Gujarati News

Gujarati News

News of Wednesday, 17th February 2021

મ.ન.પા.માં માત્ર કરવેરા દરખાસ્ત થશે મંજુરઃ યોજના સહિત બાકીનું બજેટ નવા શાસકો આપશે

૨૦મી સુધીમાં બજેટ મંજુર કરવા સત્તા આપવા સરકારને ઉદિત અગ્રવાલનો પત્ર

રાજકોટ, તા. ૧૭ :. મ.ન.પા.ની ચૂંટણીની આચારસંહિતા વચ્ચે મ.ન.પા.નું ૨૦૨૨નું બજેટ અધ્ધરતાલ છે ત્યારે ૨૦મી ફેબ્રુઆરી અગાઉ મંજુર કરવી જ પડે તેવી કરવેરા દરખાસ્તોમાં કોઈ વધારો-ઘટાડો કર્યા વગર યથાવત સ્થિતિમાં મંજુર કરવાની સત્તા આપવા મ્યુ. કમિશ્નર શ્રી અગ્રવાલે રાજ્ય સરકારને પત્ર પાઠવ્યો છે.

મનપાના આધારભૂત સૂત્રોના જણાવ્યા મુજબ ૨૦મી ફેબ્રુઆરી અગાઉ મ.ન.પા.ના બજેટની કરવેરા દરખાસ્તો મંજુર કરવી ફરજીયાત છે, પરંતુ હાલમા મ.ન.પા.માં વહીવટદાર શાસન હોવાથી બજેટ મંજુર થઈ શકે તેમ નથી. આથી હાલતૂર્ત માત્ર કરવેરા દરખાસ્તો જેવી કે વ્યવસાય વેરો, હાઉસ ટેકસ, પાણી વેરો, સફાઈ વેરો વગેરેને હાલમાં જે સ્થિતિ છે તે જ સ્થિતિમાં કોઈપણ સુધારા-વધારા કર્યા વગર મંજુર કરવાની સત્તા આપવા મ્યુ. કમિશ્નર ઉદિત અગ્રવાલે રાજ્ય સરકારને પત્ર પાઠવ્યો છે. આમ હાલતૂર્ત માત્ર કરવેરા બજેટ મંજુર કરી બાકીનું તમામ નવુ બજેટ ચૂંટણી પછી જે પક્ષ શાસનમાં આવશે તે આપશે તેવા નિર્દેશો મળી રહ્યા છે.

(3:43 pm IST)
  • સગીર બાળા ઉપર બળાત્કાર બદલ જેલવાસ ભોગવી રહેલા આશારામ બાપુની તબિયત લથડી : ગઈકાલ મંગળવારે રાત્રે જોધપુર હોસ્પિટલમાં દાખલ કરાયા : હોસ્પિટલ બહાર સમર્થકોની ભીડ access_time 11:42 am IST

  • કાલે રેલ રોકો આંદોલનને સમર્થન : પંજાબમાં હવે કિશાન પંચાયતો નહિં યોજાય ૩૨ જથ્થાબંધ માર્કેટ દ્વારા નિર્ણય : સોનીપત : પંજાબની ૩૨ જથ્થાબંધ ખેડૂત માર્કેટ દ્વારા મંગળવારે યોજાયેલ બેઠકમાં હવે પછી કોઈ ખેડૂત પંચાયતો નહિં મળે : માત્ર સંયુકત કિશાન મોરચો દિશા - નિર્દેશ આપે ત્યારે જ પંચાયત બોલાવાશે : કુંડલી સહિત દિલ્હી અને અન્ય સરહદો પર ચાલી રહેલ કિશાન આંદોલનને વેગ આપવાનો નિર્ણય પણ લેવાયો હતો : કાલે ૪ કલાકનું ‘રેલ રોકો’ યોજાયુ છે તેને સમર્થન આપવા ચર્ચા થયેલ. access_time 11:15 am IST

  • દક્ષિણ કોરિયાની ગુપ્તચર સેવાએ દાવો કર્યો છે કે ઉત્તર કોરિયન હેકરોએ કોરોના વાયરસ રસી અને સારવારથી સંબંધિત માહિતી ચોરી કરવાનો પ્રયાસ કર્યો છે. જો કે દક્ષિણ કોરિયાના એક સાંસદે દાવાને નકારી દીધો હતો, જે મુજબ રસી ઉત્પાદક ફાઈઝર કંપની હેકરોના નિશાના પર હતી. access_time 12:20 am IST