Gujarati News

Gujarati News

News of Monday, 16th December 2019

ગીર - આલેચ - બરડા વિસ્તારના માલધારીઓને થયેલ અન્યાય દૂર કરોઃ અનુસુચિત જાતિમાં સમાવો

સરકારે ઘોર અન્યાય કર્યો છેઃ કલેકટરને આવેદન પાઠવતું રાજકોટ માલધારી સમાજ : સમસ્ત માલધારી સમાજ-રાજકોટે કલેકટરને આવેદન પાઠવી સરકાર દ્વારા થયેલ અન્યાય અંગે રજુઆતો કરી હતી.

રાજકોટ તા. ૧૬: સમસ્ત માલધારી સમાજે કલેકટરને આવેદન પાઠવી ગીર આલેચ, બરડા વિસ્તારના માલધારીઓને ન્યાય આપવા માંગણી કરી હતી.

આવેદનમાં જણાવેલ કે, ભરવાડ-રબારી-ચારણ સમાજ વર્ષોથી પોતાના માલઢોર, ઘેટા-બકરા સાથે વન વગડામાં રખડતું ભટકતું જીવન જીવે છે. ગીર-બરડા આલેચ વિસ્તારના માલધારીઓનો અનુસૂચિત જનજાતિમાં સમાવેશ કરાયો છે છતાં તાજેતરમાં લેવાયેલી એલઆરડીની પરીક્ષામાં રબારી-ભરવાડ-ચારણ જ્ઞાતિના દિકરા-દિકરીઓની અનુસુચિત જાતિમાં ગણતરી ન કરી તેઓની ઉંચી ટકાવારી હોવા છતાં તેમનઅી બાદબાકી કરી તેઓની મળતા લાભોમાંથી વંચિત રાખવામાં આવ્યા છે.

માલધારી સમાજના જે વિદ્યાર્થીઓ ઉમેદવારોને અન્યાય થયેલ છે. તેઓને તાત્કાલિક ન્યાય આપવાની અમો સરકાર સમક્ષ માંગણી કરીએ છીએ. જો તાત્કાલિક આ બાબતે સરકાર દ્વારા નિર્ણય લેવામાં નહિં આવે તો ગાંધીચિંધ્યા માર્ગે આંદોલન કરવામાં આવશે. માત્ર ગીર-બરડા-આલેચના જ નહિં પરંતુ રખડતું ભટકતું જીવન જીવતા સમગ્ર ગુજરાતની માલધારીઓનો અનુસુચિત જનજાતિમાં સમાવેશ કરવો જોઇએ. એવી સમસ્ત માલધારી સમાજ દ્વારા અરજ કરવામાં આવે છે. આવેદન દેવામાં સર્વશ્રી ભીખાભાઇ પડસારીયા, રાજુભાઇ જુંજા, રણજીત મુંધવા, કે. વી. હણરાયકા, કરણભાઇ ગમારા, મેરૂભાઇ ધાંધલ, રામભાઇ વિગેરે જોડાયા હતા.

(3:48 pm IST)
  • ઉન્નાવ રેપ કેસ પર મોટો ચૂકાદોઃ ધારાસભ્ય કુલદીપ સેન્ગર દોષી જાહેરઃ ૧૯મીએ સજા પર થશે ચર્ચાઃ access_time 4:47 pm IST

  • કેન્દ્ર સરકારે 35298 કરોડ રૂપિયાની રકમ GSTના લેણાં પેટે છૂટી કરી : રાજ્ય સરકારો તથા કેન્દ્ર શાષિત પ્રદેશોની માંગણીને વાચા : સેન્ટ્રલ બોર્ડ ઓફ ઈન્ડાયરેક્ટ ટેક્સીસે આપેલી માહિતી : 18 ડિસેમ્બરના રોજ મળનારી GST કાઉન્સિલ મીટીંગ પહેલા લેવાયેલો નિર્ણય access_time 8:20 pm IST

  • પૂર્વ રાષ્ટ્રપતિ પ્રણવ મુખરજીએ લોકસભાની સીટ 543થી વધારીને 1000 કરવા અને રાજ્યસભાની બેઠકોમાં પણ વધારો કરવા હિમાયત કરી : પ્રણવદાએ કહ્યું કે દેશમાં ચૂંટાયેલ પ્રતિનિધિઓ માટે મતદાતાઓની સંખ્યા નિર્ધારિત કરતા ઘણી વધારે છે : પ્રણવ મુખરજીએ ઇન્ડિયા ફાઉન્ડેશન દ્વારા અટલ બિહારી વાજપેય સ્મૃતિ વ્યાખ્યાનમાં સતાધારી પાર્ટીને બહુસંખ્યકવાદ વિરુદ્ધ સતર્ક કર્યા હતા : તેઓએ કહ્યું કે લોકોએ બહુમતી આપી હશે પરંતુ મોટાભાગના મતદારોએ કોઈ એક પાર્ટીને ક્યારેય સમર્થન કર્યું નથી access_time 1:04 am IST