Gujarati News

રાજકોટ, તા. ૧૭ : રાજકોટ મહાનગરપાલિકાની ચૂંટણીમાં ઉભેલા ભાજપ - કોંગ્રેસ અને આપના કોઈપણ ઉમેદવારોએ ફોર્મ ભર્યાથી આજ સુધીમાં એટલે કે ૧૧ દિવસની અંદર એક પણ ખર્ચનો હિસાબ જે તે આર.ઓ. સમક્ષ રજૂ નહિં કરતાં આ બાબતે તંત્ર ઉઠ્યુ છે.

ખર્ચના ઓબ્ઝર્વર અને નાયબ વેચાણવેરા કમિશ્નર શ્રી આર.આઈ.પટેલ એક પણ રૂપિયાનો ખર્ચનો હિસાબ નહિં આવતા અને દરરોજ યોજાતી તાવા પાર્ટી, સભા અને પ્રચાર - પ્રસાર અંગે કોઈ ઉમેદવારે હિસાબો રજૂ નહિં કરતા આજે બપોરે દરેક રીટર્નીંગ ઓફીસરને સુચના આપી હતી કે સાંજ સુધીમાં દરેક ઉમેદવાર પાસેથી ખર્ચના હિસાબો મંગાવી લેવા. પાર્ટી પોતે આ હિસાબોનું ચેકીંગ કરશે. શ્રી પટેલના આવા આદેશ બાદ ભારે દોડધામ મચી ગઈ છે અને ભાજપ - કોંગ્રેસ અને આપના ત્રણેય ઉમેદવારોને સાંજ સુધીમાં તાકીદે હિસાબો રજૂ કરવા કાર્યવાહી કરવા ફોન ધણધણાવ્યા છે.