Gujarati News

Gujarati News

News of Monday, 16th April 2018

સડેલા ચોખા અંગે કાયદેસર નહીં થાય અને અમને સાંભળવામાં નહીં આવે તો અધિકારીઓના મોઢા કાળા કરાશે

જશવંતસિંહે કહી દીધુ કે ભૂતકાળમાં મને આવી બાબતે સજા પડી છે...એમા કોઈ નવાઈ નથી...: કલેકટરે ચોખા બહારથી નથી લાવ્યા એની શું ખાતરી કહેતા મામલો વધુ ગરમાયોઃ ડીએસઓને મળી લેવા જણાવી દેવાતા ટપાટપી

રાજકોટ, તા. ૧૬ :. કલેકટરની ચેમ્બરમાં ટેબલ ઉપર ચોખાના ઢગલા કોંગી આગેવાનોએ કર્યા અને જશવંતસિંહ તથા કલેકટર વચ્ચે ઉગ્ર ટપાટપી થઈ જતા મામલો ગરમી પકડી ગયો છે.ચેમ્બરમાંથી બધાને બહાર કઢાયા બાદ જસવંતસિંહ મીડીયાને જણાવ્યુ હતુ કે, સડેલા ચોખા અંગે કાયદેસરની કાર્યવાહી નહી થાય અને અમને સાંભળવામાં નહી આવે તો અધિકારીઓના મોઢા કાળા કરી દેવાશે.એક તબક્કે ટપાટપી દરમિયાન કલેકટરે કોંગી આગેવાનોને એવુ કીધુ કે ચોખા તમે બહારથી નથી લાવ્યા ? તેનુ શું ખાત્રી, તેનાથી મામલો ભારે બીચકયો હતો. ઉગ્ર ગરમાગરમી સર્જાઈ હતી, આગેવાનોએ આવો આક્ષેપ નહી કરવા અને અમે સવારથી આ બાબતે પાછળ છીએ છતાં આવુ કરો છો તેવી ટપાટપી સર્જાઇ હતી.

આ પછી જશવંતસિંહે સમસમીને એવુ કીધુ કે ચાલો મારી પધ્ધતિ અંગે માફી માંગી લઉં છું, પણ અમને સાંભળો તો ખરા, અને ત્યારે કલેકટરશ્રીએ, તમારી રજુઆત બરોબર ન હોય મારે તમને હવે સાંભળવા જ નથી, અને ડીએસઓ ને મળી લ્યો તેવુ જણાવતા જશવંતસિંહ ઉકળી ઉઠયા હતા, અને કલેકટરને જણાવેલ કે સાહેબ ભુતકાળમાં મને આવી બાબતે સજા થઇ હશે આ કંઇ નવુ નથી, પણ અમે હવે આશ્વર્યજનક આંદોલન કરીશું. કલેકટરે આ પછી તમામને બહાર કાઢયા અને તેની સાથોસાથ મિડીયાના રીર્પોટરો પ્રેસ ફોટોગ્રાફરોને પણ ચેમ્બરમાંથી બહાર કાઢયા હોવાની વિગતો બહાર આવી રહી છે. કલેકટર લોબીમાં આ બનાવની ભારે ચર્ચા ઉપડી છે.(૨-૨૦)

 

(4:17 pm IST)
  • મહેબુબા મુફ્તી સરકારમાંથી ભાજપના તમામ મંત્રીઓએ રાજીનામાં આપ્યા :ભાજપ મોટાપાયે પુન :રચના કરવા જઈ રહયું છે :ભાજપે કહ્યું કે સરકાર ઉપર કોઈ ખતરો નથી :કેબિનેટમાં ફેરફાર થઇ રહ્યાં છે access_time 10:53 pm IST

  • લાલગેટ વિસ્તારમાં પતિએ પત્નીની હત્યા કરી છે. પતિએ પત્નીનું ગળું દબાવીને હત્યા કરી હોવાની ઘટના સામે આવી છે. હત્યા કરીને પત્નીના ટુકડા ઉધના વિસ્તારમાં આવેલી ખાડીમાં નાખી દેતા સમગ્ર મામલો સામે આવ્યો છે. પોલીસનો દાવો છે કે રવિવારે હત્યા કરીને લાશ સગેવગે કરવા અલગ અલગ જગ્યાએ શરીરના ટુકડા નાખ્યા હતા. યુવતીનું માથું ઘરમાંથી મળી આવ્યું હતું. આ મામલે સામે આવ્યું છે કે પતિએ છરા વડે પત્નીના શરીરના ટુકડા કર્યા અને ત્યારબાદ તેના મૃતદેહના ટુકડાને પ્લાસ્ટિકની થેલીમાં પેક કરી દીધા. ત્યારબાદ ઘરની સાફ-સફાઈ કરી હતી. પત્નીના હાથ અને પગના ટુકડાની થેલી ખાડીમાં નાંખવા જતો હતો ત્યારે પેટ્રોલિંગ કરી રહેલી પોલીસે તેને રંગેહાથ ઝડપ્યો. access_time 4:01 am IST

  • વાડી વિસ્તાર માંથી યુવાનની મળી લાશ: સિહોર તાલુકાના પિંગળી ગામની વાડી વિસ્તારમાંથી પચીસ વર્ષના યુવાન લાલજી વાઘેલાની મળી લાશ:લાશને પીએમ માટે સિહોર સીએચસી હોસ્પિટલ ખાતે ખસેડાઇ.. access_time 1:29 am IST