Gujarati News

Gujarati News

News of Monday, 16th April 2018

ક્રાઇમ બ્રાંચે તસ્કર મનસુખ ઉર્ફ દિપને પકડ્યોઃ એક વર્ષ પહેલાની ચોરી ઉકેલાઇ

સાગ્રીતો કિશન ઉર્ફ બાઉ અને બૈજુ સાથે મળી ૮ ફોન, ડીવીઆર, કેમેરાની ચોરી કરી'તી

રાજકોટ તા. ૧૬: લોહાનગરમાં બાપા સિતારામની મઢુલી પાસે મફતીયાપરામાં રહેતો અને ભંગારની ફેરી કરતો મનસુખ ઉર્ફ દિપ હરિભાઇ પરમાર (ઉ.૨૦) ચોરીના ગુનામાં સંડોવાયો હોવાની બાતમી ક્રાઇમ બ્રાંચના હેડકોન્સ. પુષ્પરાજસિંહ પરમાર, શૈલેષગીરી અને યુવરાજસિંહને મળતાં તેને સકંજામાં લઇ બે મોબાઇલ ફોન કબ્જે લેવાયા હતાં. આ ફોન ચોરાઉ હોવાનું તેણે કબુલ્યું હતું.

આ ઉપરાંત એક વર્ષ પહેલા કુવાડવા રોડ પર રણછોડદાસ બાપુના આશ્રમ પાસે આવેલી રવિ મોબાઇલ નામની દૂકાનમાંથી સાગ્રીત કિશન ઉર્ફ બાઉ તથા બૈજુ સાથે મળી આઠ મોબાઇલ ફોન, સીસીટીવી કેમેરાનું ડીવીઆર તથા કેમેરાની ચોરી કરી હોવાનું કબુલ્યું હતું. આ બાબતે જે તે વખતે બી-ડિવીઝન પોલીસ મથકમાં ૫૧/૧૭ મુજબ ગુનો નોંધાયો હતો. એસીપી જે. એચ. સરવૈયા, પી.આઇ. એચ. એમ. ગઢવીની રાહબરીમાં પી.એસ.આઇ. ડી. પી. ઉનડકટ, હેડકોન્સ. ભરતભાઇ વનાણી, પુષ્પરાજસિંહ, અમૃતભાઇ, યુવરાજસિંહ, જયપાલસિંહ, શૈલેષગીરી સહિતનો સ્ટાફ પેટ્રોલીંગમાં હતો ત્યારે માહિતી મળતાં આ શખ્સને પકડી લેવાયો હતો. (૧૪.૧૭)

(4:22 pm IST)
  • સુરતમાં બાળકીના રેપ & મર્ડર કેસમાં પોલીસને આંશિક સફળતા મળી હોય તેમ લાગી રહ્યું છે. આંધ્ર પ્રદેશના દંપતિએ આ 11 વર્ષની બાળકી પોતાની દીકરી હોવાનો દાવો કર્યો છે. જોકે પોલીસે ખાતરી માટે પિતાના અને બાળકીના DNA સેમ્પલ લઈને તપાસ માટે મોકલી દીધા છે. access_time 10:17 pm IST

  • કોંગ્રેસના રાષ્ટ્રીય અધ્યક્ષ રાહુલ ગાંધી સોમવારે ત્રણ દિવસની મુલાકાત માટે પોતાના સંસદીય વિસ્તાર અમેઠી પહોંચ્યા હતાં. રાહુલ ગાંધી અમેઠીના એક સ્કૂલના કાર્યક્રમમાં સંબોધન માટે પહોંચ્યા હતાં.રાહુલ ગાંધીને એક વિદ્યાર્થિનીએ પૂછ્યું કે દેશમાં જે નિયમ બને છે તેને ગ્રામીણ વિસ્તારોમાં સાચી રીતે શા માટે લાગુ પાડવામાં આવતાં નથી. જેના જવાબમાં રાહુલે તરત જ કહ્યું કે,’એ તમે મોદીજીને પૂછો. સરકાર મોદીજી ચલાવે છે. અમારી સરકાર નથી. જ્યારે અમારી સરકાર હશે ત્યારે અમે જવાબ આપીશું.’ access_time 3:59 am IST

  • મહેબુબા મુફ્તી સરકારમાંથી ભાજપના તમામ મંત્રીઓએ રાજીનામાં આપ્યા :ભાજપ મોટાપાયે પુન :રચના કરવા જઈ રહયું છે :ભાજપે કહ્યું કે સરકાર ઉપર કોઈ ખતરો નથી :કેબિનેટમાં ફેરફાર થઇ રહ્યાં છે access_time 10:53 pm IST