Gujarati News

Gujarati News

News of Saturday, 17th April 2021

રાજકોટ એસટી ડેપોમાં કોરોનાનો હાહાકાર : ૭૫ એસટી ડ્રાઈવર- કન્ડકટર સહિત કુલ ૭૭ને કોરોના વળતા ડેપો ખાલી ખમ

રાજકોટ, તા.૧૭ : રાજકોટ એસટીમાં કોરોનાએ હાહાકાર મચાવ્યો છે. છેલ્લા ૨૪ કલાકમાં એસટી ડીવીઝનના ૭૫ ડ્રાઈવર અને કન્ડકટર સહિત કુલ ૭૭ને કોરોના પોઝીટીવ જાહેર થતાં ભારે ફફડાટ મચી ગયો છે.

આ ૭૭માં એસટીના ડેપોના બે કારકૂનનો પણ સમાવેશ થાય છે. તમામ ૭૭ને હોમ કવોરન્ટાઈન કરી દેવા આદેશ કરાયા છે. માત્ર ૨૦ ટકા મુસાફરો આવી રહ્ના છે અને જઈ રહ્ના છે. રાજકોટ એસટી ડેપો અંગે તાત્કાલીક કાર્યવાહી કરવા અને વધુ ટેસ્ટીંગ બુથો ઉભા કરી લોકોનું ૨૪ કલાક ચેકીંગ કરવા અંગે યુનિયન અને આગેવાનોએ માંગણી કરી છે. આ ૭૫ એસટી કન્ડકટર - ડ્રાઈવર માંથી ૧૦ થી ૧૨ લોકોની સ્થિતિ વધુ ખરાબ હોવાનું અધિકારી સૂત્રો જણાવી રહ્ના છે.

(11:00 am IST)
  • ૬૩ હજાર કેસો સાથે મહારાષ્ટ્ર દેશમાં કોરોના કેસમાં સતત પ્રથમ નંબરે: ઉત્તર પ્રદેશ ૨૭ હજાર અને દિલ્હી ૧૯ હજાર કેસ સાથે મોખરે રહેલ છે: પુણે ૧૧ હજાર અને મુંબઈ ૮૮૨૫: ગુજરાતમાં ૯ હજાર એ આંક પહોંચવા આવ્યો: એમપી ૧૧ હજાર, કર્ણાટક ૧૪ હજાર અને છત્તીસગઢ ૧૫ હજાર કેસ સાથે હાહાકાર મચાવે છે access_time 11:04 am IST

  • કોરોના મહામારીને પહોંચી વળવા ૫૦ નવી ઍમ્બ્યુલન્સ ખરીદાશે : ગુજરાતમાં ૧૦૮ ઍમ્બ્યુલન્સની ભારે ખેંચ સર્જાણી છે તેને પહોંચી વળવા ગુજરાતની રૂપાણી સરકારે ૫૦ નવી ૧૦૮ ઍમ્બ્યુલન્સ ખરીદવાનો નિર્ણય લીધો છે access_time 1:42 pm IST

  • કોરોના વધતા સંક્રમણને લઈ ને ચૂંટણી પંચ (EC) એ રાજકીય પાર્ટીઓના પ્રચાર અભિયાન માટે મોટો નિર્ણય લીધો : હવેથી સાંજે 7 વાગ્યાથી સવારે 10 વાગ્યા સુધી પ્રચાર બંધ રાખવામાં આવશે : પશ્ચિમ બંગાળમાં હવે 48 કલાકને બદલે, પ્રચાર 72 કલાક પહેલા એટલે કે ત્રણ દિવસ પહેલા બંધ કરી દેવામાં આવશે તેમ જાણવા મળે છે. access_time 7:30 pm IST