Gujarati News

Gujarati News

News of Wednesday, 17th February 2021

રાજકોટમાં રાજ્યનું પ્રથમ મેડિકલ પાર્ક બનશે : વિજયભાઇ રૂપાણી

જીઆઇડીસીમાં ફાર્મા કંપનીઓના એકમો પણ સ્થાપી શકાશે

રાજકોટ તા. ૧૭ : મુખ્યમંત્રી વિજયભાઇ રૂપાણીએ જાહેરાત કરેલ કે રાજકોટમાં રાજયનું સૌપ્રથમ મેડીકલ પાર્ક બનશે.

ગુજરાતના મુખ્યમંત્રી વિજયરૂપાણીએ હોમટાઉન રાજકોટને વધુ એક ભેટ આપી છે. રાજકોટના ભાગોળે ૧૩૬ હેકટર જમીનમાં રાજયના સૌપ્રથમ મેડિકલ પાર્કનું નિર્માણ કરવાની જાહેરાત મુખ્યપ્રધાન રૂપાણીએ કરી છે. રાજકોટમાં નાના ઉદ્યોગોના વિકાસ માટે વધુ એક જીઆઇડીસીની માંગ ઉઠી હતી. જેના પગલે હવે શહેરના પાદરે નાગલપુરમાં ૧૩૬ હેકટરમાં નવા જીઆઇડીસી એકમની સ્થાપના કરવામાં આવશે.

નવા મેડિકલ પાર્કમાં અંદાજિત ૪પ૦ થી વધુ એકમોને સમાવી શકાશે. જેની સાથે જીઆઇડીસીમાં ફાર્મા કંપનીઓ પણ આવશે અને ફકત રાજકોટ જ નહીં સમગ્ર સૌરાષ્ટ્રનો વિકાસ થશે.

(11:03 am IST)
  • વડોદરામાં કોંગ્રેસને બે આંકડામાં પણ બેઠક નહીં મળે પાટીલનો લલકાર: ભાજપના પ્રદેશ અધ્યક્ષ સી.આર.પાટિલે વડોદરા ખાતે ધડાકો કરતા કહ્યું છે કે વડોદરામાં કોંગ્રેસને બે આંકડામાં પણ બેઠકો નહીં મળે. રાહુલ ગાંધીએ ગુજરાતનું અપમાન કર્યુ છે તે જનતા સહન નહિ કરે. access_time 12:45 am IST

  • કાલે રેલ રોકો આંદોલનને સમર્થન : પંજાબમાં હવે કિશાન પંચાયતો નહિં યોજાય ૩૨ જથ્થાબંધ માર્કેટ દ્વારા નિર્ણય : સોનીપત : પંજાબની ૩૨ જથ્થાબંધ ખેડૂત માર્કેટ દ્વારા મંગળવારે યોજાયેલ બેઠકમાં હવે પછી કોઈ ખેડૂત પંચાયતો નહિં મળે : માત્ર સંયુકત કિશાન મોરચો દિશા - નિર્દેશ આપે ત્યારે જ પંચાયત બોલાવાશે : કુંડલી સહિત દિલ્હી અને અન્ય સરહદો પર ચાલી રહેલ કિશાન આંદોલનને વેગ આપવાનો નિર્ણય પણ લેવાયો હતો : કાલે ૪ કલાકનું ‘રેલ રોકો’ યોજાયુ છે તેને સમર્થન આપવા ચર્ચા થયેલ. access_time 11:15 am IST

  • હાઈકોર્ટમાં ન્યાયાધીશના ૪૦૦ પદ ખાલી : નવી દિલ્હી : દેશભરની ૨૫ હાઈકોર્ટોમાં ૪૦૦ જેટલી જગ્યાઓ ઉપર ન્યાયાધીશોની નિમણુંકો કરવાનું બાકી છે : આ બધા પદ ખાલી છે ત્યારે સુપ્રિમ કોર્ટમાં ૪ જજાના પદ ખાલી છે. access_time 11:17 am IST