Gujarati News

Gujarati News

News of Monday, 16th December 2019

સર્વજ્ઞાતિ સમૂહલગ્નોત્સવમાં સ્નેહના બંધને બંધાઈ ૮૫ દીકરીઓએ નવજીવન શરૂ કર્યું

જે.એમ.જે.ગ્રુપના મયુરધ્વજસિંહ જાડેજા દ્વારા અનુદાનઃ તમામ દીકરીઓને સાસરે વળાવી

રાજકોટઃ જે.એમ.જે. ગ્રુપના મયુરધ્વજસિંહ જાડેજા દ્વારા આયોજિત સર્વજ્ઞાતિ સમૂહલગ્નોત્સવમાં વિવિધ શહેરો અને ગામડાંઓમાંથી આવેલ ૮૫ દીકરીઓએ સ્નેહના બંધને બંધાઈ નવજીવનની શરૂઆત કરી હતી. કન્યાદાનએ એક મોટું દાન છે. ભારતીય લગ્ન સંસ્કાર પ્રણાલી- પરંપરામાં સમૂહલગ્નએ અત્યારના સમયની માંગ છે. લગ્નએ એક નહિ પણ સાત ભવ- અવતાર સાથે રહેવાનું કર્તવ્ય- વચન છે ત્યારે બીજા પરિવારોની દીકરીઓને પોતાની નાની બહેનની જેમ જ સાસરે વળાવવાની મયૂરધ્વજસિંહ જાડેજાની સેવાનો સહુ કોઈએ બિરદાવી હતી.

આ ભવ્ય સર્વજ્ઞાતિ સમૂહલગ્નોત્સવમાં ૮૫ દીકરીઓએ ગૌધુલિક સમયે હસ્તમેળાપ કર્યો ત્યારે હજારો લોકોની આંખો ભીનિ થઈ ગઈ હતી. લગ્નનો તમામ ખર્ચ અને જીવનજરૂરિયાતની વસ્તુઓ દાતાશ્રી મયૂરધ્વજસિંહ જાડેજા દ્વારા આપવામાં આવેલ. આ પ્રસંગે મંત્રીશ્રી કુંવરજીભાઈ બાવળીયા ખાસ ઉસ્થિત રહ્યા હતા.

આ ઐતિહાસિક પળને માણવા સમારંભમાં અંદાજે ૧૦ હજાર થી વધુ લોકો ઉપસ્થિત રહ્યા હતા.

(3:36 pm IST)
  • ર૪મી સુધી પાયલ રોહતગીને જેલ : પૂર્વ વડાપ્રધાન જવાહરલાલ નહેરૂ અને તેમના પિતા મોતીલાલ નહેરૂ વિરૂદ્ધ વાંધાજનક વિડીયો બનાવવા અને તેને શેયર કરવાના મામલે અભિનેત્રી પાયલ રોહતગીને ર૪મી સુધી જેલ સજા થઇ છે : બુંદી પોલીસે ગઇકાલે અમદાવાદથી ધરપકડ કરી હતી access_time 4:06 pm IST

  • કેન્દ્ર સરકારે 35298 કરોડ રૂપિયાની રકમ GSTના લેણાં પેટે છૂટી કરી : રાજ્ય સરકારો તથા કેન્દ્ર શાષિત પ્રદેશોની માંગણીને વાચા : સેન્ટ્રલ બોર્ડ ઓફ ઈન્ડાયરેક્ટ ટેક્સીસે આપેલી માહિતી : 18 ડિસેમ્બરના રોજ મળનારી GST કાઉન્સિલ મીટીંગ પહેલા લેવાયેલો નિર્ણય access_time 8:20 pm IST

  • પૂર્વ રાષ્ટ્રપતિ પ્રણવ મુખરજીએ લોકસભાની સીટ 543થી વધારીને 1000 કરવા અને રાજ્યસભાની બેઠકોમાં પણ વધારો કરવા હિમાયત કરી : પ્રણવદાએ કહ્યું કે દેશમાં ચૂંટાયેલ પ્રતિનિધિઓ માટે મતદાતાઓની સંખ્યા નિર્ધારિત કરતા ઘણી વધારે છે : પ્રણવ મુખરજીએ ઇન્ડિયા ફાઉન્ડેશન દ્વારા અટલ બિહારી વાજપેય સ્મૃતિ વ્યાખ્યાનમાં સતાધારી પાર્ટીને બહુસંખ્યકવાદ વિરુદ્ધ સતર્ક કર્યા હતા : તેઓએ કહ્યું કે લોકોએ બહુમતી આપી હશે પરંતુ મોટાભાગના મતદારોએ કોઈ એક પાર્ટીને ક્યારેય સમર્થન કર્યું નથી access_time 1:04 am IST