Gujarati News

રાજકોટ તા. ૧૬: ગાંધીગ્રામ એસકે ચોક શેરી નં. ૩-બીમાં રહેતાં તુષાર અશોકભાઇ વાઘેલા (ઉ.૨૪)ને મવડી રોડ આનંદ બંગલા ચોક પાસેથી ઓસ્ટ્રેલિયામાં ચાલતી બીગ બેશ ટ્વેન્ટી-૨૦ ક્રિકેટ મેચ પર મોબાઇલ ફોનમાં આઇડી પર ઓનલાઇન સટ્ટો રમતો હોઇ માલવીયાનગર પોલીસે પકડી લીધો હતો.

કોન્સ. અંકિત નિમાવત અને રોહિત કછોટની બાતમી પરથી પીઆઇ જે.વી. ધોળાની રાહબરીમાં પીએસઆઇ વી. કે. ઝાલા, હેડકોન્સ. મસરીભાઇ ભેટારીયા સહિતની ટીમે આ કામગીરી કરી હતી. તુષાર પાસેથી રૂ. ૧૯૦૦ રોકડા અને ૧૦ હજારનો મોબાઇલ ફોન કબ્જે કરી વિશેષ તપાસ હાથ ધરવામાં આવી છે.