Gujarati News

Gujarati News

News of Monday, 16th April 2018

ભાઇના વિયોગમાં મારૂતિનગરમાં ધો-૧૨ની છાત્રા કોમલ ચાવડાએ ગળાફાંસો ખાઇ જિંદગી ટૂંકાવી

કોઠારીયા રોડ હુડકો ચોકડી પાછળ બનાવઃ રજપૂત પરિવારમાં કલ્પાંત

રાજકોટ તા. ૧૬: કોઠારીયા રોડ હુડકો કવાર્ટર પાછળ મારૂતિનગર-૪/૬ના ખુણે રહેતી કોમલ ભરતભાઇ ચાવડા (ઉ.૧૯) નામની નાડોદા રાજપૂત છાત્રાએ ગળાફાંસો ખાઇ આત્મહત્યા કરી લેતાં પરિવારમાં અરેરાટી વ્યાપી ગઇ છે. કોમલે આ વર્ષે જ ધોરણ-૧૨ની પરિક્ષા આપી હતી. અગાઉ તેનો એકનો એક ભાઇ મૃત્યુ પામ્યો હોઇ તેના વિયોગને કારણે આ પગલુ ભર્યાનું પોલીસની પ્રાથમિક તપાસમાં બહાર આવ્યું છે.

જાણવા મળ્યા મુજબ મારૂતિનગરમાં રહેતી કોમલે સવારે પોતાના ઘરે ગળાફાંસો ખાઇ લેતાં પરિવારજનોને જાણ થતાં તાકીદે  સિવિલ હોસ્પિટલમાં ખસેડી હતી. પરંતુ અહિ મૃતદેહ જ પહોંચ્યાનું તબિબે જાહેર કરતાં સ્વજનોમાં કલ્પાંત સર્જાયો હતો. આપઘાત કરનાર કોમલના પિતા છૂટક કામ કરે છે. તેણી માતા-પિતાની એકની એક પુત્રી હતી અને ધોરણ-૧૨ની પરિક્ષા આપી હતી.

ભકિતનગર પોલીસ મથકને જાણ થતાં પી.એસ.આઇ. એ. વી. પીપરોતરે જરૂરી કાર્યવાહી કરી હતી. તેમની પ્રાથમિક તપાસમાં ખુલ્યા મુજબ કોમલબેનના એકના એક ભાઇનું એકાદ વર્ષ પહેલા મૃત્યુ થયું હતું. ત્યારથી તે સતત ડિપ્રેશનમાં રહેતી હતી. ભાઇના વિયોગમાં આ પગલું ભરી લીધાનું પરિવારજનોનું માનવું છે. દિકરા બાદ એકની એક દિકરી ગુમાવતાં માતા-પિતા સહિતના સ્વજનો શોકમાં ગરક થઇ ગયા હતાં. (૧૪.૧૨)

(2:00 pm IST)
  • SBIની દશા ખરાબ : મૂલ્યવાન બેંકોના લીસ્ટમાં કોટક મહિન્દ્રા બેંક SBIથી આગળ : કોટક મહિન્દ્રા બેંકની પ્રગતિ : શેરબજારમાં પણ કોટકનો શેર બે ટકા ઉંચકાયો : ઉદય કોટકની નીતિઓ સફળ : કોટકની આગળ હવે માત્ર HDFC જ છે, બાકી બધા પાછળ access_time 12:50 pm IST

  • આરજેડી પ્રમુખ લાલૂ પ્રસાદ યાદવની મુશ્કેલી ઓછી થવાનું નામ લેતી નથી. ચારા કૌભાંડમાં સજા કાપી રહેલા લાલૂ યાદલ માટે ચૂંટણી પંચે તેની પાર્ટી વિરૂદ્ધ નોટિસ જારી કરતા પાર્ટીની માન્યતા રદ્દ કરવાની ચેતવણી આપી છે. મહત્વનું છે કે, આરજેડીએ વર્ષ 2014/15નું પાર્ટીનો ઓડિટ રિપોર્ટ ચૂંટણી પંચમાં જમા કરાવ્યો નથી. access_time 4:00 am IST

  • અફઘાનીઓએ પાંચ પાક જવાનોને ફૂંકી માર્યા : અફઘાન સરહદે ઝપાઝપી : દુબાયેલી લોકોએ પાંચ સૈનિકોને મારીને એકનું અપહરણ કર્યુ : અફઘાન સરહદમાં ઘુસવું પાક.ને ભારે પડ્યું: બીબીસીનો અહેવાલ access_time 11:22 am IST