Gujarati News

Gujarati News

News of Monday, 16th April 2018

રૈયા ચોકડી પાસે કડીયા કામ વખતે દિવાલ પડતાં દાહોદના મજૂરનું મોત

રાજકોટ તા. ૧૬: માધાપર ચોકડી પાસે પુલ નીચે રહેતો મુળ દાહોદનો નિતેષ રસિકભાઇ ડામોર (ઉ.૨૫) નામનો યુવાન રવિવારે સાંજે રૈયા ચોકડી નજીક નવા બનતા મકાનની સાઇટ પર કડીયા કામ કરતો હતો ત્યારે દિવાલ પરના મેડા પર ઉભો હોઇ દિવાલ ધસી પડતાં માથામાં ગંભીર ઇજા થતાં સારવાર માટે સિવિલ હોસ્પિટલમાં ખસેડાયો હતો. પરંતુ અહિ મોત નિપજ્યું હતું.

હોસ્પિટલ ચોકીના જગુભા ઝાલા અને ધીરેનભાઇ ગઢવીએ યુનિવર્સિટી પોલીસને જાણ કરતાં એએસઆઇ અંજુબેને જરૂરી કાર્યવાહી કરી હતી. મૃત્યુ પામનાર કેટલાક દિવસ પહેલા કડીયા કામ કરવા આવ્યો હતો. તેને સંતાનમાં એક પુત્ર અને એક પુત્રી છે. પોલીસે તેના પરિવારજનોને જાણ કરતાં રાજકોટ આવવા નીકળ્યા હતાં.

(11:52 am IST)
  • SBIની દશા ખરાબ : મૂલ્યવાન બેંકોના લીસ્ટમાં કોટક મહિન્દ્રા બેંક SBIથી આગળ : કોટક મહિન્દ્રા બેંકની પ્રગતિ : શેરબજારમાં પણ કોટકનો શેર બે ટકા ઉંચકાયો : ઉદય કોટકની નીતિઓ સફળ : કોટકની આગળ હવે માત્ર HDFC જ છે, બાકી બધા પાછળ access_time 12:50 pm IST

  • કાશ્મીરમાં શંકરાચાર્યજીના સ્થાનક શારદા પીઠની અવદશા : પાકિસ્તાન કબ્જા હેઠળના કાશ્મીરમાં આવેલ નીલમ વેલીમાં શંકરાચાર્યજીની મૂળ પીઠ મનાતી શારદા પીઠના અવશેષોની હાલત જોઈ કોઈપણ હિન્દુનો જીવ ઉકળી ઉઠે છે, ચીનના બૌદ્ધ સાધુ શીયાન ઝેંગે ૭મી સદીમાં આ ભવ્ય સ્થળની મુલાકાત લઈ નોંધ લખી છે, ઈન્ડીયાહીસ્ટ્રીપીકના ટ્વીટર હેન્ડલ ઉપર આ વિગતો મુકાયેલ છે access_time 12:50 pm IST

  • સુરતમાં બાળકીના રેપ & મર્ડર કેસમાં પોલીસને આંશિક સફળતા મળી હોય તેમ લાગી રહ્યું છે. આંધ્ર પ્રદેશના દંપતિએ આ 11 વર્ષની બાળકી પોતાની દીકરી હોવાનો દાવો કર્યો છે. જોકે પોલીસે ખાતરી માટે પિતાના અને બાળકીના DNA સેમ્પલ લઈને તપાસ માટે મોકલી દીધા છે. access_time 10:17 pm IST