Gujarati News

Gujarati News

News of Wednesday, 17th February 2021

આજથી ફાસ્ટેગનો કડક અમલ શરૂ થતા અને આગોતરા આયોજનના અભાવે રાજકોટ-ગોંડલ વચ્ચેના ટોલનાકા ઉપર મોડી રાત્રે અત્યારે કિલોમીટરોની લાઈનો લાગી: એકાદ કલાકે વારો આવે છે: સ્કૂટરો પણ ફસાયા

રાજકોટ નજીક આવેલ ગોંડલ રાજકોટ હાઇવે પર ભરુડી ટોલનાકા પાસે રાજકોટ થી ગોંડલ જતા રસ્તા પર ટ્રાફિક જામના દ્રશ્યો સર્જાયા છે અત્યારે મોડી રાત્રે ટોલ નાકની બન્ને બાજુ પાંચ થી સાત કિલોમીટર સુધી  વાહનોની લાઈનો લાગી છે. ફાસ્ટેગ ફરજિયાત કરાતાં અને આ માટે  આગોતરુ આયોજન ન હોય સંખ્યાબંધ ટોલનાકા ઉપર આવી જ સ્થિતિ હોવાનું ચર્ચાય છે. રાજકોટથી જૂનાગઢ જતા હાઇવે ઉપર રાજકોટથી ચાલીસ કિલોમીટર દૂર ગોંડલ પહોંચતા 30 થી 35 મિનિટનો સમય લાગે. તેના બદલે એક એક કલાક સુધી ટોલનાકા ઉપર વાહનો પોતાનો ટર્ન આવે તેની રાહ જોઇને ઊભા છે. સત્તાધીશો આ અંગે કોઈ ત્વરિત પગલાં લે તેવી લાગણી પ્રવર્તે છે. નહીં તો આ સ્થિતિ ખૂબ લાંબો સમય ચાલશે તેમ મનાય છે. ફાસ્ટ ટેગ ઓલરેડી જેમણે લગાવી છે તેમનામાં ભારે રોષ પ્રવર્તી રહ્યો છે.

(9:59 pm IST)
  • હવે યમુના નદીને કલીન કરીશુ : આપ : કોરોનાનું માથું ભાંગ્યા પછી : પાટનગરમાં શાસન કરી રહેલ કેજરીવાલ સરકારના આરોગ્ય મંત્રી શ્રી સત્યેન્દ્ર જૈને કહ્યુ કે દિલ્હીમાં કોરોનાને પરાજય આપ્યા બાદ હવે આગામી ૩ વર્ષમાં દિલ્હી સરકારનું ધ્યેય યમુના નદીને 'કલીન' કરવાનું રહેશે. access_time 2:52 pm IST

  • કર્ણાટકના પૂર્વ મુખ્ય પ્રધાન અને કોંગ્રેસના વરિષ્ઠ નેતા સિદ્ધારમૈયાએ કહ્યું છે કે તેઓ રામ મંદિર માટે દાન નહીં આપે. તે જ સમયે, જેડીએસ નેતા અને ભૂતપૂર્વ સીએમ એચડી કુમારસ્વામીના નિવેદનથી વિશ્વ હિન્દુ પરિષદ ગુસ્સે ભરાયું છે : વિવાદિત નિવેદન આપતા સિદ્ધારમૈયાએ કહ્યું હતું કે, 'જો તેઓ મારી પાસે ભંડોળ માંગવા આવે તો હું કહીશ કે હું અયોધ્યાના "વિવાદિત" રામ મંદિર માટે દાન નહીં આપું. હું બીજે ક્યાંક પણ નિર્માણ પામનારા રામ મંદિર માટે દાન આપીશ. આ મામલો થાળે પડ્યો હોવા છતાં વિવાદ હંમેશા રહેશે જ!' access_time 12:20 am IST

  • કાલે રેલ રોકો આંદોલનને સમર્થન : પંજાબમાં હવે કિશાન પંચાયતો નહિં યોજાય ૩૨ જથ્થાબંધ માર્કેટ દ્વારા નિર્ણય : સોનીપત : પંજાબની ૩૨ જથ્થાબંધ ખેડૂત માર્કેટ દ્વારા મંગળવારે યોજાયેલ બેઠકમાં હવે પછી કોઈ ખેડૂત પંચાયતો નહિં મળે : માત્ર સંયુકત કિશાન મોરચો દિશા - નિર્દેશ આપે ત્યારે જ પંચાયત બોલાવાશે : કુંડલી સહિત દિલ્હી અને અન્ય સરહદો પર ચાલી રહેલ કિશાન આંદોલનને વેગ આપવાનો નિર્ણય પણ લેવાયો હતો : કાલે ૪ કલાકનું ‘રેલ રોકો’ યોજાયુ છે તેને સમર્થન આપવા ચર્ચા થયેલ. access_time 11:15 am IST