Gujarati News

Gujarati News

News of Wednesday, 17th February 2021

મવડીના અમરનગરમાં વિનોદભાઇ જોગરાજીયાનો ગળાફાંસો ખાઇ આપઘાત

દારૂ પીવાની ટેવ કારણભૂત : ચાર પુત્રી અને એક પુત્રએ પિતાની છત્રછાયા ગુમાવી

રાજકોટ,તા. ૧૭: મવડી રોડ પર આવેલ જૂના અમરનગરમાં રહેતા આધેડે ગળાફાંસો ખાઇ આપઘાત કરી લેતા અરેરાટી વ્યાપી ગઇ છે.

મળતી વિગત મુજબ મવડી રોડ પર આવેલા જૂના અમરનગર શેરી નં. ૩માં રહેતા વિનોદભાઇ નરશીભાઇ જોગરાજીયા (ઉવ.૪૫)એ રાત્રે પોતાના ઘેર દરવાજા ઉપર ચુંદડીબાંધી ગળાફાંસો લીધો હતો. થાળી પરથી કુંડુ પડતા અવાજ થતા પુત્રી જાગીને રૂમની બહાર નીકળી ત્યારે પિતાને લટકતી હાલતમાં જોતા દેકારો બોલાવતા પરિવારજનો જાગી ગયા હતા અને બાદ કોઇએ ૧૦૮માં જાણ કરતા ૧૦૮ની ટીમે સ્થળ પર પહોંચી તપાસ કરતા વિનોદભાઇનુ મૃત્યુ નિપજ્યું હોવાનું જણાતા પોલીસને જાણ કરવામાં આવી હતી. જાણ થતા માલવીયાનગર પોલીસ મથકના એએસઆઇ ગીતાબેન પંડ્યા અને રાઇટર ઘનશ્યામસિંહએ સ્થળ પર પહોંચી તપાસ હાથ ધરી હતી. મૃતક વિનોદભાઇના પત્નીનું ત્રણ વર્ષ પહેલા બીમારી સબબ મૃત્યુ બાદ તે તેની ચાર પુત્રી અને એક પુત્ર સાથે રહેતા હતા. તેણે દારૂ પીવાની ટેવથી કંટાળી પગલુ ભર્યાનું પોલીસની તપાસમાં ખુલ્યુ છે.

(2:53 pm IST)
  • કર્ણાટકના પૂર્વ મુખ્ય પ્રધાન અને કોંગ્રેસના વરિષ્ઠ નેતા સિદ્ધારમૈયાએ કહ્યું છે કે તેઓ રામ મંદિર માટે દાન નહીં આપે. તે જ સમયે, જેડીએસ નેતા અને ભૂતપૂર્વ સીએમ એચડી કુમારસ્વામીના નિવેદનથી વિશ્વ હિન્દુ પરિષદ ગુસ્સે ભરાયું છે : વિવાદિત નિવેદન આપતા સિદ્ધારમૈયાએ કહ્યું હતું કે, 'જો તેઓ મારી પાસે ભંડોળ માંગવા આવે તો હું કહીશ કે હું અયોધ્યાના "વિવાદિત" રામ મંદિર માટે દાન નહીં આપું. હું બીજે ક્યાંક પણ નિર્માણ પામનારા રામ મંદિર માટે દાન આપીશ. આ મામલો થાળે પડ્યો હોવા છતાં વિવાદ હંમેશા રહેશે જ!' access_time 12:20 am IST

  • ફાસ્ટેગનું અભૂતપૂર્વ વેચાણ : એક જ દિ'માં ૨.૫ લાખ 'ફાસ્ટેગ' ગઈકાલે વેચાયા : અમલના પ્રથમ દિવસે જ ૮૭.૧૬ કરોડ રૂ.નો ટોલ વસૂલાયો : ફાસ્ટટેગ દ્વારા ટોલ કલેકશન ૮૭% એ પહોંચ્યુ : ૮૫% વાહનો ફાસ્ટટેગ દ્વારા ટોલ ચૂકવી રહ્યા છે : ગઈકાલે પ્રથમ દિવસે જ નેશનલ હાઈવે ઓથોરીટી ઓફ ઈન્ડિયા (એન.એચ.ઓ.આઈ.)એ તેના ૬૩૦ નેશનલ હાઈવે ટોલ પ્લાઝા ઉપર (ફાસ્ટટેગ દ્વારા) ૧૦૦% કેસલેસ ફી વસૂલ કરી access_time 4:19 pm IST

  • વડાપ્રધાનનું નાસ્કોનને સંબોધન : વડાપ્રધાન શ્રી નરેન્દ્રભાઈ મોદી આજે નાસકોમ ટેકનોલોજી અને લીડરશીપ ફોરમને સંબોધન કરી રહ્યા છે. access_time 2:53 pm IST