Gujarati News

રાજકોટ ત. ૧૭ :.. દેશનાં નાગરીકો માટે અત્યંત મહત્વનાં એવા આધારકાર્ડ ઓળખ પત્ર કઢાવવા માટે ત્થા સુધારા - વધારા માટેની પ્રક્રિયા સતત ચાલુ રહેતી હોઇ મ્યુ. કોર્પોરેશન દ્વારા આ માટે અલગથી  આધાર કાર્ડ કેન્દ્રો શરૂ કર્યા છે જે પૈકી સેન્ટ્રલ ઝોન કચેરીનાં આધાર કાર્ડ કેન્દ્રમાં ભારે અવ્યવસ્થા હોવાની ફરીયાદો અરજદારોમાં ઉઠવા પામી છે.

આ અંગે અરજદારોમાં ઉઠેલી ફરીયાદ મુજબ આધાર કાર્ડ કેન્દ્રમાં નામ સુધારા - વધારાનાં ફોર્મ ભરવામાં ત્થા ટોકન લેવા માટે ભારે મુશ્કેલીનો સામનો કરવો પડે છે. એટલુ જ નહી ફરજ પરનાં કર્મચારીઓ દ્વારા સંતોષકારક જવાબો પણ નથી અપાતાં અને કલાકો સુધી અરજદારોને લાઇનમાં ઉભુ રહેવુ પડે છે ત્યારે બેસવાની ત્થા પાણીની સુવિધા પણ આ સ્થળે નથી રખાઇ.

આમ મ્યુ. કોર્પોરેશનનાં સેન્ટ્રલ ઝોનમાં આધાર કાર્ડ કેન્દ્રમાં અરજદારોને થતી મુશ્કેલીઓ તાત્કાલીક દુર કરવા લોક માંગ ઉઠવા પામી છે.