Gujarati News

Gujarati News

News of Monday, 16th April 2018

યુવા ભાજપ દ્વારા સામાજીક સમરસતા સંમેલન સાથે આંબેડકરજીને વંદના

 સામાજીક અસમાનતા દુર કરી દલિતોને તેમના અધિકાર અપાવનાર મહામાનવ ડો. ભીમરાવ આંબેડકરજીની જન્મ જયંતિ નિમિતે શહેર યુવા ભાજપ દ્વારા તેમની પ્રતિમાને ફુલહાર કરી વંદના કરવામાં આવી હતી. આરતીનો કાર્યક્રમ રાખવામાં આવ્યો હતો. સાથો સાથ અનુસુચિત જાતિ મોરચના કાર્યકરો સાથે ટીફીન ભોજન લઇ સમરસતા સાર્થક કરવામાં આવી હતી. યુવા ભાજપ પ્રમુખ પ્રદીપ ડવ, મહામંત્રી પરેશ પીપળીયા, પૃથ્વીસિંહ વાળાની આગેવાની હેઠળ યોજાયેલ આ કાર્યક્રમમાં સાંસદ મોહનભાઇ કુંડારીયા, કમલેશ મીરાણી, મહિલા મોરચાના શ્રીમતી અંજલીબેન રૂપાણી, મેયર ડો. જૈમન ઉપાધ્યાય, ધારાસભ્ય ગોવિંદભાઇ પટેલ, અરવિંદ રૈયાણી, પ્રદેશ યુવા ભાજપ મહામંત્રી નેહલ શુકલ, પ્રદેશ ભાજપ અનુ.જાતિ મોરચાના મહામંત્રી ગૌતમભાઇ ગેડીયા, શહેર ભાજપ મહામંત્રી દેવાંગ માંકડ, જીતુ કોઠારી, વિક્રમ પુજારા, મહેશ રાઠોડ, રઘુભાઇ ધોળકીયા, પૂર્વ ધારાસભ્ય ભાનુબેન બાબરીયા, રાજુભાઇ અધેરા, ડી. બી. ખીમસુરીયા, ગૌતમ ગોસ્વામી, નીતીન ભુત, વી. એમ. પટેલ વગેરેએ ઉપસ્થિત રહી ભાવવંદના કરી હતી. (૧૬.૬)

(4:20 pm IST)
  • કોંગ્રેસના રાષ્ટ્રીય અધ્યક્ષ રાહુલ ગાંધી સોમવારે ત્રણ દિવસની મુલાકાત માટે પોતાના સંસદીય વિસ્તાર અમેઠી પહોંચ્યા હતાં. રાહુલ ગાંધી અમેઠીના એક સ્કૂલના કાર્યક્રમમાં સંબોધન માટે પહોંચ્યા હતાં.રાહુલ ગાંધીને એક વિદ્યાર્થિનીએ પૂછ્યું કે દેશમાં જે નિયમ બને છે તેને ગ્રામીણ વિસ્તારોમાં સાચી રીતે શા માટે લાગુ પાડવામાં આવતાં નથી. જેના જવાબમાં રાહુલે તરત જ કહ્યું કે,’એ તમે મોદીજીને પૂછો. સરકાર મોદીજી ચલાવે છે. અમારી સરકાર નથી. જ્યારે અમારી સરકાર હશે ત્યારે અમે જવાબ આપીશું.’ access_time 3:59 am IST

  • SBIની દશા ખરાબ : મૂલ્યવાન બેંકોના લીસ્ટમાં કોટક મહિન્દ્રા બેંક SBIથી આગળ : કોટક મહિન્દ્રા બેંકની પ્રગતિ : શેરબજારમાં પણ કોટકનો શેર બે ટકા ઉંચકાયો : ઉદય કોટકની નીતિઓ સફળ : કોટકની આગળ હવે માત્ર HDFC જ છે, બાકી બધા પાછળ access_time 12:50 pm IST

  • આઈડિયા સેલ્યુલર મોબાઈલના વિસ્તાર માટે આદિત્ય બીઓર્લાં ગ્રુપ 1 બિલિયન ડોલર 7000 કરોડ ઉભા કરશે access_time 10:50 pm IST