રાઇમના DG આશિષ ભાટિયાની અધ્યક્ષતામાં મળી મિટિંગ: DIG, SP, 2 DYSP, 2 PI, PSI અને સાયબર એક્સપર્ટ મિટિંગમાં હાજર: નવી એફ આઈ આર નોંધવા માટે ઘડાઈ રણનીતિ: ટૂંક સમયમાં CID કરી શકે છે નવો ધડાકો:નલિન કોટડીયા ના લોકેશન માટે પણ કરાઈ ચર્ચા access_time 12:19 am IST

  • પાકિસ્તાનના પૂર્વ વડાપ્રધાન નવાઝ શરીફને રાહત :રાજદ્રોહનો કેસ ચલાવવાની માંગણી કરતી અરજી લાહોર હાઇકોર્ટે ફગાવી :નવાઝે એક ઇન્ટરવ્યૂમાં મુંબઈ હુમલામાં પાકિસ્તાની આતંકીઓનો હાથ હોવાનું કહેતા તેના વિરુદ્ધ રાજદ્રોહનો કેસ કરવા અરજી કરાઈ હતી :નવાઝ વિરુદ્ધ આ અરજી પાકિસ્તાન ઝિંદાબાદના મુખ્યા અને વકીલ આફતાબ વિર્કે કરી હતી :લાહોર હાઇકોર્ટે કહ્યું કે અરજીકર્તાએ ઉચિત ફોરમ પાસે જવું જોઈએ access_time 1:08 am IST

  • બીટકોઈન કૌભાંડ મામલે નલીન કોટડીયા સામે બિનજામીનપાત્ર વોરન્ટ નીકળ્યુ અમદાવાદ સિવિલ અને સેશન્સ કોર્ટે કર્યુ વોરન્ટ ઈસ્યુ access_time 6:11 pm IST