Gujarati News

Gujarati News

News of Monday, 16th April 2018

કુવાડવા હાઇવે પરથી ૬૮ હજારનો દારૂ ભરેલી કાર ક્રાઇમ બ્રાંચે પકડી

પોલીસને જોઇ ચુનારાવાડનો સંજય સનુરા ભાગી ગયોઃ થોડા દિવસ પહેલા ક્રાઇમ બ્રાંચે જ ૯૬૬ બોટલ સાથે પકડ્યો હતો

રાજકોટ તા. ૧૬: દારૂના ધંધાર્થીઓ પર પોલીસની ધોંસ યથાવત રહી છે. છેલ્લા એક પખવાડીયાથી દેશી-વિદેશીના ધંધાર્થીઓ પર પોલીસ કડક હાથે કામ લઇ રહી છે. ત્યારે ગત રાત્રે વધુ એક દરોડામાં ક્રાઇમ બ્રાંચે કુવાડવા રોડ પરથી રૂ. ૬૮૪૦૦નો દારૂ ભરેલી કાર કબ્જે લીધી છે. પોલીસને જોઇ રીઢો બુટલેગર ભાગી ગયો હોઇ શોધખોળ થઇ રહી છે.

પોલીસ કમિશ્નર અનુપમસિંહ ગહલોૈત, જેસીપી ડી.એસ. ભટ્ટ, ડીસીપી બલરામ મીના, ડીસીપી કરણરાજ વાઘેલા, એસીપી ક્રાઇમ જે. એચ. સરવૈયાની સુચના અને પી.આઇ. એચ. એમ. ગઢવીની રાહબરી હેઠળ પી.એસ.આઇ. એમ. બી. જાડેજા, હેડકોન્સ. પ્રતાપસિંહ ઝાલા, યોગેન્દ્રસિંહ જાડેજા, હરદેવસિંહ જાડેજા, કૃપાલસિંહ ઝાલા, મયુરભાઇ પટેલ, શોૈકતખાન ખોરમ સહિતના પેટ્રોલીંગમાં હતાં ત્યારે યોગેન્દ્રસિંહ, હરદેવસિંહ અને શોૈકતખાનને માહિતી મળી હતી કે ચુનારવાડનો બુટલેગર સંજય ઓધવજીભાઇ સનુરા કુવાડવા રોડ પરથી દારૂ ભરેલી ગાડી સાથે નીકળવાનો છે.

આથી ક્રાઇમ બ્રાંચે કુવાડવા રોડ પટેલ વિહાર પાછળ નવાગામ તરફ જતાં રોડ પર વોચ રાખી હતી. પોલીસને જોઇ સંજય જીજે૩એચએ-૬૪૫૩ નંબરની કાર રેઢી મુકી ભાગી ગયો હતો. કાર કબ્જે લઇ તપાસ કરવામાં આવતાં અંદરથી રૂ. ૬૮૪૦૦નો ૨૨૮ બોટલ દારૂ મળતાં તે તથા બે લાખની કાર કબ્જે કરાઇ હતી.

હજુ થોડા દિવસ પહેલા જ ક્રાઇમ બ્રાંચે કાળીપાટમાં દરોડો પાડી સંજય સનુરાને ૯૬૬ બોટલ દારૂ સાથે પકડી લીધો હતો.  હેડકોન્સ. હરદેવસિંહ જાડેજાને વિશેષ તપાસ સોંપવામાં આવી છે. (૧૪.૯)

 

(11:50 am IST)
  • જમ્મુ-કાશ્મીરના શોપિયાંમાં પોલીસ સ્ટેશન ઉપર આતંકવાદી ઓનો હૂમલોઃ ફાયરીંગઃ સર્ચ ઓપરેશન ચાલુઃ ત્રાસવાદી ઓ રફૂચક્કરઃ સંખ્યાબંધ રાઉન્ડ ગોળીબાર કર્યાઃ કોઇને ઇજા નથી લશ્કરની ઘેરાબંદીઃ જો કે સત્તાવાર રીતે પોલીસ ઇન્કાર કરી રહી છેઃ તેમણે કહ્યું કે છત ઉપરથી પથ્થરો પડવાના અવાજને ફાયરીંગ થયાનું સમજી લેવાયેલઃ ગઇકાલે જમ્મુના કઠુઆમાં પણ ર ભેદી આતંકીઓ નજરે પડતા સુરક્ષા વ્યવસ્થા આકરી કરી દેવાયેલ છે access_time 11:21 am IST

  • મહેબુબા મુફ્તી સરકારમાંથી ભાજપના તમામ મંત્રીઓએ રાજીનામાં આપ્યા :ભાજપ મોટાપાયે પુન :રચના કરવા જઈ રહયું છે :ભાજપે કહ્યું કે સરકાર ઉપર કોઈ ખતરો નથી :કેબિનેટમાં ફેરફાર થઇ રહ્યાં છે access_time 10:53 pm IST

  • મધ્યપ્રદેશમાં જાનૈયાને લઇ જતો મીની ટ્રક સોનનદીમાં 100 ફૂટ ઊંડે ખાબકતા 20ના મોત ;30 ઘાયલ :સીધી જિલ્લામાં દુર્ઘટના:સોનનદીના પુલનું ડિવાઈડર તોડીને ટ્રક ખાબક્યો :જિલ્લાના ઉચ્ચ અધિકારીઓ પહોંચ્યા :રાહત-બચાવકાર્ય શરૂ :મીની ટ્રક જિલ્લાના બાહરી થાણા ક્ષેત્ર અમેલિયા નજીક પુલ પરથી 100 ફૂટ ઊંડે પડ્યો :ગેસ કટરથી કાપીને ફસાયેલ લોકોને બહાર કાઢયા access_time 1:42 am IST