Gujarati News

Gujarati News

News of Wednesday, 17th February 2021

બાઇક ચોરીના ગુનામાં એક વર્ષથી નાસતો ફરતો જયરાજ પકડાયો

ક્રાઇમ બ્રાંચની ટીમે વડગામના શખ્સને લીમડા ચોક પાસેથી દબોચ્યો

રાજકોટ, તા., ૧૭: ગાંધીગ્રામ વિસ્તારમાં થયેલ બાઇક ચોરીના ગુનામાં એક વર્ષથી ફરાર અમરેલીના વડગામના શખ્સને ક્રાઇમ બ્રાંચની ટીમે લીમડા ચોકમાંથી ઝડપી લીધો હતો.

મળતી વિગત મુજબ શહેર પોલીસ કમિશ્નર શ્રી મનોજ અગ્રવાલે શહેરમાં નાસતા ફરતા આરોપીઓને પકડી પાડવા માટે સુચના આપતા ક્રાઇમ બ્રાંચના પીઆઇ વી.કે.ગઢવીના માર્ગદર્શન હેઠળ પીએસઆઇ વી.જે.જાડેજા, એ.એસ.આઇ. જયેશભાઇ, ચેતનસિંહ, રાજદીપસિંહ, હિતેન્દ્રસિંહ, મહેન્દ્રસિંહ અને ભરતસિંહ પરમાર સહીત પેટ્રોલીંગમાં હતા ત્યારે હેડ કોન્સ. ચેતનસિંહ અને ભરતસિંહને મળેલી બાતમીના આધારે ગાંધીગ્રામ પોલીસ મથકના વાહન ચોરીના ગુનામાં એક વર્ષથી નાસતા ફરતા જયરાજ વાસુરભાઇ ધાખડા (ઉ.વ.૩ર) (રહે. વડગામ તા.રાજુલા)ને લીમડા ચોક પાસેથી પકડી લીધો હતો. આ ગુનામાં અગાઉ ગાંધીગ્રામ પોલીસે સાવરકુંડલાના કયુમ અલીભાઇ ચોટલીયા, વિજપડી ગામના જાહીદ યુનુસભાઇ શેખ અને લુવારા ગામના રણુ પુંજાભાઇ ચાંદુની ધરપકડ કરી હતી ત્યારે જયરાજ ફરાર હતો. તે અગાઉ પીપાવાવ પોલીસ મથકમાં  મારામારી અને ધમકીના ગુનામાં પકડાઇ ચુકયો છે.

(3:54 pm IST)
  • હાઈકોર્ટમાં ન્યાયાધીશના ૪૦૦ પદ ખાલી : નવી દિલ્હી : દેશભરની ૨૫ હાઈકોર્ટોમાં ૪૦૦ જેટલી જગ્યાઓ ઉપર ન્યાયાધીશોની નિમણુંકો કરવાનું બાકી છે : આ બધા પદ ખાલી છે ત્યારે સુપ્રિમ કોર્ટમાં ૪ જજાના પદ ખાલી છે. access_time 11:17 am IST

  • ભારતમાં ૨૪ કલાકમાં કુલ કોરોના કેસ ૧૧,૦૦૦ નોંધાયા જ્યારે જ્યારે કેરળમાં પાંચ હજાર અને મહારાષ્ટ્રમાં ૩૬૦૦ કેસ નોંધાયા: દેશમાં કુલ કોરોના કેસના ૭૫ ટકા કેસો આ બે રાજ્યોમાં નોંધાયા છે access_time 12:35 pm IST

  • બ્રહ્મમૂહૂર્તમાં બદ્રીનાથના કમાડ ૧૮મેએ ખુલશે : નરેન્દ્રનગર : સુપ્રસિદ્ધ યાત્રાધામ બદ્રીનાથના કમાડ ૧૮મેના રોજ બ્રહ્મ મુહૂર્તમાં સવારે ૪:૧૫ કલાકે ખોલવામાં આવશે. અભિષેક માટે ૨૯ એપ્રિલે નરેન્દ્રનગર રાજ દરબારમાં સુહાગીન મહિલાઓ દ્વારા તલનું તેલ પૂરવામાં આવશે access_time 11:17 am IST