Gujarati News

Gujarati News

News of Monday, 16th April 2018

કોંગો ફિવરના શંકાસ્પદ દર્દી ગોંડલના સુખપરના યુવાનનું રિપોર્ટ પહેલા જ મોત

રાજકોટ તા. ૧૬: ગોંડલ તાબેના નાના સુખપર ગામના યુવાનને કોંગો ફિવરની શંકા સાથે સારવાર માટે રાજકોટ ખસેડાયો હતો. તેનું મોત નિપજતાં પરિવારમાં અરેરાટી વ્યાપી ગઇ છે અને આરોગ્ય તંત્રમાં દોડધામ મચી ગઇ છે.

જાણવા મળ્યા મુજબ નાના સુખપરના ૩૫ વર્ષના  યુવાનને તાવ આવતાં અને તબિયત લથડતાં ચારેક દિવસ પહેલા ગોંડલની ખાનગી હોસ્પિટલમાં દાખલ કરવામાં આવ્યો હતો. એ પછી શનિવારે બપોરે તેને રાજકોટ સિવિલ હોસ્પિટલમાં ખસેડવામાં આવતાં કોંગો ફિવર હોવાની શંકા ઉપજતાં તેને સ્વાઇન ફલૂ વોર્ડ પાસેના ખાસ વોર્ડમાં દાખલ કરાયો હતો અને લોહી સહિતના નમૂના લઇ પુના લેબોરેટરીમાં પરિક્ષણ માટે મોકલવામાં આવ્યા હતાં. જો કે આ અંગેનો રિપોર્ટ આવે એ પહેલા આ યુવાન રવિવારે સાંજે દમ તોડી દીધાનું જાણવા મળે છે. રિપોર્ટ હજુ ચાર-પાંચ દિવસ પછી આવશે. મૃત્યુ પામનાર છુટક મજૂરી કરતો હતો. (૧૪.૬)

(11:51 am IST)
  • BSFના દરિયાઈ પેટ્રોલીંગ દરમ્યાન કચ્છનાં લખપતવારી ક્રીક વિસ્તારમાંથી એક લાવારીસ પાકિસ્તાની બોટ પકડાઈ : બોટમાં માછીમારી કરવાનો સામાન મળ્યો access_time 12:33 am IST

  • અમદાવાદ:રાજ્યના પુર્વ ઇન્ચાર્જ DGP પી.પી.પાન્ડેની પાસપોર્ટ પરત આપવાની અરજી CBI કોર્ટે માન્ય રાખી: CBI કોર્ટે 2 મહિના માટે પાન્ડેને પાસપોર્ટ પરત કરવા કર્યો આદેશ: પી.પી.પાન્ડેએ USA જવા માટે પરત માગ્યો હતો પાસપોર્ટ access_time 1:28 am IST

  • કાશ્મીરમાં શંકરાચાર્યજીના સ્થાનક શારદા પીઠની અવદશા : પાકિસ્તાન કબ્જા હેઠળના કાશ્મીરમાં આવેલ નીલમ વેલીમાં શંકરાચાર્યજીની મૂળ પીઠ મનાતી શારદા પીઠના અવશેષોની હાલત જોઈ કોઈપણ હિન્દુનો જીવ ઉકળી ઉઠે છે, ચીનના બૌદ્ધ સાધુ શીયાન ઝેંગે ૭મી સદીમાં આ ભવ્ય સ્થળની મુલાકાત લઈ નોંધ લખી છે, ઈન્ડીયાહીસ્ટ્રીપીકના ટ્વીટર હેન્ડલ ઉપર આ વિગતો મુકાયેલ છે access_time 12:50 pm IST